Die tyd is naby

Christene wag op die wederkoms van Jesus Christus. Daar is baie skrifte in die Bybel oor die einde van die wereld..., wanneer Jesus terugkom en saligheid voltrek word, en baie ander dinge sal ook rondom hierdie tyd gebeur, bv. dat Jesus Christus Sy ewige koninkryk oprig (wat begin met 'n 1000-jaar bedeling). Verskeie TEKENS word ook vir ons in die Skrif gegee wat 'n aanduiding is van wanneer hierdie "einde" naby is. 

---------------------------------------------------------------------------------------------------------------------------

DIE WOORDE "DIE TYD IS NABY":

Dat ons kan weet wanneer die TYD VAN DIE WEDERKOMS NABY IS, is verseker (en die Skrif leer vir ons wat hierdie tekens is).  Ons leef beslis in "die laaste dae" en moet ook leef asof die tyd naby is, maar in 'n sekere konteks het Jesus gewaarsku teen hierdie soort woordgebruik! - die rede hiervoor is dat in 'n spesifieke konteks dit deur sommige verkeerd gebruik word om mense te mislei. Jesus het hierna verwys in Luk. 21:7,8 ("En hulle vra Hom en sê: Meester, wanneer sal dit dan wees, en wat is die teken wanneer dit gaan gebeur? En Hy antwoord: Pas op dat julle nie mislei word nie; want baie sal onder my Naam kom en sê: Dit is ek! en: DIE TYD IS NABY! Gaan dan nie agter hulle aan nie"). Hierdie is 'n waarskuwing teen valse christusse. Vgl. dit ook met (Matt. 24:4,5 - "En Jesus antwoord en sê vir hulle: Pas op dat niemand julle mislei nie. Want baie sal onder my Naam kom en sê: Ek is die Christus! en hulle sal baie mense mislei"). Daar is baie valse christusse wat oor die jare opgestaan het en mense mislei het (selfs vanaf die vroegste tye - 1 Joh. 2:18; 4:3 2 Joh. 1:7). Jesus se lering begin hier met dit en later verwys Hy weer daarna - En as iemand dán vir julle sê: Kyk, hier is die Christus! of: Kyk, daar! —moet dit nie glo nie.(Mar 13:22)  Want daar sal valse christusse en valse profete opstaan, en hulle sal tekens en wonders doen om, as dit moontlik was, ook die uitverkorenes te mislei.(Mar 13:23)  Maar julle moet op jul hoede wees. Kyk, Ek het alles vir julle vooruit gesê. (Mat 24:26)  As hulle dan vir julle sê: Kyk, Hy is in die woestyn—moenie uitgaan nie; kyk, Hy is in die binnekamer—moet dit nie glo nie. Jesus leer ook vir ons hoedanig Sy koms sal wees! (sodat ons nie mislei word deur 'n ander soort "koms" nie) -  (Mat 24:27)  Want soos die weerlig uit die ooste uitslaan en tot in die weste skyn, so sal ook die koms van die Seun van die mens wees. Openb. 1:7 maak die stelling dat "ELKE OOG SAL HOM SIEN" wanneer Hy terugkom... - (Openb. 1:7 - "Kyk, Hy kom met die wolke, en elke oog sal Hom sien, ook hulle wat Hom deursteek het; en al die geslagte van die aarde sal oor Hom rou bedryf; ja, amen!"). 

In konteks het Jesus hier gepraat oor die verwoesting van die tempel en Jerusalem wat ingeval word... (Matt. 24:1,2; Luk. 21:5-7; Mark. 13:1,2) - sommige geleerdes sien hierdie slegs as geskiedkundig; tog praat Hy ook hier in konteks "die einde van die wereld" en Sy Wederkoms... (Luk. 21:25-28; Matt. 24:3,29; Mark. 13:24-27) (en die volgorde wat Hy gee van gebeure daar is terloops basies 'n kort opsomming van wat min of meer beskryf word onder die 7 seels!). Al kan dus dele ook as geskiedkundig geneem word waar Jesus oor hierdie dinge en tekens praat, is dit ook so dat Hy verwys het na wat in die toekoms gaan gebeur, en dit sluit in die verre toekoms tot net voor Sy wederkoms (en in hierdie konteks is daar ook tekens wat vir ons gegee is oor wanneer die tyd naby is). 

----------------------------------------------------------------------------------------------------------------------------

WAT IS DIE TEKENS WAT JESUS GEGEE HET VAN HOE ONS KAN WEET WANNEER DIE TYD VAN SY WEDERKOMS NABY IS?

- OORLOë:  (Mark. 13:7,8a)  Maar wanneer julle hoor van oorloë en gerugte van oorloë, moet julle nie verskrik word nie, want dit moet kom. Maar dit is nog nie die einde nie. Want die een nasie sal teen die ander opstaan, en die een koninkryk teen die ander; 

- HONGERSNODE, BEROERINGE, PESSIEKSTES EN AARDBEWINGS (Mark. 13:8bc) en daar sal aardbewings wees op verskillende plekke, en daar sal hongersnode wees en beroeringe. Hierdie dinge is ‘n begin van die smarte. (Mat 24:7b)  ... en daar sal hongersnode wees en pessiektes en aardbewings op verskillende plekke.

- VERDRUKKING: (verdrukking sal alreeds gebeur nog voor die groot Verdrukking later intree)(Mar 13:9)  Maar wees julle vir julleself op die hoede, want hulle sal julle oorlewer aan regbanke, en in sinagoges sal julle geslaan word en voor goewerneurs en konings gebring word om My ontwil, vir hulle tot ‘n getuienis. (Mat 24:9a)  Dan sal hulle jul aan verdrukking oorgee en julle doodmaak... (Mat 24:10)  En dan sal baie tot struikel gebring word en mekaar verraai en mekaar haat.

- DIE EVANGELIE sal onder verdrukking VERKONDIG WORD AAN ALLE NASIES: (Mar 13:10)  En die evangelie moet eers aan al die nasies verkondig word. (Mar 13:11)  En wanneer hulle jul weglei om julle oor te lewer, moenie julle vooraf kwel oor wat julle sal spreek nie, en moenie daaroor dink nie; maar wat julle in dié uur gegee word, dit moet julle spreek; want dit is nie julle wat spreek nie, maar die Heilige Gees. (Mat 24:14)  En hierdie evangelie van die koninkryk sal verkondig word in die hele wêreld tot ‘n getuienis vir al die nasies; en dan sal die einde kom.

- CHRISTENE SAL GEHAAT WORD: (Mar 13:12)  En die een broer sal die ander tot die dood oorlewer, en die vader sy kind, en die kinders sal teen hulle ouers opstaan en hulle doodmaak. (Mar 13:13)  En julle sal deur almal gehaat word ter wille van my Naam. Maar wie volhard tot die einde toe, hy sal gered word. 

- ONGEREGTIGHEID SAL VERMEERDER en LIEFDE VAN MEESTE SAL VERKOEL: (Mat 24:12)  En omdat die ongeregtigheid vermeerder word, sal die liefde van die meeste verkoel.

- GRUWEL VAN VERWOESTING: (Mar 13:14)  En wanneer julle die gruwel van die verwoesting, waarvan gespreek is deur die profeet Daniël, sien staan waar dit nie behoort nie—laat hom wat lees, oplet—dan moet die wat in Judéa is, na die berge vlug; (Mar 13:15)  en wie op die dak is, moet nie afkom in die huis en ook nie ingaan om iets uit sy huis weg te neem nie; (Mar 13:16)  en wie op die land is, moet nie omdraai na wat agter is om sy kleed weg te neem nie. (Mar 13:17)  Maar wee die vroue wat swanger is en die wat nog soog, in daardie dae! (Mar 13:18)  En bid dat julle vlug nie in die winter mag plaasvind nie. (Mar 13:19)  Want daardie dae sal daar ‘n verdrukking wees soos daar nie gewees het van die begin van die skepping af wat God geskape het tot nou toe, en ook nooit sal wees nie. 

- GROOT VERDRUKKING: (Mat 24:15)  Wanneer julle dan die gruwel van die verwoesting, waarvan gespreek is deur die profeet Daniël, sien staan in die heiligdom—laat hy wat lees, oplet—(Mat 24:16)  dan moet die wat in Judéa is, na die berge vlug;(Mat 24:17)  wie op die dak is, moet nie afkom om iets uit sy huis weg te neem nie;(Mat 24:18)  en wie op die land is, moet nie omdraai om sy klere weg te neem nie.(Mat 24:19)  Maar wee die vroue wat swanger is en die wat nog soog, in daardie dae.(Mat 24:20)  En bid dat julle vlug nie in die winter of op die sabbat mag plaasvind nie.(Mat 24:21)  Want dan sal daar groot verdrukking wees soos daar van die begin van die wêreld af tot nou toe nie gewees het en ook nooit sal wees nie.

- TER WILLE VD WAT VERDRUK WORD EN VLUG, SAL DIE DAE VERKORT WORD: (Mar 13:20)  En as die Here dié dae nie verkort het nie, sou geen vlees gered word nie; maar ter wille van die uitverkorenes wat Hy uitverkies het, het Hy dié dae verkort.

- VALSE CHRISTUSSE en VALSE PROFETE: (Jesus begin die lering hiermee, maar later word dit weer genoem - l.w. dat hierdie die tyd is waarin "die dier" en "valse profeet" sal optree, nl. in tyd van verdrukking)(Mar 13:21)  En as iemand dán vir julle sê: Kyk, hier is die Christus! of: Kyk, daar! —moet dit nie glo nie.(Mar 13:22)  Want daar sal valse christusse en valse profete opstaan, en hulle sal tekens en wonders doen om, as dit moontlik was, ook die uitverkorenes te mislei.(Mar 13:23)  Maar julle moet op jul hoede wees. Kyk, Ek het alles vir julle vooruit gesê. (Mat 24:26)  As hulle dan vir julle sê: Kyk, Hy is in die woestyn—moenie uitgaan nie; kyk, Hy is in die binnekamer—moet dit nie glo nie. (Mat 24:27)  Want soos die weerlig uit die ooste uitslaan en tot in die weste skyn, so sal ook die koms van die Seun van die mens wees.

- SON VERDUISTER en MAAN SAL SY GLANS NIE GEE NIE en STERRE VD HEMEL SAL VAL, KRAGTE VD HEMEL SAL SKUD: (Mar 13:24)  Maar in daardie dae, ná dié verdrukking, sal die son verduister word, en die maan sal sy glans nie gee nie,(Mar 13:25)  en die sterre van die hemel sal val, en die kragte wat in die hemele is, sal geskud word.

WANNEER ONS HIERDIE TEKENS SIEN, DAN WEET ONS DIE TYD (van Jesus se Wederkoms) IS NABY! (Mar 13:26,27 - "En dan sal hulle die Seun van die mens op die wolke sien kom met groot krag en heerlikheid. En dan sal Hy sy engele uitstuur, en Hy sal sy uitverkorenes uit die vier windstreke versamel, van die einde van die aarde af tot by die einde van die hemel"). Hierdie is m.a.w. die TEKENS voor DIE WEDERKOMS! En l..w. dat die verdrukking en 6de seel gebeure VOOR dit plaasvind... - nl. son verduister en maan bloed, sterre val, ens. (dit waarna Jesus ook hier verwys), dit gebeur eers na die (groot) verdrukking, en dit is alles VOOR die Wederkoms: (Mat 24:29)  En dadelik ná die verdrukking van daardie dae sal die son verduister word, en die maan sal sy glans nie gee nie, en die sterre sal van die hemel val, en die kragte van die hemele sal geskud word. (Mat 24:30)  En dan sal die teken van die Seun van die mens in die hemel verskyn, en dan sal al die stamme van die aarde rou bedryf en die Seun van die mens sien kom op die wolke van die hemel met groot krag en heerlikheid. Die verdrukking vind nie na die wederkoms plaas (soos sommige dink nie)... En Matt. 24:31 leer ook dat die uitverkorenes dan eers versamel gaan word... (nie voor die groot verdrukking nie);  m.a.w., die "wegraping" gaan nie plaasvind voor die groot verdrukking nie - vir 'n studie hieroor, gaan na: https://eindtydonderwerpe.blogspot.com/2017/05/die-doel-van-die-wegraping.html). En let ook daarop dat "die gruwel van verwoesting" VOOR die groot verdrukking is, en is dus 'n teken van wanneer die groot verdrukking gaan begin... (Mark. 13:14).  En vir die gruwel om opgerig te word moet die tempel gebou wees (kyk Openb. 11). Daar is natuurlik heelwat ander dinge wat in die boek van Openbaring genoem word (bv. die twee getuies, ens.), wat ook alles dinge is wat gebeur voor die Wederkoms, maar ons gaan nie nou daarby stilstaan nie (op 'n ander pos word hierdie tekens bespreek).

Jesus het verder ook die opmerking gemaak dat die geslag wat hierdie tekens sien..., sekerlik nie verby sal gaan voordat alles (van die einde) gebeur het nie (Mar 13:30-32 - "Voorwaar Ek sê vir julle, hierdie geslag sal sekerlik nie verbygaan voordat al hierdie dinge gebeur het nie. Die hemel en die aarde sal verbygaan, maar my woorde sal nooit verbygaan nie. Maar van daardie dag en dié uur weet niemand nie, ook nie die engele in die hemel of die Seun nie, maar net die Vader"). Dit is m.a.w. die laaste geslag op aarde van die huidige "hierdie eeu"-bedeling";  daarna volg die "volgende eeu"-bedeling (die 1000 jaar waarin Jesus sal regeer oor die hele aarde, en die wat gered word sal saam met Hom regeer). 

----------------------------------------------------------------------------------------------------------------------------

ONS MOET ALTYD LEEF ASOF DIE TYD NABY IS: 

IN DIE BETROKKE LERING HET JESUS BAIE KLEM GELê DAAROP DAT ONS ONS NIE MOET LAAT MISLEI DEUR VALSE CHRISTUSSE EN VALSE PROFETE NIE (wat bv. hierdie selfde woorde "die tyd is naby" sal gebruik om mense te mislei), EN HY WIL Hê DAT ONS "GEREED" MOET WEES VIR SY WEDERKOMS. Dit is nie die Here se wil dat kinders van die Koninkryk onverwags betrap moet word nie, en Hy wil hê dat elkeen seker maak hy is gereed (vir die wederkoms)(Mark. 13:28,29 - "En leer van die vyeboom hierdie gelykenis: Wanneer sy tak al sag word en sy blare uitbot, weet julle dat die somer naby is.  So weet julle ook, wanneer julle hierdie dinge sien gebeur, dat dit naby is, voor die deur"). In die betrokke lering bemoedig Jesus hulle verder om TE WAAK, want niemand weet wanneer die tyd daar is nie.  Die Here het vir ons 'n paar tekens gegee, maar niemand weet die dag en uur wanneer Jesus terugkom nie (behalwe die Vader)(Mark. 13:32 - "Maar van daardie dag en dié uur weet niemand nie, ook nie die engele in die hemel of die Seun nie, maar net die Vader"). Ons hoef nie te probeer uitwerk wanneer daardie dag en uur is nie, want dit is nie vir ons gegee om te weet nie! -  baie mense het al die dag en uur probeer raai wanneer Jesus terugkom, maar wat dit gewoonlik eerder tot gevolg het is dat Christenskap bespot word. Waarop Christene liewer moet ag gee is om GEREED te wees, en met daardie woorde word iets baie spesifiek bedoel... (Mar 13:33-37 - "Pas op, waak en bid, want julle weet nie wanneer die tyd daar is nie. Dit is soos ‘n man wat op reis is, wat sy huis agtergelaat en sy diensknegte volmag gegee het, en vir elkeen sy werk, en aan die deurwagter bevel gegee het om te waak. Waak dan, want julle weet nie wanneer die eienaar van die huis kom nie: in die aand of middernag of met die haangekraai of vroeg in die môre nie; dat hy nie miskien skielik kom en julle aan die slaap vind nie. En wat Ek vir julle sê, sê Ek vir almal: Waak!"). Wat Jesus hier leer oor wat dit beteken om gereed te wees, is nie om te weet presies wanneer Hy terugkom nie, maar gaan oor of jy besig is om Sy wil uit te voer.  Daar is baie skrifgedeeltes waarin daar gepraat word oor die belangrikheid van "om gereed te wees"(bv. o.a. moet ag gee op heilige wandel en godsvrug, bereid wees om lewe te verloor en verdrukking te ervaar, rykdom in die Here, vashou, ens.).

----------------------------------------------------------------------------------------------------------------------------

Is ons in die laaste dae?

Die term "laaste dae" (2 Tim. 3:1; Jak. 5:3) is 'n term wat nie net gebruik word vir "die einde nie, maar eintlik vir die laaste 2000 jaar. Vandat Jesus opgevaar het hemel toe wag ons op Sy wederkoms, en was elke Christen van daardie tyd af in "die laaste dae" (Hand. 2:17; Hebr. 1:1) - dit is hoe ons onsself gereed moet hou.  Ons moet altyd leef asof ons in die laaste dae is en die einde om die draai, en asof die TYD NABY is... (1Pe 4:7  En die einde van alle dinge is naby; wees dan ingetoë en nugter, om te kan bid.)(Jas 5:8  Julle moet ook geduldig wees; versterk julle harte, want die wederkoms van die Here is naby.) (Openb. 1:3  Salig is hy wat die woorde van die profesie lees, en die wat dit hoor en bewaar wat daarin geskrywe is, want die tyd is naby.). 

ONS IS IN DIE LAASTE DAE! - alreeds vanaf Jesus se opvaarding: (Hand.  2:17-21 - "En in die laaste dae, spreek God, sal Ek van my Gees uitstort op alle vlees, en julle seuns en julle dogters sal profeteer, en julle jongelinge sal gesigte sien, en julle ou mense sal drome droom. En ook op my diensknegte en diensmaagde sal Ek in dié dae van my Gees uitstort, en hulle sal profeteer. En Ek sal wonders gee bo in die hemel en tekens onder op die aarde, bloed en vuur en rookdamp. Die son sal verander in duisternis en die maan in bloed voordat die groot en deurlugtige dag van die Here kom.  En elkeen wat die Naam van die Here aanroep, sal gered word").  In die dae waarin ons lewe (die dae voor Jesus terugkom - die laaste 2000 jaar) sal elkeen wat die Naam van die Here aanroep (die wat in Hom glo) gered word.  Die Gees is ook al uitgestort! (die wat die Gees ontvang het die Here by hulle en ontvang ook gawes van die Gees). Verseker is ons in die laaste dae... (alhoewel daar ook 'n uitstorting verwag word nadat Jesus teruggekom het). 

ONS LEEF IN DIE LAASTE DAE VOOR DIE EINDE..., MAAR AS ONS DIE BOGENOEMDE TEKENS ALLES GEWAAR (soos bo beskryf - Matt. 24; Mark. 13; Luk. 8), dan is ons deel van die laaste generasie van "die laaste dae" (dan is die wederkoms om die draai). 

----------------------------------------------------------------------------------------------------------------------------

Eerste dier

 "DIERE" IN PROFESIE stel 'n spesifieke stel KONINGS of KONINKRYKE voor (koninkryke word ook na verwys as "konings") wat mekaar opvolg tot in die laaste dae...  Na watter koninkryke hierdie DIERE spesifiek verwys word somtyds vir ons in woorde gegee in die Skrif, maar in sommige gevalle is dit 'n saak van interpretasie na wie daardie spesifieke "diere" verwys. Die rede waarom baie mense hulle oë op hierdie reeks koninkryke hou is omdat dit vir ons 'n idee gee van wanneer "die einde" (vd wêreld) is, in ag geneem dat die koninkryke inderdaad in die geskiedenis mekaar presies opgevolg het presies soos deur die profete (vd Bybel) geprofeteer het. Natuurlik verwys die diere wat ons in hierdie reeks poste doen nie na alle koninkryke op aarde nie, maar na 'n spesifieke stel koninkryke wat in die Skrif genoem word wat mekaar opvolg... 

___________________________________________________________________________________    

In hierdie pos gaan ons kyk na die EERSTE DIER, maar die begrip "eerste dier" verwys nie noodwendig in alle skrifte na dieselfde dier nie.  Waar die begrip ookal in die Skrif gebruik word beteken dit dus nie dat dit telkens verwys na die eerste van hierdie spesifieke stel koninkryke/8 diere nie. Bv., as 'n spesifieke profesie net vier van hierdie diere in die reeks bespreek (bv. Dan. 7), dan gaan die 4 diere eerste, tweede, derde en vierde genoem word, nie noodwendig waar hulle inpas in daardie stel van 8 koninkryke nie... Dit hang dus af of daar na al die 8 verwys word, of slegs 'n deel.  In daardie opsig verwys "eerste dier" in die Skrif nie altyd na die eerste in die reeks van 8 nie, maar kan verwys na "die eerste" in die hoeveelheid koninkryke wat in daardie betrokke skrifgedeelte bespreek word (bv. die "eerste" van 4 diere wat beskryf word soos in Dan. 7..., nie die eerste vd 8 diere nie). 

In Dan. 7 word 4 vd diere genoem , waarvan die leeu die eerste:

-DIE LEEU  (Dan. 7:17 - die 4 diere verwys na 4 konings). 

Interpretasie en geskiedenis beinvloed ook baiemaal wie as watter dier gesien word, bv.  IN DIE REEKS VAN 8 KONINKRYKE of DIERE (wat mekaar opvolg): 

- kan die DIE EGIPTIESE RYK as die eerste (volgens geskiedenis) gesien word, maar verwys nie noodwendig volgens die Skrif na die eerste in die stel van 8 nie. Dus, terwyl baie geleerdes die Egiptiese Ryk sien as die eerste van hierdie 8 diere, is dit nie noodwendig dat die Egiptiese spesifiek na die eerste verwys nie.

- die LEEU in Dan. 7 word gesien as die Babiloniese koninkryk (volgens geskiedenis)(dit word o.a. vgl. met die kop vd beeld in Dan. 2 en Dan. 4:31-33).

Ons gaan in hierdie pos dus kyk na die moontlikhede van die Egiptiese en die Babiloniese Ryk (as die "EERSTE").

___________________________________________________________________________________

Kom ons kyk eers na die EGIPTIESE KONINKRYK:

Alhoewel die Egiptiese koninkryk nie in enige van die skrifgedeeltes voorkom waar daar na hierdie spesifieke stel koninkryke verwys word nie, word dit baiemaal gesien as die eerste volgens geskiedenis bronne. Volgens die geskiedenis vd wereld het die Egipties en toe die Assiriese Ryk, die Babiloniese Ryk voorafgegaan... Dit is om hierdie rede waarom sommige geleerdes die EGIPTIESE RYK sien as die eerste in die reeks van 8 diere, alhoewel hierdie Ryk nie 'n dier-voorstelling het soos meeste van die ander nie!  Die koning van Egipte word wel in sommige skrifte vgl. met diere, ja, bv. in Eseg. 29:3 word die koning van Egipte vgl. met 'n draak (Eseg. 29:3 - "Spreek en sê: So spreek die Here HERE: Kyk, Ek het dit teen jou, o Farao, koning van Egipte, jou groot draak wat in jou strome lê, wat sê: My stroom is myne, en ek het dit vir my gemaak");  en in Eseg. 32:2 word die koning van Egipte vgl. met 'n jong leeu onder die volke..., en terloops ook daar vgl. met 'n draak (Eseg. 32:2 - "Mensekind, hef ‘n klaaglied aan oor Farao, die koning van Egipte, en sê vir hom: Jong leeu onder die volke, verlore is jy! En jy was soos ‘n draak in die groot water, en jy het uitgebreek in jou strome en die waters geroer met jou pote en die strome daarvan troebel gemaak"). Maar l.w. dat hierdie meer soos vergelykings is (om iets anders voor te stel) - nie een van hierdie dier-koninkryke nie... En hierdie selfde voorstellings word terloops ook somtyds gebruik vir ander;  bv. die vorste van Israel word ook met jong leeus vgl. in Eseg. 19:2, en die ou slang/duiwel/satan word vgl. met 'n draak in Openb. 12:9. HIERDIE VERGELYKINGS IS NIE VOORSTELLINGS NIE - DIT BESKRYF bv. NIE 'N SPESIFIEKE KONINKRYK WAT op 'n spesifieke tyd OPSTAAN NIE, MAAR IS SLEGS 'N VERGELYKING. 'n Goeie vb. om hierdie te verduidelik is Openb. 12 - jy kan die verskil sien tussen 'n "vergelyking" en 'n "voorstelling" in Openb. 12: 3 en 9 - in v. 3 stel die vuurrooi draak bv. 'n koninkryk voor, maar in v.9 word die duiwel slegs vgl. word met 'n draak of 'n ou slang... (v. 9 verwys nie na 'n koninkryk wat opstaan nie, maar verwys slegs na die duiwel). 

Om hierdie rede kan die Egiptiese Ryk nie noodwendig hanteer word as die eerste in die spesifieke stel van 8 koninkryke/diere waarna in die Skrif verwys word nie, alhoewel dit een van die koninkryke was wat die Babiloniese voorafgegaan het. Die betrokke 8 koninkryke ("diere") wat in hierdie stel poste behandel word, verwys na sekere koninkryke wat in 'n lang stel van koninkryke op spesifieke tye opstaan en identifiseer word, maar al die koninkryke tussen-in, of dit wat dit voorgegaan het, word nie noodwendig op naam genoem nie. 

----------------------------------------------------------------------------------------------------------------------------In Dan. 7 word die EERSTE DIER voorgestel soos 'n LEEU:

(Dan 7:4 - "Die EERSTE was soos ‘n LEEU, en hy het vlerke van ‘n arend gehad; ek het bly kyk totdat sy vlerke uitgeruk is en dit van die grond af opgehef en soos ‘n mens op twee voete neergesit is en daaraan ‘n mensehart gegee is"). Die kop van die beeld in Dan. 2 word gewoonlik vgl. met die leeu in Dan. 7.

In ag geneem dat Dan. 7 slegs na 4 vd diere verwys (in die reeks van 8)(Dan. 7:2-8), is dit logies dat die leeu na die EERSTE (van hierdie 4) verwys, nie noodwendig die eerste in die reeks van 8 diere nie, maar kan natuurlik ook gesien word as die eerste in die reeks van 8! (die leeu word dus gesien as die eerste van die 4 diere genoem in Dan. 7, maar stel nie noodwendig die eerste voor in die stel van 8 nie - dit is op hierdie punt waar sommige geleerdes verskil, en wat interpretasie kan beinvloed). Die 4 diere genoem in Dan. 7 staan "uit die see" uit op... -  l.w. dat "see" verwys na aarde (Dan. 7:17) - hierdie koninkryke wat "uit die see" uit opkom (waarvan die leeu een van hulle is), verwys na konings wat uit die aarde opstaan uit die see van mense / is koninkryke op aarde... - Dan. 7:17 (l.w. dat die woorde "uit die aarde" ook gebruik word vir "is aards", en praat daarom aards...-Joh. 3:31 - 'n begrip wat o.a. gebruik word vir die valse profeet/kyk die "dier uit aarde"...-Openb. 13).  

 - DIER verwys na koning of koninkryk (Dan. 7:17,23,24)(somtyds word die term "horings" ook vir konings gebruik, en verwys dan na konings wat uit 'n spesifieke koninkryk kom-Dan. 7:24). Die woorde "een verskillend van die ander" (Dan. 7:3) wys vir ons dat die diere na verskillende koninkryke verwys.

- SEE verwys na aarde (Dan. 7:17).

- soos 'n LEEU verwys na een van die 4 "diere" genoem in Dan. 7 - diere verwys gewoonlik na 'n koninkryk en/of koning, en in hierdie geval verwys dit ook nie net na 'n koninkryk (Dan. 7:12) nie, maar veral na 'n spesifieke koning (Dan. 7:17)(kyk o.a. die woorde "soos ‘n mens op twee voete neergesit is en daaraan ‘n mensehart gegee is").  Dan. 7 verduidelik nie na watter koninkryk/koning die leeu verwys nie, maar sou dit vgl. word met soortgelyke visioene in ander hoofstukke van Daniel, bv. Dan. 2, wil dit voorkom of die leeu verwys na die Babiloniese koninkryk;  m.a.w. die "koning van Babel". Vir 'n studie oor waarna "leeu" verwys, gaan na: (https://warechristene.blogspot.com/2024/05/beeldspraak-vergelyking-met-leeu.html).

- VLERKE (van 'n arend) - waarna die vlerke verwys is 'n saak van interpretasie. Vlerke van 'n arend kan wys op "na 'n plek vlieg" (Openb. 12:14); vgl. dit met Eks. 19:4 wat verwys na hoe die Here Sy volk "op arendsvlerke gedra het en na Hom gebring het"...  Vgl. dit ook met Deu 32:11-13 - die Here het Sy volk gedra... ("Soos ‘n arend sy nes opwek, oor sy kleintjies sweef, sy vlerke uitsprei, hulle opneem, hulle dra op sy vleuels— die HERE alleen het hom gelei, en daar was geen vreemde god by hom nie. Hy het hom laat ry op die hoogtes van die aarde, en hy het die opbrings van die veld geëet; en Hy het hom heuning uit die rots laat suig en olie uit die klipharde rots").  Kyk ook Jes. 40:29-31, om op te vaar met vleuels soos die arende, verwys na nuwe krag... ("Hy gee die vermoeide krag en vermenigvuldig sterkte vir die wat geen kragte het nie. Die jonges word moeg en mat, en die jongmanne struikel selfs; maar die wat op die HERE wag, kry nuwe krag; hulle vaar op met vleuels soos die arende; hulle hardloop en word nie moeg nie, hulle wandel en word nie mat nie").  VGL. DIT OOK MET ESEG. 17 (Eseg. 17:7 - "En daar was nog ‘n groot arend met groot vleuels en baie vere; en kyk, hierdie wingerdstok het sy wortels na hóm toe gebuig en sy ranke na hom toe uitgeskiet uit die beddings waar dit geplant was, dat hy dit sou bevogtig. ....................... Eseg. 17:12 -" Spreek tog met die wederstrewige huis: Weet julle nie wat hierdie dinge beteken nie? Sê: Kyk, die koning van Babel het na Jerusalem gekom en sy koning en sy vorste weggeneem en hulle na hom toe, na Babel gebring") - DIT WIL VOORKOM OF DIE WOORDE "vlerke van 'n arend" HIER VERWYS NA TOE DIE VOLK VAN GOD IN BALLINGSKAP GEGAAN HET... - DIE KONING VAN BABEL HET HULLE NA HOM TOE GENEEM - hy is die een wat krag gekry het en hulle na hom toe gedra het.  AS DIT INDERDAAD IS WAARNA DIT VERWYS, VERWYS DIE WOORDE "vlerke uitgeruk en van die grond af opgehef" DAN SEKERLIK NA HOE DIE DIER SY KRAG VERLOOR HET... (heerskappy is ontneem) en WEGGENEEM/WEGGETREK (vgl. met Eseg. 1:19,21 en 10:19).

- HEERSKAPPY / LEWE vd "leeu" - die 4de dier sal uiteindelik verbrand word (Dan. 7:11), maar l.w. die woorde "ook aan die ander diere is hulle heerskappy ontneem, en verlenging van die lewe is aan hulle gegee tot op tyd en uur" in v. 12.  Die LEEU, die eerste dier, se heerskappy sal net soos die beer en luiperd weggeneem word..., maar verlenging van lewe word gegee tot op tyd en uur... Alhoewel die diere heerskappy verloor, gaan hulle nie "dood" nie (tot die Seun vd mens kom!...- Dan. 7:13,14). 

- SOOS 'N MENS OP TWEE VOETE NEERGESIT EN 'N MENSEHART DAARAAN GEGEE - is 'n saak van interpretasie - kan moontlik verwys na 'n spesifieke koning (?)(en kan moontlik vgl. word met die "dier uit die see"-koning van Openb. 13).

---------------------------------------------------------------------------------------------------------------------

Die 8 "DIERE":

In hierdie pos het ons gekyk na die EERSTE DIER in hierdie spesifieke stel koninkryke.

Daar is 'n totaal van 8 sulke "diere" wat genoem word in die Skrif ('n spesifieke reeks koninkryke wat mekaar opvolg tot in die einde van dae net voor Jesus terugkom )(waarvan die laaste of 8ste verwys na die skarlakenrooi dier). Na wie elkeen van hierdie diere verwys, is somtyds 'n saak van interpretasie, en geleerdes verskil dus hieroor.  Hieronder volg 'n kort opsomming van hierdie"DIERE" in profesie wat dus konings en/of die volk of koninkryk voorstel, is: (l.w. dat sommige ander koninkryke ook hier ingesluit is omdat geleerdes dit somtyds insluit in profesie, alhoewel hulle nie in die Skrif in hierdie spesifieke reeks as diere-voorstellings gegee word nie )(die nommers wat hier gegee word is twee verskillende interpretasies...- ons kyk net na hierdie twee interpretasies, maar daar is natuurlik ook ander - die rede vir die verskillende interpretasies is omdat sekere inligting vir ons duidelik gegee word in die Skrif, en ander nie so duidelik nie).

- (1) die Egiptiese koninkryk kan volgens geskiedenis as die eerste gesien word (dier?)

- (2) die Assiriese koninkryk kan moontlik as een gesien word (sommige geleerdes sluit hierdie in in profesie;  alhoewel daar nie 'n dier-voorstelling is vir hierdie in profesie nie)(2 ?)

- (3)(1) Die BABILONIESE KONINKRYK - die LEEU (Dan. 7:4)(wat ook verwys na 'n koning, nl. die koning van Babel - vgl. met die kop op beeld in Dan. 2:32.36-38);

- (4)(2) Die MEDE & PERSIESE KONINKRYK - die BEER (Dan. 7:5)(wat ook verwys na 'n konings(s), nl. konings vd Mede & Perse - vgl. met die bors en arms op die beeld in Dan. 2:32,39;

   of voorgestel deur 'n RAM (Dan. 8:3,4,20 - en sy twee horings verwys na konings wat uit daardie koninkryk opgestaan het);

- (5)(3) Die GRIEKSE KONINKRYK - die LUIPERD (Dan. 7:6)(wat ook verwys na 'n koning, veral "die eerste koning" - vgl. met die buik en lendene op die beeld in Dan. 2:32,39)(4 vlerke en 4 koppe)

   of voorgestel deur 'n BOKRAM (Dan. 8:5,21,22 - en sy groot horing verwys na die eerste koning)(en die 4 horings wat in sy plek uitgekom het, verwys na 4 konings na 4 windstreke, en uit een van hierdie koning./koninkryke sal weer 'n ander horing opstaan);

- (6)(4) Die 4DE DIER KONINKRYK (Dan. 7:7)(wat deur baie gesien word as die Roomse koninkryk, en deur sommige as die Ottoman Ryk)  (die feit dat hierdie dier uiteindelik verbrand gaan word-Dan. 7:11, kan lyk of dit na die "vrou"-op die dier in Openb. 17 verwys - vrou=verborgenheid Babilon / groot stad Babilon wat heers oor die konings vd aarde)  (vgl. ook met die bene op die beeld Dan. 2:33.40, maar let op dat hierdie 4de dier se "bestaan" nie eindig voor die einde nie...Dan. 7:11,12 - sal bv. die hele aarde vertrap en dit verbrysel - dit kan maw ook die 5de en 6de koninkryk voorstel omdat die voete die laaste verdeelde koninkryk voorstel...)(10 horings - 10 konings/koninkryke staan uit hierdie koninrkyk op);

-    (5) Die VUURROOI DRAAK koninkryk (Openb. 12:3)(en stel ook 'n koning voor - baie geleerdes vgl. hierdie draak met die groot draak in die volgende gedeelte in Openb. 12 - in daardie geval sou die "koning" in hierdie geval verwys na die duiwel of satan )(7 koppe - 7 koninkryke is deel van hierdie koninkryk)(10 horings - 10 konings/koninkryke staan uit hierdie koninkryk op)(7 krone - 7 konings se mag/regeer), 

en word gewoonlik vgl. met die groot DRAAK (die ou SLANG / duiwel / satan)(Openb. 12:3,9)(ns: die Farao van Egipte word o.a. ook vgl. met 'n draak in Eseg. 29:3; 32:2);

- (7)(6) Die DIER UIT DIE SEE koninkryk (wat ook verwys na 'n koning-Openb. 19:20)(Openb. 13:1)(die draak gee sy mag en krag aan die dier uit die see)(kan moontlik vgl. word  met een vd twee voete op die beeld Dan. 2 - "verdeelde koninkryk")(7 koppe - 7 koninkryke is deel van hierdie koninkryk)(10 horings - 10 konings/koninkryke staan uit hierdie koninkryk op)(10 krone - 10 konings se mag/regeer);

-     (7) Die DIER UIT DIE AARDE koninkryk (wat ook verwys na die valse profeet-Openb. 19:20)(op ditto tyd as die "dier uit die see", en hy help die dier uit die see)("koning"=valse profeet -Openb. 16:13; 19:20; 20:10)(Openb. 19:20)(2 horings soos 'n lam - 2 konings/koninkryke staan uit hierdie koning op, of verteenwoordig hierdie "koning/koninkryk")(praat soos 'n draak);

- (8)(8) Die SKARLAKENROOI DIER koninkryk (Openb. 17:7,8,11)(kan moontlik vgl. word met die ander voet op die beeld Dan. 2 - "verdeelde koninkryk")(7 koppe - 7 koninkryke is deel van hierdie koninkryk - 5 het geval, 1 is, en die ander een moet nog kom (en sal dan vir 'n kort rukkie bly / skarlakendier is die 8ste)(10 horings - 10 konings/koninkryke staan uit hierdie koninkryk op);

             ook genoem die "dier uit die afgrond" (die 8ste)(wat was en nie is nie, alhoewel hy is-Openb. 17:8)(kan moontlik vgl. word met die "Babiloniese koninkryk", siende die vrou wat op hierdie dier sit ook verwys na die stad, groot Babilon)(Openb. 11:7).

------------------------------------------------------------------------------------------------------------------------------

Wat dit beteken "om gereed te wees"/"nie gereed te wees nie"

DAAR IS 'N PAAR SKRIFTE WAARIN JESUS VERWYS NA HOE BELANGRIK DIT IS "om gereed te wees" VIR SY WEDERKOMS... (Luk. 12:40; Matt. 24:44) - maar wat beteken dit? In hierdie pos ondersoek ons hierdie onderwerp.  

----------------------------------------------------------------------------------------------------------------------------

Rol af vir die volgende opsommings:

- OPSOMMING:  (wat beteken dit om gereed te wees?).

- Die term "gereed wees", of "nie gereed wees nie", in verskillende skrifte. 

- Die begrip "waak" in die Skrif.

- Skrifte oor "waak".

----------------------------------------------------------------------------------------------------------------------------

OPSOMMING: Wat beteken dit om gereed te wees, of nie gereed te wees nie?

 

In elke geval waar die tema van "gereed wees" in die Skrif aangeraak word, verwys dit na "om waaksaam te wees" (Matt. 24:42; 25:13; Mark. 13:33-37). OM GEREED TE WEES beteken o.a. om WAKKER TE WEES!, want hoe kan jy waak as jy slaap?  L w. dat hierdie selfde soort beeldspraak ook gebruik word in terme van "dronk" of "nugter"..., en dus ook gebruik word in konteks met die terme "kinders vd dag" of "kinders vd duisternis" - om die onderwerp van "gereed wees" beter te verstaan, kan dus ook ingekyk word op hierdie onderwerpe... (1Thess. 5:4-7 - "Maar julle, broeders, is nie in duisternis, dat die dag julle soos ‘n dief sou oorval nie. Julle is almal kinders van die lig en kinders van die dag; ons is nie van die nag of die duisternis nie. Laat ons dan nie slaap soos die ander nie, maar laat ons waak en nugter wees. Want die wat slaap, slaap in die nag; en die wat dronk word, is in die nag dronk"). Die begrip waak word ook gebruik in die konteks van "klere bewaar" (Openb. 16:15 - "Kyk, Ek kom soos ‘n dief. Salig is hy wat WAAK en sy klere bewaar, sodat hy nie miskien naak rondloop en hulle sy skaamte sien nie") - en verwys bv. o.a. na die wie se sonde nie bedek is nie omdat hulle nie hulle klere bewaar het nie.  Dit is duidelik dat die wat SLAAP of DRONK is (is van die nag en) is nie gereed nie ( 1 Thess. 5:7; Luk. 12:45). Die wat NIE WAAK nie (en dus slaap of nie hulle klere bewaar nie), is ook nie gereed nie.  OM GEREED TE WEES beteken dus dat iemand WAKKER is, NUGTER, en verwys na die wat hulle KLERE BEWAAR...  Hierdie word o.a. ook vir ons verduidelik in die gelykenis vd 10 maagde, alhoewel ander soort beeldspraak weer daar gebruik word, nl. dat die wat GEREED IS VOORBEREID IS / is waaksaam!; EN HET DUS OLIE IN HULLE LAMPE... (vir 'n dagstukkie oor hierdie onderwerp, gaan na: https://warechristenedagstukkies.blogspot.com/2022/04/lampe-aan-die-brand.html). Hierdie is alles soorte beeldspraak wat gebruik word om te verduidelik wat dit beteken om gereed te wees, of nie te wees nie.

- Volgens Luk. 12 is die wat waaksaam/gereed is die wat ryk is in die Here (soek nie rykdom in die wereld nie, maar soek die Koninkryk eerste), Hom vrees (die wat die kennis en wil vd Here soek, en Hom gehoorsaam) en Sy wil doen (die wat nie hulle eie wil soek nie, maar die wil vd Here - raadpleeg Hom).

- Volgens Matt. 24 verwys die wat waaksaam/gereed is na die wat in die Here bly en Sy koninkryk eerste soek (hulle is besig met die Here... - maar die wat nie waaksaam is nie, mis baie omdat hulle te besig is, en die uiteinde is dat hulle dus nie die Here se planne ken nie en sien nie die tekens nie).

- Volgens Matt. 25 verwys die wat waaksaam/gereed is na die wat voorbereidings tref sodat hulle nie onkant betrap word nie (het olie in die lampe - hulle soek die waarheid;  glo in Jesus se woorde; is gehoorsaam aan die Heilige Gees, die Gees van waarheid.  M.a.w., hulle het lig of kan "sien" want hulle het die woord/waarheid/Gees).

- Volgens Mark. 13:32-37  verwys "nie waaksaam nie" na die wat slaap en dus nie weet wanneer die dief inkom en steel nie (dit is gewoonlik wanneer die kerk slaap wat onkruid of ingesluiptes gesaai word onder die koring - onkruid verwys na valses en die wat ander verlei om leuens te glo). Vgl. dit met Hand. 20:28-31 (wolwe - hulle praat verkeerde dinge om die skape weg te trek agter hulle aan). 

- Volgens Luk. 21:34-37 verwys "nie waaksaam nie" na die wat meer besig is met die lewe as met die Here (soos die derde groep in die gelykenis vd saaier... - bestudeer gerus watter dinge daar genoem word wat vrug steel, bv. sorge en genietinge vd lewe, ens.).

- Volgens Openb. 16:15 word "om waaksaam te wees" in ditto konteks gebruik as die "wat hulle klere bewaar" (as die dief inkom word jou klere gesteel, daarom moet ons seker maak dat ons nie slaap nie)(in konteks gaan "klere bewaar" hier veral oor die klere wat jou naaktheid bedek;  m.a.w. "die klere wat jou sonde bedek" - die wat terugval in sonde en hulle nie daarvan bekeer nie sal naak staan op die dag wanneer die Here terugkom...). In hierdie geval beteken "om nie te waak nie" dat iemand in sonde stap en hom nie daarvan bekeer nie (die gevolg is dat hy sy klere kan verloor!, en dan kan hy onder oordeel val - ons het "klere" nodig om ons sonde te bedek)..

- Volgens Matt. 26 kan die wat nie waaksaam/gereed is nie, maklik in versoeking kom (vgl. dit met die wat nie ag gee op die pad van godsaligheid nie, en dus nie hulleself voed met die worde vd geloof en die gesonde leer nie)(diesulkes struikel en val maklik vir mensgemaakte gebooie).

Gereedheid het veral hiermee te doen dat iemand "olie het" - hulle het die Gees van waarheid en is bv. geoefen in die godsaligheid... (die wat hulleself voed met die woorde vd geloof en die gesonde leer - 1 Tim. 4:6, hulle hou nie aan fabels en valse lering vas nie) - hulle is wakker en nugter! (hulle "sien" en weet wat om hulle aangaan en val nie vir enige lering nie; en niemand kan van hulle steel nie). Hulle is BESIG MET DIE HERE en HOU VAS AAN DIE HERE, en is dus bewus van wat om hulle aangaan, kan bv. "hoor" en weet wat die Here besig is om te doen, dus erken die tekens vd tye, ens.  Maar kinders vd Koninkryk wat hulle nie oefen in die godsaligheid nie is besig met ander leringe bv. mensgemaakte gebooie, en is daarom nie wakker en nugter nie - dit verwys o.a. na die wat van die geloof afvallig word of verleidende geeste en leringe van duiwels aanhang... (1 Tim. 4:1-5) - hulle is NIE BESIG met die woorde vd geloof en die gesonde leer nie, maar val vir leringe wat in stryd is met die gesonde leer en dwing mense om mensgemaakte gebooie te volg;  dus, hulle het nie "olie" nie (hulle kan  nie skyn nie / kan nie lig gee nie).

Daar wag 'n bruilof wanneer die Bruidegom (Jesus) terugkom! (Openb. 19:9), en baie is uitgenooi.... -  die kinders vd Koninkryk word gesien as hierdie GENOOIDES wat hulle GEREED kry vir die Bruilof...  Kyk bv. na die gelykenis vd bruilofsfees in Matt. 22:1-14 (Matt. 22:2,3 - "Die koninkryk van die hemele is soos ‘n koning wat ‘n bruilof vir sy seun berei het en sy diensknegte uitgestuur het om die genooides na die bruilof te roep, en hulle wou nie kom nie");  vgl. dit ook met die gelykenis vd groot feesmaal in Luk. 14:12-24 - in die betrokke gelykenis was die genooides te besig om te kom na die feesmaal, en ander is in hulle plek genooi... (hierdie verwys na die kinders vd Koninkryk - die kinders van Israel en die kinders geroep uit alle volke; Rom 9:24-nie die alleen geroep uit die Jode nie, maar ook uit die heidene. "L.w. dat genooides" o.a. "geroepenes" genoem word... -Rom. 9:24; 1:6,7; 1 Pet. 1:15; 5:10; 2 Pet. 1:3; 1 Thess. 4:7; 2 Tim. 1:9; ens.).  Maar nie alle genooides sal ingaan nie! (hierdie is veral duidelik in die gelykenis vd 10 maagde). Baie is geroep ja, maar min sal uitverkies word... (Matt. 22:14). Die waarheid is dat sekere kinders vd Koninkryk uiteindelik nie sal ingaan in die Koninkryk nie (al het hulle die belofte) - "takke" kan afgebreek word sou hulle ongelowig word of in ongehoorsaamheid stap sonder om hulle daarvan te bekeer. Die wat weer ongelowig word, of die wat in ongehoorsaamheid stap en hulle nie daarvan bekeer nie, is soos mense wat NIE GEREED IS nie... - net soos die ongehoorsames en ongelowiges onder die volk Israel afgebreek is (Rom. 11; Matt. 21:40,41), net so sal huidige kinders vd koninkryk wat ongehoorsaam en ongelowig word afgebreek word as hulle hul nie bekeer nie. "Vrug" is belangrik! Al het elke kind vd Koninkryk die belofte, sal elkeen se vrug bepaal of hy uiteindelik ingaan in die koninkryk of nie.  

Bestudeer gerus ook die gelykenis vd 10 ponde om hierdie nog beter te verstaan (Luk. 19:11-27), want wat jy saai sal jy maai...  As jy bv. die Koninkryk eerste soek is jy besig om skatte te versamel in die hemel. Kinders vd Koninkryk word aangemoedig om liewer "RYK TE WORD IN DIE HERES" as in die wereld - hoe jy die ponde wat jy ontvang het gebruik, is dus belangrik. "Ponde" moet aangewend volgens die Koning se wil (en as jy nie weet wat Sy wil is, altans nie weet wat om daarmee te doen nie, gee dit vir iemand anders wat dit in die Koninkryk kan aanwend). En natuurlik is hierdie letterlik bedoel, maar dit geld ook vir die geestelike want wanneer jy saai in die Koninkryk word jy ryk in die Here.

----------------------------------------------------------------------------------------------------------------------------

Kom ons kyk na skrifte waarin gereed wees/nie gereed wees, aangehaal word:

-  (1) Baie sal nie gereed wees nie OMDAT HULLE NIE WAAKSAAM IS NIE - Jesus sal kom op 'n uur wat ons dit nie verwag nie, en daarom moet ons altyd waaksaam wees: (Luk 12:40) - "Julle moet dan ook gereed wees, omdat die Seun van die mens kom op ‘n uur dat julle dit nie verwag nie". In die betrokke vers kan ons alreeds leer dat die rede waaroom hierdie mense nie gereed is nie, is omdat hulle Hom nie verwag nie... - hulle word onkant betrap! (soos mense wat aan die slaap is, of deur 'n dief betrap word). In hierdie gedeelte kan ons ook na die konteks kyk om te probeer verstaan wat Jesus bedoel het met die woorde "OM GEREED TE WEES", bv.:

-  (1)  Luk. 12:13-40:  - moet "ryk wees in die Here"

-  (2)  Luk. 12:1-12:  -   moenie vrees vir die wat die liggaam doodmaak nie, maar vrees Hom wat by magte is om in die hel te werp /  moenie die Here verloën nie

- (3)  Luk. 12:41-59:  -  ken die wil van die Here en doen dit.

In hierdie gedeelte beteken "om gereed te wees" om WAAKSAAM TE WEES, en wil voorkom of "waaksaam" hier verwys na om eerder "ryk te wees in die Here" (as om wereldse rykdom te soek); die wat die Here vrees en Hom dus eerder gehoorsaam (as om mense te vrees en te gehoorsaam) -m.a.w., die wat Hom nie verloen nie; en die wat die wil vd Here ken en doen (soek Hom, raadpleeg Hom, doen nie hulle eie wil nie maar die Here se wil). 

In hierdie gedeelte beteken "om nie gereed te wees nie" dat iemand NIE WAAKSAAM IS NIE (bv. is nie ryk in die Here nie, vrees Hom nie, ken en doen nie Sy wil nie). 

- (2) Dieselfde rede word gegee in Matt. 24 - sommige sal nie gereed wees nie OMDAT HULLE NIE WAAKSAAM IS NIE - Jesus sal kom op 'n uur wat ons dit nie verwag nie, en daarom moet ons altyd waaksaam wees: (Matt. 24:44 - "Daarom moet julle ook gereed wees, want die Seun van die mens kom op ‘n uur dat julle dit nie verwag nie"). In Matt. 24 gee Jesus vir Sy dissipels tekens van wat sal gebeur rondom die tyd vd verwoesting vd tempel, Sy koms, en die voleinding vd wêreld (v.3). En dan, nadat Hy vir hulle baie spesifieke tekens gegee het waaraan hulle kan meet dat die tyd naby is, vgl. Hy ook daardie dae met "die dae van Noag" - net soos daardie mense nie verstaan het nie (en voortgegaan het met hulle alledaagse lewens, eet, drink, trou ens., en nie gereed was vir dit wat aan die kom is nie) en die vloed hulle onkant betrap het, net so sal dit wees wanneer Jesus terugkom...: (Mat 24:43,44  Maar weet dit: as die huisheer geweet het in watter nagwaak die dief sou kom, sou hy gewaak en nie toegelaat het dat in sy huis ingebreek word nie. Daarom moet julle ook gereed wees, want die Seun van die mens kom op ‘n uur dat julle dit nie verwag nie). In konteks gee Jesus tekens wat belangrik is vir die Christen om dop te hou..., want dit sal ons help om onsself gereed te kry vir wanneer Hy terugkom. Wanneer ons meer besig is met die lewe as die Here, en nie tyd maak vir Hom en die Koninkryk nie, dan is ons soos mense wat nie waaksaam is nie.  Want wat gebeur met iemand wat baie besig is?  So iemand mis baie dinge wat miskien belangrik is... (omdat hy te besig is).  Vir die wat nie gereed is nie (en bv. meer besig is met die lewe en dus nie soos die wat in die Here bly, weet wat volgende gebeur nie), sal Hy kom "soos 'n dief in die nag". Dit is belangrik dat ons in die Here bly en Sy koninkryk eerste soek. 

In hierdie opsig sal baie nie gereed wees nie, want net soos die wat nie die nodige reelings tref "om gereed te wees "sou die dief kom" nie, net so sal hulle onverwags deur die Here betrap word...  (HULLE IS NIE WAAKSAAM NIE en die dief betrap hulle onverwags). Hierdie kan miskien ook vgl. word met die tema van "sal van jou weggeneem word..." (Matt. 25:14-30) (v. 28,29 - "Neem dan die talent van hom weg en gee dit aan die een wat die tien talente het; want aan elkeen wat het, sal gegee word, en hy sal oorvloed hê; maar van hom wat nie het nie, van hom sal weggeneem word ook wat hy het"). Die Here vertrou Sy besittings aan ons toe (niks wat ons het behoort aan onsself nie, maar behoort aan die Here), en aan elkeen gee Hy volgens hulle vermoë (een kry 5 talente, 'n ander 2, en 'n ander 1), en is veronderstel om te DIEN met dit wat ons ontvang (daarmee te woeker, bv. "grond bewerk, water gee, ens. sodat dit kan vrug dra"). Jy moet vir die Here rente verdien op daardie geld, maar as jy dit wegsteek sal dit nie rente verdien nie. Wat gebeur is dat wanneer die "dief" kom sal van jou weggeneem word wat jy het (as jy nie daarop rente verdien het nie)... 

In hierdie gedeelte beteken "om gereed te wees" dat iemand WAAKSAAM is (hy laat nie toe dat 'n dief in sy huis inbreek nie, want hy tref die nodig reelings wat nodig is om gereed te wees vir as 'n dief wil inbreek - op ditto wyse moet iemand homself gereed kry vir wanneer Jesus onverwags kom) - het olie in die lampe...

In hierdie gedeelte beteken "om nie gereed te wees nie" dat iemand NIE WAAKSAAM IS NIE, soos die mense in die dae van Noag nie waaksaam was nie... (die vloed het hulle onverwags betrap... - die vloed het soos 'n dief op hulle afgeskom/op ditto wyse gaan Jesus soos 'n dief op hulle afkom - verwys na die wat hulleself nie gereed maak vir wanneer Jesus onverwags terugkom nie, en hulle ken of hou ook nie die tekens dop wat Jesus gegee het wat hulle waarsku dat die tyd naby is nie).  

- (3) Dieselfde rede word gegee in Matt. 24 t.o.v. die DIESNKNEGTE - sommige sal nie gereed wees nie OMDAT HULLE NIE WAAKSAAM IS NIE - Jesus sal kom op 'n uur wat ons dit nie verwag en weet nie, en daarom moet ons altyd waaksaam wees:

(Mat 24:50  "dan sal die heer van dié dienskneg kom op ‘n dag dat hy dit nie verwag nie en op ‘n uur dat hy dit nie weet nie"). In hierdie gedeelte is die fokus op "diensknegte" wat nie gereed sal wees nie. (Matt. 24:45-51  Wie is dan die getroue en verstandige dienskneg vir wie sy heer oor sy diensvolk aangestel het om hulle hul voedsel op tyd te gee? Gelukkig is daardie dienskneg vir wie sy heer, as hy kom, op hierdie manier besig sal vind. Voorwaar Ek sê vir julle, hy sal hom oor al sy besittings aanstel. Maar as daardie slegte dienskneg in sy hart sê: My heer talm om te kom—  en hy sy medediensknegte begin slaan en saam met die dronkaards begin eet en drink, dan sal die heer van dié dienskneg kom op ‘n dag dat hy dit nie verwag nie en op ‘n uur dat hy dit nie weet nie; en sal hom pynig en hom ‘n deelgenoot van die geveinsdes maak. Daar sal geween wees en gekners van die tande"). 

- (4)  Dieselfde rede word ook gegee in Matt. 25 t.o.v. die 5 MAAGDE - hulle sal nie gereed wees nie OMDAT HULLE NIE WAAKSAAM IS NIE - omdat Jesus sal kom op 'n dag en uur wat ons nie weet nie, moet ons altyd waaksaam wees:

(Mat 25:10)  En onderwyl hulle gaan om te koop, het die bruidegom gekom. En die wat gereed was, het saam met hom ingegaan na die bruilof, en die deur is gesluit.

(Mat 25:13)  Waak dan, omdat julle die dag en die uur nie weet waarop die Seun van die mens kom nie.  -In hierdie gedeelte beteken "om gereed te wees" dat iemand WAAKSAAM is (net soos die wat waaksaam is nie toelaat dat 'n dief in sy huis inbreek nie, want hy tref die nodig reelings wat nodig is , op ditto wyse moet ons gereed wees met olie in die lampe) - om gereed te wees beteken "het olie in die lampe"... Vir 'n dagstukkie hieroor, gaan na: (https://warechristenedagstukkies.blogspot.com/2022/04/lampe-aan-die-brand.html).

----------------------------------------------------------------------------------------------------------------------------

Kom ons kyk na die begrip "waak" in die Skrif:

Die wat nie waaksaam is nie, is aan die slaap:  Jy kan nie waak en slaap nie...  Dit is waarom die vyand kan inkom waar mense slaap - en is terloops juis die rede waarom daar onkruid (valses) onder die koring (opregtes) gesaai word, is wanneer hulle SLAAP! Bv., in 'n kerk waar baie (of die wagter) slaap, kan maar verwag word dat onkruid sal insluip...  "Waak" is die Hebr. woord "shaw-kad'"(Esra 8:29) wat beteken "wakker bly" of "om bedag/'alert' te wees" of "wag te hou/uit te kyk vir"; en Griekse woord "gray-gor-yoo'-o" (Matt. 24:42), wat beteken "om wakker te bly, hou wag" (bv. "vigilent"-gee aandag aan iets wat kan gebeur). As jy g'n niksv verwag of weet wat kan of gaan gebeur nie, is jy soos iemand wat aan die slaap is (vg. dit met die wat nie gereed sal wees nie omdat hulle te besig is met die lewe).  Bv., gelowiges wat tyd met die Here spandeer (bv. in gebed en woord) weet gewoonlik wat die Here wil doen..., watter woord Hy wil laat uitgaan..., hoe Hy "sien en dink"...ens. (Hy deel Sy planne met hulle - kyk tema van "vriende"). Hulle word soos "vriende" - hulle begin om die Here se planne te ken (bv. hoe Hy oor iets dink, wat Hy beoog om te doen, ens.), maar die wat nie tyd met die Here spandeer nie is soos mense wat slaap - hulle weet niks wat aangaan nie, of is soos mense wat dronk is en word rondgeslinger deur elke soort lering... (hulle staan nie vas nie - is dronk).  Gereedheid het veral hiermee te doen dat iemand geoefen is in die godsaligheid - is wakker en nugter! Hulle word nie deur elke soort lering rondgeslinger nie en weet wat om hulle aangaan. Die wat nie waaksaam/wakker is nie, is aan die "SLAAP" (en is daarom nie gereed nie). Bestudeer gerus hoe die term "slaap" in beeldspraak gebruik word in die Skrif... ; en hierdie beelspraak van "wakker of slaap" word ook baiemaal in ditto konteks gebruik as "nugter of dronk", bv.: - (1Pe 5:8)  Wees nugter en waaksaam, want julle teëstander, die duiwel, loop rond soos ‘n brullende leeu, en soek wie hy kan verslind. L.w. dat dit gewoonlik is wanneer mense SLAAP wanneer die vyand onkruid (bv. struikelblokke soos valse broeders, valse profete en valse leraars) onder die koring saai... (Matt. 13:25) - en die wat slaap val ook maklik vir versoeking. Die wat nie waaksaam is nie, maw die wat slaap wanneer Jesus terugkom, sal NIE GEREED WEES NIE.

Om "aan die slaap" te wees verwys na daardie gelowiges wat wandel soos kinders vd duisternis, nie soos hulle behoort te wandel nie. Kyk bv. die konteks van Ef. 5 waarin gelowiges vermaan word om sonde en afgodsdiens af te lê en gevra word om "die tyd uit te koop" (Ef. 5:14 - "Daarom sê Hy: Ontwaak, jy wat slaap, en staan op uit die dode, en Christus sal oor jou skyn"). 

Die wat "wakker" is verwys na  kinders van die lig / dag (1 Thess. 5:5) nie.

In beeldspraak betekens om "dronk" te wees (natuurlik in hierdie konteks NIE bedoel in die sin van dronk van die Gees nie)  na gelowiges wie se sinne bedorwe is...  - hulle is oorgegee aan hulle eie begeertes en gedagtes en doen wat hulle wil (nie wat die Here wil nie) - bv. dronk van sonde, afgode, wereldse wysheid ens.  Somtyds plaas die Here ongehoorsame gelowiges in 'n geestelike "diep slaap", sodat hulle oë nie sien nie en hulle ore nie hoor nie... (Rom. 11:7-11; Jes. 29:9,10)(hierdie verwys na die wat die waarheid ken maar hulle harte verhard/bv., hulle bly wetend ongelowig en doen wat hulle wil...) - omdat hulle hul nie bekeer van hulle verkeerde dade en verkeerde manier van "sien" nie, gee die Here hulle uiteindelik oor aan hulle begeerte (Rom. 1).  Hulle "sinne is verblind" (soos die ongelowiges) - hulle dink hulle "sien en hoor" maar doen nie werklik ni...e - hierdie kan ook vgl. word met "dronk" gelowiges.

----------------------------------------------------------------------------------------------------------------------------

SKRIFTE OOR "WAAK":

Om die woord beter te verstaan kan ons ook kyk na 'n paar skrifgedeeltes waarin hierdie begrip voorkom:

- (1) Matt. 26 - Jesus besig om te bid, Getsémané, net voor Hy gevange geneem is... Hy vra 3 van Sy dissipels om saam met Hom te WAAK, maar toe Hy later weer by hulle kom VIND HY HULLE AAN DIE SLAAP, en sê vir hulle:-(Matt. 26:40,41 - "En Hy kom by die dissipels en vind hulle aan die slaap, en Hy sê vir Petrus: So was julle dan nie in staat om een uur saam met My te waak nie? Waak en bid, dat julle nie in versoeking kom nie. Die gees is wel gewillig, maar die vlees is swak"). Hier sien ons 'n goeie vb. van hoe "slaap/nie waak nie" kan lei tot "in die versoeking kom"... (letterlik hier bedoel, maar dit het ook 'n geestelike betekenis;  want wanneer gelowiges "slaap" dan saai die bose onkruid/struikelblokke onder die koring, wat kan veroorsaak dat die gelowige onder versoeking kom).Vir poste waarin hierdie onderwerp o.a. bespreek word, gaan na:

-https://warechristene.blogspot.com/2013/08/bewaar-in-die-uur-van-beproewing.html

-https://warechristenedagstukkies.blogspot.com/2020/08/misleiding.html

-https://warechristene.blogspot.com/2021/12/ingesluiptes.html

- (2) (Mar 13:32-37 - "Maar van daardie dag en dié uur weet niemand nie, ook nie die engele in die hemel of die Seun nie, maar net die Vader. Pas op, WAAK en bid, want julle weet nie wanneer die tyd daar is nie. Dit is soos ‘n man wat op reis is, wat sy huis agtergelaat en sy diensknegte volmag gegee het, en vir elkeen sy werk, en aan die deurwagter bevel gegee het om te waak. Waak dan, want julle weet nie wanneer die eienaar van die huis kom nie: in die aand of middernag of met die haangekraai of vroeg in die môre nie; dat hy nie miskien skielik kom en julle AAN DIE SLAAP vind nie. En wat Ek vir julle sê, sê Ek vir almal: Waak!"). Hierdie beeldspraak word in ander gelykenisse ook gebruik waarin die Here voorgestel word soos 'n "man op reis"... (Luk. 20:9-18; Matt. 25:14-30) - in hierdie geval, Hy laat Sy huis agterna, gee Sy diensknegte volmag (het Sy besittings aan hulle toevertrou), gee vir elkeen werk, en die deurwagter bevel gegee om te waak... Niemand weet wanneer die eienaar terugkom nie, maar wat belangrik is is dat hulle nie slaap wanneer Hy terugkom nie! In hierdie geval sien ons dat waak beslis verwys na "wakker wees". Dit kan miskien vgl. word met Spr. 17:9 (alhoewel die konteks anders daar), van iemand wat homself oorgee aan dronkenskap (in hierdie geval liefde maak terwyl die vrou se man nie by die huis is nie...). Op ditto wyse ruk kinders bv. somtyds hand uit wanneer die ouers nie by die huis is nie... Op ditto wyse is daar diensknegte wat hand uitruk terwyl hulle Meester op reis is... Hier sien ons dat ONGEHOORSAAMHEID o.a. 'n verwysing kan wees dat iemand nie waaksaam is nie (bv., die ongehoorsame kind is nie waaksaam nie en sy ouers betrap hom onkant;  net so die kinders vd koninkryk wat hand uitruk en ongehoorsaam word en dus nie waaksaam is nie, en Jesus sal hulle onkant betrap - bestudeer veral die tema van "soos 'n dief in die nag" om hierdie nog beter te verstaan). 

Vir poste waarin hierdie onderwerp o.a. bespreek word, gaan na:

-https://warechristene.blogspot.com/2017/05/slaap-en-die-geestelike-betekenis-van.html

-https://warechristenedagstukkies.blogspot.com/2017/07/die-koninkryk-vd-hemele-is-soos-n_1.html

-https://warechristenedagstukkies.blogspot.com/2017/07/die-here-se-wingerd.html

- (3) (Luk 21:34-37 - "Maar pas op vir julleself, dat julle harte nie miskien beswaar word deur swelgery en dronkenskap en sorge van die lewe nie, en dié dag julle nie skielik oorval nie. Want soos ‘n strik sal hy kom oor almal wat op die hele aarde woon. Waak dan en bid altyddeur, sodat julle waardig geag mag word om al hierdie dinge wat kom, te ontvlug en voor die Seun van die mens te staan"). In hierdie geval is die wat "waak" ook die wat "waardig geag sal word" -  "waak" in hierdie gedeelte verwys daarna dat ons nie ons harte beswaar met swelgery en dronkenskap, en sorge vd lewe nie... Vgl. dit met "die dae van Noag" en die derde groep in die gelykenis vd saaier., wat beslis beteken dat daardie mense nie gereed is nie.

Vir poste waarin hierdie onderwerp o.a. bespreek word, gaan na:

-https://warechristene.blogspot.com/2021/12/die-boek-van-judas.html

-https://warechristene.blogspot.com/2013/08/versoeking-2.html

-https://warechristene.blogspot.com/2014/06/wat-is-die-waarheid-2.html

-https://warechristene.blogspot.com/2013/09/versoeking-3-jy-mag-die-here-jou-god.html

- (4) (Hand. 20:28-31 - "Gee dan ag op julleself en op die hele kudde waaroor die Heilige Gees julle as opsieners aangestel het om as herders die gemeente van God te versorg, wat Hy deur sy eie bloed verkry het. Want ek weet dit, dat ná my vertrek wrede wolwe onder julle sal inkom en die kudde nie sal spaar nie. Ja, uit julle self sal daar manne opstaan wat verkeerde dinge praat om die dissipels weg te trek agter hulle aan. Daarom moet julle waak en onthou dat ek drie jaar lank nag en dag nie opgehou het om elkeen met trane te vermaan nie"). In hierdie geval beteken "waak" dat die opsieners/herders ag gee op hulleself en op die kudde... Waarvoor moet hulle oppas?  Daar sal wrede wolwe onder hulle inkom wat verkeerde dinge sal praat en die kudde sal probeer wegtrek om agter hulle aan te gaan - daarom is dit belangrik dat hulle nie "slaap" nie, want anders kan hulle in versoeking kom. Die wagters moet wakker wees! (anders word onkruid onder die koring gesaai). In die wagters se geval verwys dit nie net na die belangrikheid van vermaning waar nodig (soos Paulus gedoen het) nie, maar ook daarna dat hulle die gemeente moet versorg (laat hulle wei en gee vir hulle geestelike kos en water).  

Vir poste waarin hierdie onderwerp o.a. bespreek word, gaan na:

-https://warechristene.blogspot.com/2021/12/ingesluiptes.html

-https://warechristene.blogspot.com/2022/01/die-boek-van-judas-2ingesluip-ongebonde.html

-https://warechristene.blogspot.com/2022/04/dwaal-dwalendes.html

-https://warechristene.blogspot.com/2020/09/mislei-misleiding-verlei-verleier.html

- (5) (Openb. 16:15 - "Kyk, Ek kom soos ‘n dief. Salig is hy wat waak en sy klere bewaar, sodat hy nie miskien naak rondloop en hulle sy skaamte sien nie"). In hierdie geval sien ons hoe "klere bewaar" in dieselfde konteks gebruik word as "waak".  Die wat nie hulle klere bewaar nie moet pasop dat hulle nie naak staan teen die tyd wat Jesus terugkom nie - natuurlik is hierdie beeldspraak om te verduidelik dat die heiliges "klere aangetrek is" (bv., hulle sonde is vergewe en hulle is "bekleed met Christus"), maar as hulle terugval in sonde (en die sonde weer begin dien) dan is hulle besig om hulle klere te besoedel;  en as iemand wegval vd geloof in Christus kan hy nie verwag om saam met die volk te erf nie.

Vir poste waarin hierdie onderwerp o.a. bespreek word, gaan na:

-https://warechristenedagstukkies.blogspot.com/2020/05/die-keiser-se-nuwe-klere.html

-https://warechristenedagstukkies.blogspot.com/2017/05/die-koninkryk-vd-hemele-is-soos-n_23.html

-https://warechristenedagstukkies.blogspot.com/2021/12/algemene-vrae-oor-saligheid-lewe-of-dood.html

(Vir dagstukkied waarin hierdie onderwerp voorkom, gaan na: https://warechristenedagstukkies.blogspot.com/2018/08/verdrukking-in-die-vlees.html).

Die voleinding vd wereld word o.a. soos 'n OES gesien

Die term "OES" word gewoonlik gebruik in konteks met "vrug oes", "oordele", of "roeping".  

IN HIERDIE POS STAAN ONS SPESIFIEK STIL BY DIE OESTE WAT SAL PLAASVIND AAN DIE EINDE VD WêRELD..., nl.: 

- (1) wanneer die vrug van die kinders vd Koninkryk geoes sal word, en 

- (2) sekere ander oeste of oordele sal plaasvind (bv. onder die laaste 7 plae sien ons die slag van Armageddon wat veral na gekyk word in hierdie gedeelte, asook word "oordeel oor Babilon" gesien soos 'n oes in Jer. 51...).

DIE TERM "OES" VERWYS O.A. NA "OORDEEL". Ahoewel die term "oes" nie noodwendig voorkom in al die skrifte wat ons hieronder behandel nie, is daar baie ander woorde wat gebruik word in konteks met oes..., bv." dorsvloer skoonmaak" (Matt. 3:12; Luk. 3:17), "bymekaarbring in skuur" (Matt. 13:30), "skeiding van koring en kaf of van koring en onkruid" (Mark. 13:29,30; Luk. 3:17), "vrug oes" (Mark. 4:29), ens....- daar word dus ook na skrifte gekyk waarin hierdie soort bewoording voorkom.  

---------------------------------------------------------------------------------------------------------------------------

INLEIDING:

Aan die "einde vd wêreld" (wanneer Jesus terugkom) sal daar verskillende OESTE plaasvind  - o.a. (1) sal die vrug van die kinders vd Koninkryk geoes word... (Mat 13:39 - "en die vyand wat dit gesaai het, is die duiwel. Die oes is die voleinding van die wêreld, en die maaiers is die engele"). (2) Daar is ook ander OORDELE wat sal plaasvind (meer bekend onder die begrip "GRIMMIGHEID VAN GOD"-Openb. 14:14-20). (3) En daar is terloops ook huidiglik 'n OES wat plaasvind! (maar in hierdie pos staan ons slegs stil by die "oeste" aan die einde vd wêreld).

---------------------------------------------------------------------------------------------------------------------------

(1) Die vrug van gelowiges sal geoes word:

Die vrug vd kinders vd Koninkryk sal "geoes" word wanneer Jesus terugkom... (Matt. 4:26-29; 13:30)(en vrug sal terloops bepaal of iemand ingaan in die Koninkryk of nie!).  Ja, kinders vd Koninkryk sal op hulle harte en "vrug" geoordeel word... (1 Sam. 16:7) - alle kinders vd Koninkryk sal voor die Regterstoel van Christus verskyn (Rom. 14:10; 2 Kor. 5:10). In die gelykenis vd saaier het Jesus verduidelik hoe belangrik "vrug dra" is - die vierde groep stel bv. geestelike mense voor wat vrug dra, en bly dra;  en die derde groep stel geestelike mense voor wat vrug dra, maar dit verloor a.g.v. sekere dinge wat daar genoem word... Dit is gevaarlik as die geestelike mens (wat instaat is om "vrug tot lewe" te dra) vrug verloor... Jesus het o.a. gese dat die wat in Hom bly dra veel vrug; maar die wat nie in Hom bly nie, sal uitgewerp word! -(Joh 15:5,6 - "Ek is die wynstok, julle die lote. Wie in My bly, en Ek in hom, hy dra veel vrug; want sonder My kan julle niks doen nie. As iemand in My nie bly nie, word hy uitgewerp soos die loot en verdroog, en hulle maak dit bymekaar en gooi dit in die vuur, en dit verbrand").

Kinders vd Koninkryk is soos saad wat in die wêreld geplant word en het (geestelike) kos en water en lig nodig.. - lig word gegee (nl. die wat weergebore word ontvang die Heilige Gees), en kos en water word by die Here self ontvang asook deur die bedienaars in die Koninkryk gegee..., nl.die  maaiers (sekere mense word geroep om dit te doen). Jesus het baie vir ons oor hierdie onderwerp geleer, o.a. so bo genoem dat ons IN HOM MOET BLY - want sonder Hom kan ons nie vrug dra nie (Joh. 15:5). Maw, jy het Sy "kos en water en lig" nodig om te kan groei - SODAT JY KAN VRUG DRA! Net soos 'n boom moet groei voor dit kan begin vrug dra, net so het die geestelike mens nodig om geestelik te groei sodat hy hierdie geestelike vrug (tot lewe) kan dra (https://warechristene.blogspot.com/2021/03/die-geestelike-mens-as-baba-en-kind.html). 

(Gal 6:7,8 - "Moenie dwaal nie; God laat Hom nie bespot nie; want net wat die mens saai, dit sal hy ook maai. Hy wat in sy vlees saai, sal uit die vlees verderf maai; maar hy wat in die Gees saai, sal uit die Gees die ewige lewe maai"). M.a.w., sonder geestelike groei kan ons nie hierdie vrug (tot lewe) dra nie.... - ons het die Here nodig! Geestelike kos en water (nl. die woord/waarheid, die Here, die Gees) en lig (nl. die Heilige Gees) is nodig om die geestelike mens te laat lewe en aan die lewe te hou. Kortom, om Hom te ken, Sy wil doen, ag gee op die waarheid, ens., is nodig vir geestelike groei... - sodat jy die vrug kan dra wat nodig is vir die KOMENDE OES wanneer Jesus terugkom...God is die Een wat laat groei (1Kor. 3:6,7 -  Ek het geplant, Apollos het natgemaak, maar God het laat groei. So is dan hy wat plant of hy wat natmaak, niks nie, maar God wat laat groei"). Daarom is geestelike groei onderwerp aan om "in die Here te bly" (Joh 15:4 - "Bly in My, soos Ek in julle. Net soos die loot geen vrug kan dra van homself as dit nie in die wynstok bly nie, so julle ook nie as julle in My nie bly nie. Ek is die wynstok, julle die lote. Wie in My bly, en Ek in hom, hy dra veel vrug; want sonder My kan julle niks doen nie. As iemand in My nie bly nie, word hy uitgewerp soos die loot en verdroog, en hulle maak dit bymekaar en gooi dit in die vuur, en dit verbrand"). Die kinders vd Koninkryk wat sonder vrug is wanneer Jesus terugkom, sal uitgewerp word (Joh. 15:6)(kyk 3de groep in die gelykenis vd saaier is in gevaar, asook die tweede groep wat geen wortel het nie...). Hierdie geld nie net vir die kinders vd koninkryk wat nog in die lewe is wanneer Jesus terugkom nie, maar vir almal wat dan gaan opstaan uit die dood - Jesus het bv. geleer dat sommige sal opstaan tot lewe, en ander tot veroordeling (Joh. 5:29).  Die Here weet wie is opreg, wie luister na Hom, wie het die waarheid lief, wie luister na Sy Gees..., en Hy laat daardie persone geestelik GROEI (sodat hulle kan vrug dra en aanhou vrug dra).

Kinders vd Koninkryk se vrug sal eendag geoes word:

(Mar 4:26)  En Hy het gesê: So is die koninkryk van God, soos wanneer ‘n mens die saad in die grond gooi;

(Mar 4:27)  en hy gaan slaap en staan op, nag en dag, en die saad spruit uit en word groot—hoe, weet hy self nie.

(Mar 4:28)  Want vanself bring die aarde vrug voort, eers ‘n halm, dan ‘n aar, dan die volle koring in die aar.

(Mar 4:29)  En wanneer die vrug dit toelaat, steek hy die sekel dadelik in, omdat die oes daar is.

Wanneer die kinders vd Koninkryk se vrug geoes word aan die einde vd wereld, sal daar oordeel plaasvind, bv. die onkruid (die valses) sal van die koring (opregtes) geskei word  (Mat 13:30 - "Laat altwee saam groei tot die oes toe, en in die oestyd sal ek vir die maaiers sê: Maak eers die onkruid bymekaar en bind dit in bondels om dit te verbrand, maar bring die koring bymekaar in my skuur").          (Mat 13:39 - "en die vyand wat dit gesaai het, is die duiwel. Die oes is die voleinding van die wêreld, en die maaiers is die engele").Die Here sal Sy dorsvloer skoonmaak!  - die koring (DIE WAT VRUG DRA) sal ook van die kaf (DIE WAT NIE VRUG, OF NIE DIE NODIGE VRUG DRA NIE) geskei word. Jesus Christus het die skop in Sy hand... - (Matt. 3:12 - "Sy skop is in sy hand, en Hy sal sy dorsvloer deur en deur skoonmaak en sy koring in die skuur saambring, maar die kaf sal Hy met onuitbluslike vuur verbrand")(Luk 3:17).

Nog skrifgedeeltes wat hieroor gaan:

-  (Luk 13:6)  En Hy het hierdie gelykenis uitgespreek: ‘n Man het ‘n vyeboom gehad wat in sy wingerd geplant was, en hy het gekom en vrugte daaraan gesoek en niks gekry nie.

(Luk 13:7)  Toe sê hy vir die tuinier: Kyk, drie jaar kom ek om vrugte aan hierdie vyeboom te soek en ek kry niks nie; kap hom uit. Waarvoor maak hy die grond nog onvrugbaar?

(Luk 13:8)  Maar hy antwoord en sê vir hom: Meneer, laat hom nog hierdie jaar staan totdat ek om hom gespit en mis gegooi het.

(Luk 13:9)  As hy dan vrugte dra, goed; maar so nie, dan kan u hom anderjaar uitkap. In die koninkryk van God /kerk sit daar mense/bome wat "die grond onvrugbaar maak" omdat hulle onvrugbaar is..., en na regte het hulle nodig om uitgekap te word, maar gee jy vir hierdie bome/gelowiges "spit en mis" kan hulle dalk begin vrug dra! Maar as hulle steeds nie vrug dra nie, sal dit uiteindelik uitgekap word - (Joh 15:6 - "As iemand in My nie bly nie, word hy uitgewerp soos die loot en verdroog, en hulle maak dit bymekaar en gooi dit in die vuur, en dit verbrand").

-  (Mar 4:1)  En Hy het nog ‘n maal by die see begin leer; en ‘n groot menigte het by Hom saamgekom, sodat Hy in die skuit geklim en op die see gaan sit het, en die hele skare was op die land by die see.

(Mar 4:2)  En Hy het hulle baie dinge geleer deur gelykenisse en vir hulle in sy lering gesê:

(Mar 4:3)  Luister! ‘n Saaier het uitgegaan om te saai.

(Mar 4:4)  En terwyl hy saai, het ‘n deel langs die pad geval, en die voëls van die hemel het gekom en dit opgeëet.

(Mar 4:5)  En ‘n ander deel het op ‘n rotsagtige plek geval waar dit nie baie grond gehad het nie; en dadelik het dit opgekom, omdat dit geen diepte van grond gehad het nie.

(Mar 4:6)  En toe die son opgaan, is dit verskroei; en omdat dit geen wortel gehad het nie, het dit verdroog.

(Mar 4:7)  En ‘n ander deel het in die dorings geval, en die dorings het opgekom en dit verstik; en dit het geen vrug opgelewer nie.

(Mar 4:8)  En ‘n ander deel het in die goeie grond geval, en dit het vrug opgelewer; want dit het opgekom, en gegroei, en dit het gedra: een dertig— en een sestig— en een honderdvoudig.

(Mar 4:9)  En Hy sê vir hulle: Wie ore het om te hoor, laat hom hoor. 

- (Mat 13:24)  ‘n Ander gelykenis het Hy hulle voorgehou en gesê: Die koninkryk van die hemele is soos ‘n man wat goeie saad in sy land gesaai het;

(Mat 13:25)  maar terwyl die mense slaap, het sy vyand gekom en onkruid onder die koring gesaai en weggegaan.

(Mat 13:26)  En toe die spruitjies opgeskiet en vrug gevorm het, toe verskyn die onkruid ook.

(Mat 13:27)  En die diensknegte van die huisheer het gekom en vir hom gesê: Meneer, het u dan nie goeie saad in u land gesaai nie? Waar kry dit dan die onkruid vandaan?

(Mat 13:28)  En hy antwoord hulle: ‘n Vyandige mens het dit gedoen. Toe sê die diensknegte vir hom: Wil u dan hê dat ons dit moet gaan bymekaarmaak?

(Mat 13:29)  Maar hy antwoord: Nee, dat julle nie miskien, as julle die onkruid bymekaarmaak, die koring daarmee saam uittrek nie.

(Mat 13:30)  Laat altwee saam groei tot die oes toe, en in die oestyd sal ek vir die maaiers sê: Maak eers die onkruid bymekaar en bind dit in bondels om dit te verbrand, maar bring die koring bymekaar in my skuur.

ENGELE AS MAAIERS:

Volgens Matt. 13:30 sal die Here aan die einde vd wereld Sy engele uitstuur om hierdie "maaiwerk" te doen:

(Mat 13:30)  Laat altwee saam groei tot die oes toe, en in die oestyd sal ek vir die maaiers sê: Maak eers die onkruid bymekaar en bind dit in bondels om dit te verbrand, maar bring die koring bymekaar in my skuur".

(Mat 13:39) "... Die oes is die voleinding van die wêreld, en die maaiers is die engele".

In hierdie geval sien ons dat die term "maaiers" ook gebruik word vir die engele en nie altyd verwys na die "diensknegte" wat maai nie. Die engele, maaiers in hierdie geval, sal die koring van die onkruid skei (- maai).  Vgl. dit ook met die gedeelte van die "koring en die kaf", met die koring wat in die skuur saamgebring word:  (Mat 3:12)  Sy skop is in sy hand, en Hy sal sy dorsvloer deur en deur skoonmaak en sy koring in die skuur saambring, maar die kaf sal Hy met onuitbluslike vuur verbrand".  

Met Jesus se wederkoms, sal die koring en die onkruid geskei word, die skape sal van die bokke geskei word, en die koring en die kaf sal geskei word (Joe 3; Matt. 25; ens.) - al 3 hierdie insidente het te doen met die "OES" wat voorle wanneer Jesus terugkom. 

---------------------------------------------------------------------------------------------------------------------------

(2) Ander "oeste" of oordele wat sal plaasvind aan die einde vd wêreld:

Die begrip "oes" word ook in Openb. 14 gebruik, en wil voorkom of dit 

- die slag van Armageddon beskryf. 

- Maar l.w. dat die oordeel oor Babilon in Jer. 51 ook beskrywe word soos 'n OES... (Jer 51:33 - "Want so sê die HERE van die leërskare, die God van Israel: Die dogter van Babel is soos ‘n dorsvloer in die tyd as dit vasgetrap word; nog ‘n kort rukkie, dan kom die oestyd vir hom"). Hier kan ons sien hoe "oes" somtyds vgl. word met "oordeel", en inderdaad is punt(1) hierbo ook 'n vb. van oordeel (wanneer die vrug van die kinders vd Koninkryk geoes word). 

Die woorde "grimmigheid van God" in Openb. 14 wys op die wraak wat God neem op Sy TEESTANDERS... (Openb. 14:19)  En die engel het sy sekel oor die aarde laat gaan en die wingerdstok van die aarde afgeoes en dit gegooi in die groot parskuip van die grimmigheid van God.) Die slag van Armageddon val onder die tydperk van die laaste 7 plae of skale (ook genoem "wraak van God") - in daardie dae sal die Here wraak neem op Sy teestanders, en dit verwys veral na wraak op die dier, die wat die dier en sy beeld aanbid, asook al die konings wat sal optrek (saam met die dier) om teen die Here Jesus Christus oorlog te voer (maar die Lam sal hulle oorwin).  HIERDIE WRAAK WAT DIE SEUN SAL UITVOER, WORD SOOS 'N OES GESIEN... Dit kan vgl. word met Openb. 19:15-19: - ("En uit sy mond gaan daar ‘n skerp swaard om die nasies daarmee te slaan; en Hy sal hulle met ‘n ysterstaf regeer, en Hy trap die parskuip van die wyn van die grimmigheid en van die toorn van God, die Almagtige.(Openb. 19:12)  En sy oë was soos ‘n vuurvlam, en op sy hoof was baie krone; en Hy het ‘n Naam wat geskrywe is, wat niemand ken nie, behalwe Hy self.(Openb. 19:17)  En ek het een engel sien staan in die son; en hy het met ‘n groot stem uitgeroep en vir al die voëls gesê wat in die middel van die lug vlieg: Kom hierheen en versamel julle tot die maaltyd van die grote God (Openb. 19:18)  dat julle kan eet die vlees van konings en die vlees van owerstes oor duisend en die vlees van sterkes en die vlees van perde en van die wat daarop sit, en die vlees van almal, vrymense sowel as slawe, klein sowel as groot. (Openb. 19:19)  En ek het die dier en die konings van die aarde en hulle leërs versameld gesien, om oorlog te voer teen Hom wat op die perd sit, en teen sy leër"). (NS:  somtyds word die slag van Armageddon verwar met die versameling vd Gog en Magog - alhoewel in hierdie geval die massas ook verwys na Gog en Magog, is die spesifieke gebeurtenis wat vir ons beskryf word vd "versameling van die Gog en Magog" eers wanneer die nasies optrek teen die heilige stad en God aan die einde vd 1000 jaar Vrederyk;  - terwyl die slag van Armageddon aan die einde van hierdie bedeling en begin van volgende, nl. begin van 1000 jaar, sal plaasvind). 

Kom ons kyk na die gedeelte waarin hierdie OES beskrywe word:

(Openb. 14:14)  En ek het gesien, en kyk, daar was ‘n wit wolk en een soos ‘n Menseseun wat op die wolk sit, met ‘n goue kroon op sy hoof en in sy hand ‘n skerp sekel. (Jesus het alreeds hier teruggekom, en die gebeurtenis wat nou volg, is mense wat geoordeel gaan word)

(Openb. 14:15)  En ‘n ander engel het uit die tempel gekom en met ‘n groot stem geroep na Hom wat op die wolk sit: Slaan u sekel in en maai, want die uur het vir U gekom om te maai, omdat die oes van die aarde oorryp geword het.

(Openb. 14:16)  En Hy wat op die wolk sit, het sy sekel oor die aarde laat gaan, en die aarde is afgemaai. (Jesus voer oordeel uit)

(Openb. 14:17)  En ‘n ander engel het uitgekom uit die tempel wat in die hemel is, en hy het ook ‘n skerp sekel gehad; ('n engel wat vd tempel in die hemel kom, voer oordeel uit...)

(Openb. 14:18)  en ‘n ander engel wat mag oor die vuur gehad het, het uit die altaar uitgekom en met ‘n groot stem geroep na hom wat die skerp sekel het, en gesê: Slaan jou skerp sekel in en samel die trosse van die wingerdstok van die aarde in, want sy druiwe het ryp geword.

(Openb. 14:19)  En die engel het sy sekel oor die aarde laat gaan en die wingerdstok van die aarde afgeoes en dit gegooi in die groot parskuip van die grimmigheid van God.

(Openb. 14:20)  En die parskuip is buitekant die stad getrap, en bloed het uit die parskuip gekom tot aan die tooms van die perde, twee honderd myl ver.  (hierdie lyk of dit die SLAG VAN ARMAGODDON beskrywe)

Vgl. dit met: 

(Openb. 16:14)  Want dit is geeste van duiwels wat tekens doen, wat uitgaan na die konings van die aarde en die hele wêreld, om hulle te versamel vir die oorlog van daardie groot dag van die almagtige God.

(Openb. 16:15)  Kyk, Ek kom soos ‘n dief. Salig is hy wat waak en sy klere bewaar, sodat hy nie miskien naak rondloop en hulle sy skaamte sien nie.

(Openb. 16:16)  En hulle het hul versamel op die plek wat in Hebreeus genoem word Armagéddon. 

- Armageddon is die berg van Megiddo, in die plein van Esraelon... (Joe 3:2,12,14; Sag. 12:11).

- Kyk ook Openb. 17:8-14.

Kom ons kyk na die konteks van hierdie "oes"..., bv. dit wat voor dit kom. (Dit wil ookvoorkom of Openb. 14 soos 'n kort opsomming is van Openb. 15-19.  In Openb. 14 word "die uur van Sy oordeel" (val van Babilon) en die " GRIMMIGHEID VAN GOD" (vrug van aarde geoes/slag van Armageddon) beskryf (maar word bv. beter verduidelik in Openb. 15 - 19). 

Openb. 14 volg op Openb. 13 waarin die

- (1) "DIER UIT DIE SEE" beskryf word (asook die valse profeet)(m.a.w., op hierdie stadium het die "dier uit die see" al opgestaan en mense is gedwing om die merk vd dier te neem);  

- (2) dan, in die eerste deel van Openb. 14 sien ons die Lam op die berg Sion saam met die 144000 VERSEELDES... (hulle verseeling word beskrywe in Openb. 7-wat tussen die 6de en 7de seel geplaas kan word-hier het Jesus nog nie teruggekom nie!, maar in Openb. 14:1 het Hy duidelik al teruggekom...- wat verwys na die tyd onder die 7de seel, onder die laaste of 7de basui). Openb. 14 beskryf dus ook min of meer dieselfde tyd waarin die opstanding plaasvind! - wat beteken dat die kinders vd koninkryk se vrug sal dan geOES word... (vgl. dit met Openb. 19:6-10) - en later in Openb. 14 word 'n OES beskryf wat lyk soos die slag van Armageddon - dit is eintlik waarna ons kyk in hierdie paragraaf...

- (3) Wat dan volgende na die Lam met 144000 op die berg Sion volg, is ''n engel wat sekere dinge soos 'n ewige evangelie aankondig..., asook o.a. dat die mense God moet vrees want DIE "UUR" VAN SY OORDEEL HET GEKOM! (die woorde "uur van Sy oordeel" beskryf Sy oordeel oor Babilon).

- en dan word dieVAL VAN DIE STAD BABILON aangekondig... (terloops, die skrif leer in Openb. 18:10 dat dit binne "een uur" sal gebeur).

- (4) Volgende kom God se grimmigheid op die met die merk vd dier.

- (5) En dan o.a. 'n aankondiging "salig is van nou af die dode wat in die Here sterwe...".

- (6) EN DAN VOLGENDE WORD 'N OES BESKRYWE IN V. 14-20!

Hierdie is die agtergrond van Openb. 14:14-20...

DIT WIL VOORKOM OF HIERDIE OES VERWYS NA DIE SLAG VAN ARMAGEDDON.  VGL. DIT MET DIE VOLGENDE SKRIFGEDEELTE:  

(Joe 3:1)  Want kyk, in dié dae en in dié tyd wanneer Ek die lot van Juda en Jerusalem verander,

(Joe 3:2)  sal Ek al die nasies versamel en hulle na die dal van Jósafat laat aftrek, om daar met hulle ‘n strafgerig te hou ter wille van my volk en my erfdeel Israel wat hulle onder die nasies verstrooi het, en my land wat hulle verdeel het.

(Joe 3:3)  En oor my volk het hulle die lot gewerp en ‘n jong seun weggegee vir ‘n hoer en ‘n meisie verkoop vir wyn en dit gedrink.

(Joe 3:4)  En ook, wat het julle met My te doen, o Tirus en Sidon en al die landstreke van Filistéa? Wil julle My iets vergelde, of wil julle My iets aandoen? Gou, ylings sal Ek julle dade op julle hoof laat neerkom.

(Joe 3:5)  Want julle het my silwer en my goud geneem en my kosbare skatte na julle tempels gebring.

(Joe 3:6)  Verder het julle die kinders van Juda en die kinders van Jerusalem aan die kinders van Jawan verkoop, om hulle ver van hul grondgebied te verwyder.

(Joe 3:7)  Kyk, Ek sal hulle laat opstaan uit die plek waarheen julle hulle verkoop het, en julle dade op julle hoof laat neerkom.

(Joe 3:8)  En Ek sal julle seuns en julle dogters aan die kinders van Juda verkoop, en dié sal hulle verkoop aan die Sabeërs, aan ‘n verafgeleë volk want die HERE het dit gespreek.

(Joe 3:9)  Roep dit uit onder die nasies, heilig ‘n oorlog! Wek die helde op, laat al die krygsmanne nader kom, opruk!

(Joe 3:10)  Smee van julle pikke swaarde en van julle snoeimesse spiese; laat die swakke sê: Ek is ‘n held.

(Joe 3:11)  Haas julle en kom aan, alle nasies rondom, en versamel julle. Laat u helde, HERE, daarheen aftrek!

(Joe 3:12)  Die nasies moet hulle klaarmaak en optrek na die dal van Jósafat; want daar sal Ek sit om gerig te hou oor al die nasies rondom.

(Joe 3:13)  Steek die sekel in, want die oes is ryp! Kom trap, want die parskuip is vol, die kuipe loop oor! Want hulle boosheid is groot.(Vgl. hierdie gerus met (Openb. 19:11-15) - (v. 15)" En uit sy mond gaan daar ‘n skerp swaard om die nasies daarmee te slaan; en Hy sal hulle met ‘n ysterstaf regeer, en Hy trap die parskuip van die wyn van die grimmigheid en van die toorn van God, die Almagtige").  

(Joe 3:14)  Menigtes, menigtes in die dal van beslissing, want naby is die dag van die HERE in die dal van beslissing!

(Joe 3:15)  Die son en die maan word duister, en die sterre trek hulle glans in. (lyk of dit 6de seel gebeure beskrywe)

(Joe 3:16)  En die HERE brul uit Sion, en uit Jerusalem verhef Hy sy stem, sodat hemel en aarde bewe. Maar die HERE sal ‘n toevlug wees vir sy volk en ‘n skuilplek vir die kinders van Israel. (hier het Jesus duidelik al teruggekom)

(Joe 3:17)  Dan sal julle weet dat Ek die HERE julle God is, wat woon op Sion, my heilige berg; dan sal Jerusalem ‘n heiligdom wees waar geen vreemdes meer deur sal trek nie.

(Joe 3:18)  En op dié dag sal die berge drup van mos en die heuwels vloei van melk en al die spruitjies van Juda stroom van water; en uit die huis van die HERE sal daar ‘n fontein uitkom om die dal Sittim te besproei.

(Joe 3:19)  Egipte sal ‘n woesteny word, en Edom ‘n woeste wildernis wees, weens die geweld wat hulle die kinders van Juda aangedoen het, dat hulle onskuldige bloed in hul land vergiet het.

(Joe 3:20)  Maar Juda sal vir ewig bly, en Jerusalem van geslag tot geslag.

(Joe 3:21)  En Ek sal hulle bloed onskuldig verklaar, wat Ek tevore nie onskuldig verklaar het nie; en die HERE sal op Sion bly woon.

-In bg. skrifgedeelte word "oes" gebruik in die sin van "oordeel" (in die dal van Josafat, want die Here sal daar gerig hou met die nasies rondom). Ons sien die son en maan wat duister word, en sterre trek glans in, Here brul uit Sion...dit verwys dus definitief na die tyd van die Wederkoms wanneer Jesus Christus sal oordeel (hierdie gedeelte wil voorkom of dit o.a. verwys na die skeiding van die skape en die bokke - Matt. 25:31,32).

----------------------------------------------------------------------------------------------------------------------------