Wie is die Skape en die Bokke?

In hierdie pos kyk ons na die "skeiding vd SKAPE EN BOKKE", wat terloops aan die einde van die wêreld sal gebeur nadat Jesus teruggekom het - Hy sal die skape van die bokke skei...

----------------------------------------------------------------------------------------------------------------------------

Daar is ook ander oordele wat in daardie tyd sal plaasvind, o.a die skeiding van die koring en kaf, en skeiding vd koring en onkruid:

- Vir 'n pos oor die skeiding van die KORING en KAF (aan die einde vd wereld), gaan na: (https://eindtydonderwerpe.blogspot.com/2017/05/wie-is-die-koring-en-die-kaf.html).

("koring" verwys hier na die wat vrug dra, en "kaf" verwys hier na die wat nie vrug dra nie, of nie die nodige vrug dra nie)

- Vir 'n pos oor die skeiding van die KORING en die ONKRUID (aan die einde vd wereld), gaan na: https://eindtydonderwerpe.blogspot.com/2021/12/koring-en-onkruid.html.

("koring" verwys hier na die wares, terwyl "onkruid" verwys na die valses)(vir 'n studie oor "ingesluiptes", gaan na: https://warechristene.blogspot.com/2021/12/ingesluiptes.html).

ROL AF VIR DIE VOLGENDE OPSOMMINGS:

- Inleiding

- Wat is die verskil tussen die skape en bokke volgens Matt. 25?

- Die term Skape in beeldspraak.

- Die tem Bokke in beeldspraak.

- Ander woorde wat skape of bokke beskryf.

----------------------------------------------------------------------------------------------------------------------------

INLEIDING: 

(Mat 25:31-33)- "En wanneer die Seun van die mens in sy heerlikheid kom en al die heilige engele saam met Hom, dan sal Hy op sy heerlike troon sit; en voor Hom sal al die nasies versamel word, en Hy sal hulle van mekaar afskei soos die herder die skape van die bokke afskei;  en Hy sal die skape aan sy regterhand en die bokke aan sy linkerhand sit". Daar is baie dinge wat rondom die tyd vd WEDERKOMS sal gebeur, o.a. sal die Here sy dorsvloer skoonmaak... (dan sal die kinders vd koninkryk wat nie vrug dra nie, verwyder word)(Matt. 3:17). Die tyd van die wederkoms word o.a. gesien soos 'n tyd van "oes" (dit is oestyd) - wanneer die kinders vd Koninkryk se vrug geoes word, en vrug sal bepaal of iemand ingaan of nie (is koring?, of kaf?) - asook sal die valses uitgegooi word (nl. die onkruid). Huidiglik word die "onkruid" gelos sodat die koring nie perongeluk uitgetrek word saam met die onkruid nie, maar wanneer Jesus terugkom sal dit gedoen word... (Matt. 13:30). 

Sommige "kinders van die Koninkryk" sal uiteindelik nie ingaan in die koninkryk nie; bv.:

- (1) die wat nie vrug dra nie (die "kaf'"-Luk. 3:17 - hulle sal in die vuur gegooi word), en 

- (2) die valses ("die onkruid" - die wat onder die kinders vd Koninkryk beweeg asof hulle gered, maar nie is nie.  Die onkruid sal verbrand word... - Matt. 13:30); en

-  (3) die onbarmhartiges (nl. die "bokke"- hulle sal weggaan in die ewige straf / Matt. 25:46 -"Dan sal Hy ook vir dié aan sy linkerhand sê: Gaan weg van My, julle vervloektes, in die ewige vuur wat berei is vir die duiwel en sy engele").  

MAAR DIE SKAPE (die barmhartiges/ regverdiges) SAL DIE EWIGE LEWE ONTVANG! (Matt. 25:46), en sal die koninkryk beerwe (Matt. 25:34 - "Dan sal die Koning vir die wat aan sy regterhand is, sê: Kom, julle geseëndes van my Vader, beërf die koninkryk wat vir julle berei is van die grondlegging van die wêreld af").

----------------------------------------------------------------------------------------------------------------------------

Wat is die verskil tussen die SKAPE en BOKKE volgens Matt. 25:35-46?

-  Skape is REGVERDIG / BARMHARTIG.   Bokke is ONREGVERDIG / ONBARMHARTIG.

- Volgens Matt. 25 verwys skape na GESEëNDES (V.34) en REGVERDIGES (v.37) - hulle sal die ewige lewe ontvang (v. 46) en die Koninkryk beërwe (Matt. 25:34);  maar  bokke verwys na VERVLOEKTES (v.41) en ONREGVERDIGES (v.46 - is die teenoorgestelde van "regverdiges").  

Regverdigheid word in die gedeelte as volg verduidelik:  (Mat 25:35-46)  Want Ek het honger gehad, en julle het My te ete gegee; Ek het dors gehad, en julle het My te drinke gegee; Ek was ‘n vreemdeling, en julle het My herberg gegee; Ek was naak, en julle het My geklee; Ek was siek, en julle het My besoek; in die gevangenis was Ek, en julle het na My gekom.................Voorwaar Ek sê vir julle, vir sover julle dit gedoen het aan een van die geringstes van hierdie broeders van My, het julle dit aan My gedoen..............

Onregverdigheid word as volg verduidelik: Want Ek het honger gehad, en julle het My nie te ete gegee nie; Ek het dors gehad, en julle het My nie te drinke gegee nie.  Ek was ‘n vreemdeling, en julle het vir My nie herberg gegee nie; naak, en julle het My nie geklee nie; siek en in die gevangenis, en julle het My nie besoek nie.................. Voorwaar Ek sê vir julle, vir sover julle dit nie gedoen het aan een van hierdie geringstes nie, het julle dit aan My ook nie gedoen nie.

Dit gaan in hierdie konteks oor "omgee"! Is jy barmhartig of nie? - dit wys of jy vir iemand omgee... 

NATUURLIK KAN WERKE NIE SALIGHEID BEWERK NIE (Rom. 3:28), MAAR WERKE IS NOODWENDIG IETS WAT VOLG NA BEKERING... (geloof sonder werke is dood-Jak. 2:26 /werke bewys dat iemand glo...).  DIE HERE VERWAG VAN ONS OM VRUG TE DRA WAT BY DIE BEKERING PAS (Matt. 3:8; Luk. 3:8). Hierdie is 'n ernstige saak! Ons almal sal voor die regterstoel van Christus verskyn... -(2Kor. 5:10 - "Want ons moet almal voor die regterstoel van Christus verskyn, sodat elkeen kan ontvang wat hy deur die liggaam verrig het, volgens wat hy gedoen het, of dit goed is of kwaad").  

REGVERDIGHEID WORD DUS VERAL GEKENMERK DEUR BARMHARTIGHEID (Matt. 9:13 - "Maar gaan leer wat dit beteken: Ek wil barmhartigheid hê en nie offerande nie; want Ek het nie gekom om regverdiges te roep nie, maar sondaars tot bekering") - vgl. dit met Matt. 25 hoe skape voorgestel word, bv. as mense wat vir ander mense omgee (Ps. 37:21). Daar word van regverdiges verwag om goed te wees vir alle mense!, nie net vir ander regverdiges nie.  Alhoewel die uiteinde vd goddelose vervloeking is, sorg die Here vir slegtes en goeies (Matt. 5:44,45) - en Hy verwag van ons dieselfde! 

--------------------------------------------------------------------------------------------------------------------------

Skrifte wat by hierdie tema aanskakel, is miskien skrifte wat gaan oor die belangrikheid van om DIE WIL VAN DIE HERE TE DOEN... (rol gerus ook af na die opsomming oor skape - KEN DIE HERE):

- (Mat 7:21-23 - "Nie elkeen wat vir My sê: Here, Here! sal ingaan in die koninkryk van die hemele nie, maar hy wat die wil doen van my Vader wat in die hemele is. Baie sal in daardie dag vir My sê: Here, Here, het ons nie in u Naam geprofeteer en in u Naam duiwels uitgedrywe en in u Naam baie kragte gedoen nie? En dan sal Ek aan hulle sê: Ek het julle nooit geken nie. Gaan weg van My, julle wat die ongeregtigheid werk!").

- (Mat 12:50 - "Want elkeen wat die wil doen van my Vader wat in die hemele is, dié is my broer en suster en moeder").

- (Joh 15:6 - "As iemand in My nie bly nie, word hy uitgewerp soos die loot en verdroog, en hulle maak dit bymekaar en gooi dit in die vuur, en dit verbrand").

- (1Jn 2:15-17 - "Moenie die wêreld liefhê of die dinge wat in die wêreld is nie. As iemand die wêreld liefhet, dan is die liefde van die Vader nie in hom nie. Want alles wat in die wêreld is—die begeerlikheid van die vlees en die begeerlikheid van die oë en die grootsheid van die lewe—is nie uit die Vader nie, maar is uit die wêreld. En die wêreld gaan verby en sy begeerlikheid, maar hy wat die wil van God doen, bly vir ewig"). 

----------------------------------------------------------------------------------------------------------------------------

SKAPE:

Skape verwys na heiliges, die wat die Here ken en Sy wil doen. Jesus het bv. geleer dat Sy skape na Hom luister en Hom volg (hierdie is die kenmerke van 'n skaap) - en omdat hulle na Hom luister en Hom volk, KEN Hy hulle!  Hulle is tipies BARMHARTIG (soos die Here is). Die skape word o.a. "regverdiges" genoem - REGVERDIGES sal gered word en die aarde beerwe! 

- In Matt. 10:6 gebruik Jesus die woord "skape" om na 'n groep onder die kinders van Israel te verwys... (Matt. 10:6 - "maar gaan liewer na die verlore skape van die huis van Israel"). In heelwat O.T. skrifte word dieselfde soort beeldspraak gebruik, bv. (1Kon. 22:17 - "Daarop antwoord hy: Ek het die hele Israel gesien, verstrooid op die berge soos skape wat geen wagter het nie. En die HERE het gesê: Hulle het geen heer nie; laat hulle elkeen in vrede teruggaan na sy huis"). 

- In Matt. 9:36 sien Jesus ook die skare soos "skape"... ("En toe Hy die skare sien, het Hy innig jammer gevoel vir hulle, omdat hulle moeg en uitgeput was, soos skape wat geen herder het nie"). (Mark. 6:34 - "En toe Jesus uitklim, sien Hy ‘n groot menigte, en Hy het vir hulle innig jammer gevoel, omdat hulle soos skape sonder herder was; en Hy het hulle baie dinge begin leer").

- Skape het 'n herder nodig (Mark. 2:8)(sonder 'n herder raak hulle moeg en uitgeput -Matt. 9:36;  daar word nog heelwat ander dinge beskryf in vele O.T. skrifte van wat gebeur met skape wat sonder 'n herder is..., bv. dat hulle verstrooi word).  Dit is wat inderdaad ook letterlik gebeur het toe die dissipels se herder (Jesus) gearresteer is... - hulle het gevlug, is uitmekaar gejaag en verstrooi)(Mat 26:31 - "Toe sê Jesus vir hulle: Julle sal almal in hierdie nag aanstoot neem aan My, want daar is geskrywe: Ek sal die herder slaan, en die skape van die kudde sal verstrooi word")(v.56)(Joh 16:32).

- In sekere skrifte stel die wagter of herder die Here voor (1 Kon. 22:7; 27:17; 2 Kron. 18:16,17) - Jesus word as die groot Herder voorgestel (Matt. 26:31)(Hebr. 13:20 - "Mag die God van die vrede, wat die groot Herder van die skape, naamlik onse Here Jesus Christus, deur die bloed van die ewige testament uit die dode teruggebring het").

- In sommige O.T. skrifte stel die herders mense voor wat oor die volk aangestel is (Jer. 50:6; 10:21; Eseg. 34:4-12; ens.)(Jer 23:1,2 - "Wee die herders wat die skape van my weide laat omkom en hulle verstrooi, spreek die HERE. Daarom, so sê die HERE, die God van Israel, aangaande die herders wat my volk oppas: Júlle het my skape verstrooi en hulle verdrywe en hulle nie opgesoek nie. Kyk, Ek besoek oor julle die boosheid van julle handelinge, spreek die HERE").

- In Matt. 10:16 verwys Jesus na Sy dissipels ook as "skape" - ("Kyk, Ek stuur julle soos skape onder die wolwe in; wees dan versigtig soos die slange en opreg soos die duiwe"), en in 1Pe 2:25 word daar na gemeentelede verwys as skape (in die geval was hulle "dwalende skape" maar het na die Here teruggekeer).

- In Matt. 15:24 leer ons dat Jesus veral gestuur is "vir die verlore skape van Israel" ("Maar Hy antwoord en sê: Ek is net gestuur na die verlore skape van die huis van Israel") - die Here wil nie he dat enige van Sy skape verlore gaan nie! Jesus het hierdie bevestig in Matt. 18:11-14 - ("Want die Seun van die mens het gekom om te red wat verlore is. Wat dink julle? As iemand honderd skape het en een van hulle verdwaal, sal hy nie die nege en negentig laat staan en op die berge die verdwaalde een gaan soek nie?  En as hy hom kry, voorwaar Ek sê vir julle dat hy blyer is oor hom as oor die nege en negentig wat nie verdwaal het nie. So is dit nie die wil van julle Vader wat in die hemele is, dat een van hierdie kleintjies verlore gaan nie"). 

Hoe weet ons wie is die skape?:

- In Joh. 10:1 word die woorde "diewe en rowers" as beeldspraak gebruik om te verwys na die wat valse herders is... - (Joh 10:1 - "Voorwaar, voorwaar Ek sê vir julle, wie nie by die deur in die skaapstal ingaan nie, maar van ‘n ander kant af inklim, hy is ‘n dief en ‘n rower. (Joh 10:2)  Maar hy wat by die deur ingaan, is ‘n herder van die skape". In die betrokke gedeelte word die Here se kinders ook voorgestel soos SKAPE, en JESUS IS DIE DEUR OF HERDER (die skape luister na Sy stem..., en Hy loop voor hulle uit en die skape volg Hom - omdat hulle Sy stem ken (v. 3,4)). Die wat na Jesus se stem luister sal gered word (v.9)(Joh. 10:28,29) - hulle luister nie na diewe en rowers se stemme nie, want hulle ken hulle nie! Skape sal nooit 'n vreemde volg nie... (Joh 10:5 - "Hulle sal ‘n vreemde nooit volg nie, maar van hom wegvlug, omdat hulle die stem van die vreemdes nie ken nie") - DIT IS HOE 'N MENS SIEN WIE SKAPE IS EN WIE NIE! - skape luister na die stem van die Here en volg Hom, maar die wat nie skape is nie ken Hom nie en luister nie na Hom nie (Joh. 10:6-10)(Joh 10:8) - "Almal wat voor My gekom het, is diewe en rowers; maar die skape het nie na hulle geluister nie")(Joh 10:14) - "Ek is die goeie herder, en Ek ken my eie en word deur my eie geken"). (Joh 10:26,27 - "Maar julle glo nie, want julle is nie van my skape nie, soos Ek vir julle gesê het. My skape luister na my stem, en Ek ken hulle, en hulle volg My"). Christene wat bv. bely hulle glo in Jesus maar luister nie na Hom (bv. glo nie Sy woorde) nie, en volg Hom nie (bv. doen hulle eie wil), is nie "skape" nie! (dit is die mense vir wie die Here eendag sal se, "Ek ken jou nie" (Luk. 13:22-30 - diesulkes word in die gedeelte o.a. na verwys as "werkers van ongeregtigheid")(Matt. 25:12 - dit is presies wat Jesus in Matt. 25  die bokke se, nl."ek ken julle nie")    (Mat 7:21-23 - "Nie elkeen wat vir My sê: Here, Here! sal ingaan in die koninkryk van die hemele nie, maar hy wat die wil doen van my Vader wat in die hemele is. Baie sal in daardie dag vir My sê: Here, Here, het ons nie in u Naam geprofeteer en in u Naam duiwels uitgedrywe en in u Naam baie kragte gedoen nie? En dan sal Ek aan hulle sê: Ek het julle nooit geken nie. Gaan weg van My, julle wat die ongeregtigheid werk!")

Skape verwys nie net na die kinders van Israel nie:

'n Herder gee om vir sy skape (en sal selfs sy lewe vir hulle afle), en net so gee Jesus om vir AL Sy skape! (en het ook Sy lewe vir hulle afgelê!-v.18)(Joh. 10:11-13). Jesus gee om vir die skape van Israel, maar Hy het ook skape wat nie aan hulle "stal" behoort nie... (Joh 10:16 - "Ek het nog ander skape wat nie aan hierdie stal behoort nie. Ek moet hulle ook lei, en hulle sal na my stem luister, en dit sal wees een kudde, een herder").

Die Here stel wagters oor Sy volk aan:

Simon Petrus was bv. hierdie opdrag gegee... (Joh 21:15-19) - in die gedeelte word Petrus versoek om DIE LAMMERS TE LAAT WEI (v. 11), DIE SKAPE OP TE PAS (. 16), en DIE SKAPE TE LAAT WEI (v. 17).  In v. 19 sluit Hy Sy woorde af deur die woorde "Volg My". Die wagter moet die Herder volg (en natuurlik is dit dus ook hoe ons sien of 'n wagter 'n skaap is of nie, is of hy na die Herder luister en die Herder volg!

---------------------------------------------------------------------------------------------------------------------------

BOKKE:

Bokke luister nie na die Here nie en volg Hom nie;  m.a.w,  Hy ken hulle nie! (dit verwys tipies na mense wat nie die wil van die Vader doen nie), en hulle ONBARMHARTIGHEID is verder 'n bewys van die feit dat hulle nie skape is nie. Die bokke word o.a. ONREGVERDIGES genoem - onregverdiges hulle sal vervloek word (sal nie gered word nie en sal nie die aarde beerwe/koninkryk ingaan nie).

- Daar is nie veel skrifte waarin die beeldspraak van "bokke" voorkom nie - in Matt. 25 verwys "bokke" beslis na die wat nie regverdig is nie (bv., daar word uitgewys dat hulle onbarmhartig is).

- In enkele ander skrifte word die term bokke in beeldspraak gebruik, bv. (Jes. 14:9 - "Die doderyk daaronder is in beroering om jou ontwil, jou koms tegemoet; dit wek om jou ontwil die skimme op, al die bokke van die aarde; dit laat al die konings van die nasies van hulle trone opstaan") - in die betrokke skrif verwys "bokke" na die leiers (Hebr. woord " at-tood' ", wat vertaal kan word as "die een aan hoof" of "bok of ram"). Kyk o.a. die woorde "dit laat al die konings van die nasies van hulle trone opstaan". "Bokke" in hierdie geval verwys duidelik na die onregverdige leiers, konings vd nasies... Dit is ook interenssant hoe die koning (van Griekeland) in Dan. 8:5 voorgestel word met 'n bokram... (en in die gedeelte sien ons ook dat hy besonders sterk was). In Eseg. 39:18 word "bokke" ook o.a. in beeldspraak gebruik om na sekere "helde en vorste" te verwys... - ("Vlees van die helde sal julle eet en bloed van die vorste van die aarde drink—ramme, lammers en bokke en stiere, vetgemaakte diere van Basan almal saam—").

- Interessant  Matt. 25:35 verklaar dat wanneer die skeiding van skape en bokke gaan plaasvind, sal "al DIE NASIES" voor die Here versamel word... (Mat 25:32). Die term word ook in Matt. 34 gebruik, waar "NASIES geoordeel word"! (Jes. 34:6 - "Die swaard van die HERE is vol bloed, dit drup van vet, van die bloed van lammers en bokke, van die niervet van ramme; want die HERE het ‘n slagoffer in Bosra en ‘n groot slagting in die land Edom"). 

WANNEER MENSE ANDER MENSE ONREGVERDIG BEHANDEL, VEROORSAAK HULLE LYDING (1 Pet. 2:19). Hierdie beskryf tipies die gesindheid van "BOKKE", en in Matt. 25 word veral gewys hoe hulle hul oë toehou vir ander se nood (dit is tipies selfsugtige mense wat nie omgee vir ander mense nie, en die woord "onregverdiges" beskryf o.a. sulke mense as "sondaars"). "Bokke" sal vervloek word en onder oordeel kom...

----------------------------------------------------------------------------------------------------------------------------

ANDER WOORDE WAT SKAPE BESKRYF:

Volgens Matt. 25 verwys skape na GESEëNDES (V.34), REGVERDIGES (v.37) - hulle sal die ewige lewe ontvang (v. 46) en die Koninkryk beërwe (Matt. 25:34).

.

Vir 'n studie oor "geseendes", gaan na: https://warechristene.blogspot.com/2024/09/die-begrip-geseendes.html.

Vir 'n studie oor "regverdiges", gaan na: https://warechristene.blogspot.com/2024/09/die-begrip-regverdiges.html.

ANDER WOORDE WAT BOKKE BESKRYF:

 

Volgens Matt. 25 verwys bokke na VERVLOEKTES (v.41) en ONREGVERDIGES (v.46 - is die teenoorgestelde van "regverdiges").

Vir 'n studie oor "vervloektes", gaan na: https://warechristene.blogspot.com/2024/09/die-begrip-vervloektes.html

Vir 'n studie oor "onregverdiges", gaan na: https://warechristene.blogspot.com/2024/09/die-begrip-onregverdiges.html

----------------------------------------------------------------------------------------------------------------------------

Wie oorwin, sal beklee word met wit klere

Openbaring 3:5 -"Wie oorwin, sal beklee word met wit klere, en Ek sal sy naam nooit uitwis uit die boek van die lewe nie, en ek sal sy naam bely voor my Vader en voor sy engele".
In sekere kulture wys "wit klere" op iets figuurliks bv. "reinheid" en/of "goeie gedrag".  Dat die wat oorwin beklee sal word met wit klere, is wel letterlik, maar het beslis ook 'n figuurlike betekenis.  In Openb. 3:4 verwys die met wit klere juis na die wat nie hulle "klere besoedel het nie"! (m.a.w. "rein"-REIN LIGGAAM / REIN GEWETE)(http://warechristene.blogspot.co.nz/2016/10/rein-onrein-verontreinigingreinig.html).  Die BELOFTES is bedoel vir die wat REIN is en daarom GEHEILIG (afgesonder) is.  Dit is slegs die wat die wil van die Vader doen wat gesien word as Jesus Christus se familie (Matt. 12:50).  Dit is ook slegs die wat Hom gehoorsaam wat Sy vriende genoem kan word (Joh. 15:14). Die manier hoe die kind van die Here bewys dat hy heilig is, is deur homself te onderwerp aan die wil van die Gees en so dus NIE homself te verontreinig nie... Om "vry te wees in die Gees" beteken bv. nie dat jy vry is om te doen wat jy wil nie!, maar eerder dat jy vry is van dooie werke en vry van sonde OMDAT jy doen wat die Gees wil! (Rom. 8:2; 2 Tim. 1:7).
-----------------------------------------------------------------------------
Openb. 3:4 gee vir ons die rede waarom sekere gelowiges "wit klere" sal kry:
-"OMDAT HULLE DIT WAARDIG IS" (http://warechristene.blogspot.co.nz/2013/05/wat-het-jesus-bedoel-met-aan-hom-wat.html).

------------------------------------------------------------------------------------------------------------------------------------------------------------------

Ons lees verder van WIT KLERE in Openb. 6:9-11 in die tyd vd 5de seel: "En toe Hy die vyfde seël oopgemaak het, sien ek onder die altaar die siele van die wat gedood is ter wille van die woord van God en die getuienis wat hulle gehad het. En hulle het met ‘n groot stem uitgeroep en gesê: Hoe lank, o heilige en waaragtige Heerser, oordeel en wreek U nie ons bloed op die bewoners van die aarde nie? En aan elkeen van hulle is wit klere gegee; en aan hulle is gesê dat hulle nog ‘n klein tydjie moes rus totdat ook hulle medediensknegte en hulle broeders wat nog gedood sou word soos hulle, voltallig sou wees". Die 5de seel tydperk word vgl. met die tyd vd Groot Verdrukking.  In hierdie geval was die met wit klere, die mense wat doodgemaak is ter wille van hulle geloof.  (Kyk bv. die woorde in Openb. 6:9, "...die siele vd wat gedood is ter wille vd woord van God en die getuienis...").  Ons vind dieselfde soort verwysing in Openb. 7, waar die met wit klere verduidelik word as "die wat uit die groot verdrukking kom", en word verder verklaar dat hulle "HUL KLERE GEWAS HET EN WIT GEMAAK HET IN DIE BLOED VD LAM".

Openb. 7:9-17:

"Ná hierdie dinge het ek gesien, en kyk, daar was ‘n groot menigte wat niemand kon tel nie, uit alle nasies en stamme en volke en tale; hulle het gestaan voor die troon en voor die Lam, bekleed met WIT KLERE en met palmtakke in hulle hande;en hulle het met ‘n groot stem geroep en gesê: Heil aan onse God wat op die troon sit, en aan die Lam! En al die engele het rondom die troon en die ouderlinge en die vier lewende wesens gestaan, en hulle het voor die troon op hulle aangesig neergeval en God aanbid en gesê: Amen! Die lof en die heerlikheid en die wysheid en die danksegging en die eer en die krag en die sterkte aan onse God tot in alle ewigheid! Amen. Toe het een van die ouderlinge gespreek en vir my gesê: Hulle wat bekleed is met die WIT KLERE, wie is hulle en waarvandaan het hulle gekom? En ek sê vir hom: My heer, u weet dit. En hy sê vir my: Dit is hulle wat uit die groot verdrukking kom, en hulle het hul klere gewas en hul klere wit gemaak in die bloed van die Lam.  Daarom is hulle voor die troon van God en dien Hom dag en nag in sy tempel; en Hy wat op die troon sit, sal sy tent oor hulle oopspan. Hulle sal nie meer honger en nie meer dors hê nie, en nooit sal die son of enige hitte op hulle val nie; want die Lam wat in die middel van die troon is, sal hulle laat wei en hulle na lewende waterfonteine lei, en God sal alle trane van hulle oë afvee".   Die Groot Verdrukking op die gelowiges, waarna Christus ook verwys het in Matt. 24:21, moet nie verwar word met God se oordele (God's wrath) later in die boek van Openbaring nie! (http://warechristenedagstukkies.blogspot.co.nz/2015/07/die-geklank-van-die-basuin.html).  Alhoewel Christus in Matt. 24 spesifiek verwys het na die in Judéa, leer Openb. 7 ook vir ons dat die Groot Verdrukking nie beperk is tot een nasie nie, maar mense "uit alle stamme, nasies, volke en tale... 

"Wit klere"  wys dus ook hier op reinheid (m.a.w., "nie besoedel nie" - omdat hulle gewas is in die bloed van die Lam).  Nie almal sal waardig wees om wit klere te ontvang nie! - (Openb. 3:4 - "Maar jy het enkele persone ook in Sardis wat hulle klere nie besoedel het nie, en hulle sal saam met My in WIT KLERE wandel, omdat hulle dit waardig is") - Kyk ook Openb. 3:18 - "Ek raai jou aan om van My te koop goud wat deur vuur gelouter is, sodat jy kan ryk word; en WIT KLERE, dat jy jou kan aantrek en die skande van jou naaktheid nie openbaar word nie; en salf om jou oë te salf, sodat jy kan sien".  REEDS VAN GENESIS AF HET DIE TEMA VAN "NAAKTHEID" 'N BESONDERSE BETEKENIS IN DIE SKRIF.  Die geestelike betekenis van naaktheid gaan oor SKAAMWEES en VERNEDERING (Openb. 16:15; 2 Kor. 5:3; Hand. 19:16; 1 Kor. 4:11; Hos. 2:3; Jes. 20...), weens ontbloting (en net soos iemand skaam is wanneer hy ontbloot word en dus naak is, so veroorsaak sonde dat ons skaam word wanneer die sonde ontbloot word en ons voel "naak"). As iemand kaal uitgetrek is, dan staan hy heeltemal bloot vir almal om te sien. As iemand nie sy klere bewaar nie, dan sal hy hom eendag in hierdie skaam naakte posisie bevind... (Openb. 16:15). Almal sal geoordeel word, en die wat nie hulle klere bewaar nie (M.A.W. die wat "BESOEDEL" is) sal hulleself kaal bevind en hulle geheime sal ontbloot word: - (Openb. 16:15 - "Kyk, Ek kom soos ‘n dief. Salig is hy wat waak en sy klere bewaar, sodat hy nie miskien naak rondloop en hulle sy skaamte sien nie").  Baie stap rond soos mense sonder klere - hierdie beeldspraak word gebruik in Openb. 3 waar die gemeente van die Laodicense aangekla word dat hulle "lou" is.  Hulle dink dat hulle ryk is en aan niks gebrek het nie, maar is voor die Here soos mense wat nie klere het nie en is NAAK (vgl. met Jak. 5:1-7) (en reeds van Genesis af het ons geleer dat SONDE die oorsaak is hiervan!).

"Wit klere" verwys na die wie se klere nie besoedel is nie (Openb. 3:4; Openb. 7:13,14) en die wat oorwin het (Openb. 3:5).(Lees gerus meer oor die tema van "naaktheid" op die volgende pos: http://warechristene.blogspot.co.nz/2017/01/gemeenskap-vleeslike-gemeenskap.html).

In konteks gesien Openb. 3:4, handel dit oor mense in die gemeente wie se werke nie volkome voor God gevind is nie, maar daar was ander wat wel waardig was.  Die brief begin waar Jesus se, "Ek ken jou werke, dat jy die naam het dat jy leef en jy is dood" - DUS is nie almal in die gemeente waardig om die wit klere te dra nie, maar net sommiges!  Kyk ook Openb. 3:18 - "Ek ken jou werke, dat jy nie koud is en ook nie warm nie....".  Die wat in hierdie skrifgedeeltes gesien word as "besoedeldes", is die wat hulle hoop plaas in rykdom en besittings, asook die wat voorgee dat hulle die Here ken, maar Hom nie werklik KEN nie. Hulle het nodig om hulle te bekeer sodat hulle rein kan word, en sal dan ook in die ry kan staan vir "wit klere"...

------------------------------------------------------------------------------------------------------------

OM OP TE SOM:

Vir die mens om WAARDIG TE WEES, en beklee te word met WIT KLERE, moet hy:

-  Jesus Christus bely en bereid wees om verdruk te word, of te ly ter wille van Sy Naam (Openb. 6:9; 7:14);

-  bekeer en ag gee op die pad van godsaligheid (http://warechristenedagstukkies.blogspot.co.nz/2015/10/die-godsaligheid.html), sodat hy gewas kan word deur die bloed van die Lam (http://warechristene.blogspot.co.nz/2013/09/wat-beteken-dit-om-tot-bekering-te-kom.html)(Openb. 3:3,18); 

-  glo, en sy hoop plaas in die Here - m.a.w. sy klere bewaar (Openb. 16:15) en alle vorme van afgodsdiens afle, o.a. gierigheid (Openb. 3:17; Jak. 5:2; 1 Pet. 3:3); 

-  moet nie net die naam he dat hy lewe nie (Openb. 3:1), maar regtig die Here KEN en GEHOORSAAM (Joh. 15:14; Openb. 16:15).

______________________________________________________