Die 144 000

Die 144000 van wie gepraat word in Openb. 7 en 14 word oor die algemeen gesien as dieselfde groep (en word ook in hierdie pos as ditto groep hanteer).  

Die 144000:

- is mense (Openb. 14:3,4 - gekoop uit die "mense" as eerstelinge/is vd aarde vrygekoop);

- is almal mans (want Openb. 14:4 leer dat hulle hulself nie met vroue besoedel het nie, want hulle is maagdelik rein);

- kom uit die stamme van Israel (Openb. 7:4 verklaar dat die 144000 "uit die stamme van Israel is, en in v. 5-8 word vertel hoeveel uit elke stam, en watter stamme);

- is (vry)gekoop as eerstelinge vir God en die Lam (Openb. 14:3,4 - soos "eerstelinge van 'n groep" gegee word vir die Here / hulle is m.a.w. geroep/eenkant gesit vir 'n spesifieke doel, soos die eersgebore seuns onder volk / priesterdom);

- word verseël - seël van die lewende God op hulle voorhoofde (het Naam vd Lam en van sy Vader op hulle voorhoofde)(Openb. 7:3; 14:1);

- sal die Lam volg waar Hy ook heengaan (Openb. 14:4 - "hulle volg die Lam" - is in Sy diens; dus verwys hulle almal na kinders van Israel wat in Jesus Christus glo);

- hulle is soos mense sonder gebrek voor die troon van God, en in hulle mond is daar geen bedrog gevind nie (Openb.14:5);

- hulle deel 'n nuwe lied wat niemand anders kan leer nie (Openb. 14:3);

- hulle sal beskerm word onder die gebeure vd 7de seël (Openb. 7:1-3).

-----------------------------------------------------------------------------------------------------------------------------Waarna verwys die verseëling?

Ons sien 'n "verseëling" vd 144000 in Openb. 7 (tussen die 6de en 7de seel), en volgens Openb. 7 is een vd redes waarom hierdie 144000 verseël word, sodat hulle beskerm kan word onder die oordele wat volg onder die 7de seël... Ook in Openb. 14 word daar na die 144000 daar verwys as "verseëldes", want volgens Openb. 14 (laaste/7de basuin onder die 7de seël) sal die Lam op die berg Sion staan " en saam met Hom 144000 met sy Naam en die Naam van sy Vader op hulle voorhoofde geskrywe..." (Openb. 14:1) - dit is duidelik dat Jesus teen daardie tyd al teruggekom het, en hierdie 144000 VERSEëLDES sal Hom volg waar Hy ookal gaan... Maar wat presies is hierdie "verseëling"?  Dit is nie duidelik of dit 'n fisiese gebaar sal wees nie, maar word deur baie so gesien.  

Weergeborenes is ook "verseël", verseël tot die dag van verlossing... (verseël deur die Heilige Gees / m.a.w., hulle het die Heilige Gees ontvang en word deur die Heilige Gees in bewaring gehou tot die dag van verlossing wanneer hulle nuwe liggame kry), maar hulle verseëling is duidelik nie fisies nie, alhoewel hulle verandering deur die Heilige Gees duidelik sigbaar is! ("nuwe mens" - op daardie manier is dit eintlik sigbaar). Kan dit wees dat die verseeling vd 144000 verwys na die feit dat hulle die Heilige Gees sal ontvang?, want dit is sekerlik so dat hierdie 144000 die Heilige Gees sal ontvang want hulle "glo immers in Jesus Christus"! (en Hy het die Gees belowe aan die wat in Hom glo)... - sommige geleerdes is van mening dat dit presies is waarna hierdie "verseeling" verwys,  maar dit kan wees dat die verseëling wat die 144000 sal ontvang ook 'n meer fisiese gebaar sal wees (?)... (bv. soos skrif wat op die lyf gedra word, ens.)(kyk bv. die woorde in Openb. 7:3 "op hulle voorhoofde").  Bestudeer gerus die interessante onderwerp van "die besonderse betekenis van regterhand" (waaronder ook o.a. gekyk is na die teken of merk (seël) vd dier). 

Sommige geleerdes is van mening dat weergeborenes (wat terloops "verseël is deur die Heilige Gees") ook beskerm sal word in daardie dae, alhoewel die weergeborene se verseëling meer 'n verwysing is na "beskerm vd tweede dood". Interessant om te merk dat sekere gebeure onder die basuine en skale onder die 7de seel, spesifiek oordele is wat uitgevoer word op die met die merk vd dier, of die wat nie die seel van God het nie...;  o.a. sal onder die 5de seel, sal die wat nie die seel van God het nie vir 5 mnd.e gepynig word. Ons moet egter nie hierdie oordeel/wraak onder die 7de seël verwar met die groot verdrukking (soos sommige doen) nie!  Weergeborenes sal wel ook deur die Groot Verdrukking geraak word (Openb. 12:17), maar sal soos die 144000 bes moontlik beskerm word later onder die 7de seel (omdat hulle verseel is deur die Heilige Gees)(l.w., spesifiek verwysend na "die wat NIE die merk van die dier het nie"...(Openb. 9:4)).

-----------------------------------------------------------------------------------------------------------------------------Wanneer sal die verseëling plaasvind?

In Openb. 7 kry ons die VERSEëLING VD 144000 wat die 6de seël opvolg... (kyk hoe 6de seël in Openb. 6:12-17 beskryf word, en dan die volgende hfstuk..., kyk die woorde 7:1 "En ná hierdie dinge", m.a.w., die verseëling vind plaas na die 6de seël gebeure (en is dus duidelik NIE in die tyd vd groot verdrukking of net voor dit nie).  Sommige kerke leer dat die 144000 se doel is om in die tyd vd groot verdrukking te evangeliseer, maar die skrif leer dat hierdie verseëling eers plaasvind na die 6de seël!;  en terloops beskryf Openb. 7 verder ook die groot menigte (dooies) wat "uit die groot verdrukking kom" (hierdie dooies word hier gewys omdat die groot verdrukking verby is);  m.a.w., teen die tyd wat die 144000 verseël word is die Groot Verdrukking duidelik al verby... Die verseëling vd 144000 sal dus eers gebeur na die Groot Verdrukking, en nadat die 6de seël gebeure afgespeel het... (m.a.w., groot verdukking, en dan die 6de seël gebeure nl., son swart, maan bloed, groot aardbewing, sterre val, hemel wyk weg, berge/eilande versit, ens., - gebeure wat die 7de seël voorafgaan). Dit wil dus voorkom of die verseëling vd 144000 sal plaasvind tussen die 6de en die 7de seël... (Openb. 6:12-17; 7:1-8)(Matt. 24:29).  

Nog 'n verwysing na die 144000 is in Openb. 14 (onder die 7de basuin, onder die 7de seël) - die Lam sal op die berg Sion staan " en saam met Hom 144000. Hierdie vind plaas onder die laaste basuin onder die 7de seël, terwyl die verseëling in Openb. 7 plaasvind tussen die 6de en die 7de seël.  Volgens Skrif kom Jesus terug onder die laaste basuin onder die 7de seël (die wederkoms, dan vind die opstanding en wegraping plaas)(1 Kor. 15:52)(Matt. 24:29-31...). Openb. 19:11-16 beskryf ook gebeure wat lyk soos die wederkoms (en kan inderdaad beskryf word as deel van die tyd van wederkoms), maar l.w. dat daardie gebeure gekoppel is aan hoe die Here kom met Sy tienduisend talle om oordeel uit te voer... (m.a.w., "die slag van Armageddon", en dit word ook daar beskryf)(Openb. 19:17-21)(Jud. 1:14-16)  -  voor dit gebeur sal die Lam alreeds saam met die 144000 op die berg Sion gesien word... (en hulle sal Hom volg waar Hy ookal gaan). 

-----------------------------------------------------------------------------------------------------------------------------Gekoop as "eerstelinge":

Die 144000 word verder in Openb. 14 beskryf as die wat hulleself met vroue nie besoedel het nie want hulle is maagdelik rein, en hulle volg die Lam waar Hy ook heengaan - dit is hulle wat gekoop is uit die mense as eerstelinge vir God en die Lam... Dit wil dus voorkom of hulle vd aarde vrygekoop is om "priesters" te wees vir die Here. Hierdie 144000 word o.a. beskryf as mense "sonder gebrek" - in hulle mond is geen bedrog gevind nie.

Die 144000 se doel is m.a.w. dat hulle gekoop is as eerstelinge (soos eerstelinge uit 'n groep of van 'n oes). Hulle is (vry)gekoop uit die mense... (en almal kom uit stamme van Israel).  Om die begrip "eerstelinge" beter te verstaan, kan daar gekyk word na hoe dit in die Skrif gebruik word.  Bv., die woord "eerstelinge" kan ook na eersgeborenes van 'n land verwys (Ps. 78:51) - die volk Israel word bv. gesien as eerstelinge. In Jak. 1:18 word Christene eerstelinge van Sy skepsele genoem (maar let ook daarop dat die brief van Jakobus gerig is aan die 12 stamme wat in die verstrooiing is - Christene word deel vd groep van eerstelinge deurdat hulle ingedoop word onder die kinders van Abraham). Christene het die "eerstelinge vd Gees" (Rom. 8:23)... Vir 'n studie oor "eersgeborenes/eerstelinge", gaan na: http://warechristene.blogspot.com/2015/04/eersgeborenes-en-eerstelingepriesters.html. Volgens Joodse tradisie wil dit voorkom of die oudste seun oorspronklik die pligte van priester gekry het - die eergeborene moes aan die Here opgedra word sodat hy hierdie pligte kon uitvoer. Die eersgebore seun was dus die priester vd familie.  Die woord "priester" verwys na die een wat in beheer is, en gaan veral oor "verantwoordelikheid" - is 'n dienaar van God (Jes. 61:6). Die priester se plig was om die kennis te bewaar en 'n boodskapper te wees vir die Here - om Sy wil te ken en bekend te maak aan die res vd familie (m.a.w. "doen wat die Here wil"). Daarom kon die priester ook seëninge uitspreek... Die volk Israel word bv. ook gesien "as God se eersgebore seun, die EERSTELINGE van Sy opbrings (Jer. 2:3). Al die eersgeborenes onder die volk het aan Hom behoort, en as hulle nie hulle plig nagekom het nie, moet hulle vrygekoop word (sien die totstandkoming vd Levietiese priesterdom...). Die 144000 kan dus gesien word soos 'n priesterdom...

-----------------------------------------------------------------------------------------------------------------------------Die 144000 sal almal mans wees uit die stamme van Israel (Openb. 7:4; 14:4)

(12000 uit elke stam, alhoewel die stam van Dan nie genoem word nie, maar 2 keer 12000 uit die stam van Josef...). 

Kom ons kyk na hoe dit beskryf word in Openb. 7.  Dit wil voorkom of die verseeling in Openb. 7 plaasvind tussen die 6de en 7de seel (nommers is hieronder ingesluit om te verwys na die 12 stamme van Israel/seuns van Jakob)

Openb. 7:1  En ná hierdie dinge het ek vier engele op die vier hoeke van die aarde sien staan, en hulle het die vier winde van die aarde vasgehou, sodat geen wind sou waai op die aarde of op die see of teen enige boom nie. 

Openb. 7:2  En ek het ‘n ander engel sien opkom van die opgang van die son, met die seël van die lewende God; en hy het met ‘n groot stem geroep na die vier engele aan wie dit gegee is om die aarde en die see te beskadig 

Openb. 7:3  en gesê: Moenie die aarde of die see of die bome beskadig voordat ons die diensknegte van onse God op hulle voorhoofde verseël het nie. 

Openb. 7:4  En ek het die getal van die verseëldes gehoor: honderd vier en veertig duisend verseëldes uit al die stamme van die kinders van Israel 

Openb. 7:5  

- uit die stam van Juda twaalf duisend verseëldes(4); 

-uit die stam van Ruben twaalf duisend verseëldes(1); 

-uit die stam van Gad twaalf duisend verseëldes(7); 

Openb. 7:6  

-uit die stam van Aser twaalf duisend verseëldes(8); 

-uit die stam van Náftali twaalf duisend verseëldes(6); 

-uit die stam van Manasse twaalf duisend verseëldes(tweede deel van 11); 

Openb. 7:7  

-uit die stam van Símeon twaalf duisend verseëldes(2); 

-uit die stam van Levi twaalf duisend verseëldes(3); 

-uit die stam van Issaskar twaalf duisend verseëldes(9); 

Openb. 7:8  

-uit die stam van Sébulon twaalf duisend verseëldes(10); 

-uit die stam van Josef twaalf duisend verseëldes(11); 

-uit die stam van Benjamin twaalf duisend verseëldes(12).

DIT IS INTERESSANT OM TE MERK DAT DIE "stam van Dan" GEENSINS VERSKYN ONDER HIERDIE GROEP VAN 144 000 NIE, MAAR DAAR TWEE GROEPE VAN 12 000 VERSKYN VIR JOSEF (nl. Josef en Manasse - Manasse was een van Josef se seuns). NS: Met die indeling vd beloofde land was daar ook 2 dele gegee aan Josef (dubbele porsie-Deut. 21:17) soos gewoonlik gegee is aan die eersgeborene, maar Josef was nie die eersgeborene nie - Ruben was, maar sy "eersgeboortereg" is weggeneem van hom omdat hy met sy vader se byvrou gemeenskap gehad het (Gen. 35:22), en dit is toe aan Josef gegee... (1 Kron. 5:1)(Lev. 18:8; 20:11; Deut. 27:20). Die verseëling vd 144000 kan dus ook miskien vgl. word met die tema van "erf" - ook in hierdie geval "erf" die stam van Josef 'n dubbele porsie (bv. in "eersteling" of priesterskap), maar anders as in die geval van die indeling vd land "erf" die stam van Dan niks hier nie;  m.a.w., geen mans uit die stam van Dan sal van die aarde vrygekoop word om deel te wees van hierdie "priesterdom"/eerstelinge/144000 nie, maar uit die stam van Josef sal 24000 vrygekoop word (waarvan 12000 uit die stam van Manasse).

-----------------------------------------------------------------------------------------------------------------------------Kom ons kyk ook na die skrifgedeelte in Openb. 14:  

Hierdie vind plaas onder die laaste basuin onder die 7de seël (net voor die 7 skale begin); terwyl die verseeling in Openb. 7 plaasvind tussen die 6de en 7de seël.  

Die 2 weë (5de en 6de basuin onder die 7de seel) is nou verby... (wat terloops eindig op die dood en opstanding vd 2 getuies); hierna, die 7 donderslae (wat nie vir ons neergeskryf is wat dit is nie), en dan die derde weë... (wat strek vanaf die 7de/laaste basuin onder die 7de seël). En wat nou volg is die res vd gebeure onder die 7de seël:  nl. die wederkoms (en hier sien ons nou die Lam met die 144000 op die berg Sion...), die opstanding/wegraping, 7 skale (waaronder "bose sere op die met die merk vd dier, see word bloed en wesens sterwe, riviere en waterfonteine word bloed, son skroei met vuur, die koninkryk vd dier verduister - pyne, swere, versameling by Armageddon, geweldige groot aardbewing"...), groot stad verdeel in 3 en stede vd nasies val, Babilon in gedagtenis gebring, eilande vlug en berge nie geving en groot hael,  die Val van Babilon , die Slag van Armageddon, dier en valse profeet word lewend in die vuurpoel gegooi, satan gebind vir 'n 1000 jaar..., ens.  

(Openb. 14:1)  En ek het gesien, en kyk, die Lam staan op die berg Sion, en saam met Hom honderd vier en veertig duisend met sy Naam en die Naam van sy Vader op hulle voorhoofde geskrywe.

(Openb. 14:2)  En ek het ‘n geluid uit die hemel gehoor soos die geluid van baie waters en soos die geluid van ‘n harde donderslag, en ek het die geluid gehoor van siterspelers wat speel op hulle siters.

(Openb. 14:3)  En hulle het ‘n nuwe lied gesing voor die troon en voor die vier lewende wesens en die ouderlinge; en niemand kon die lied leer nie, behalwe die honderd vier en veertig duisend wat van die aarde vrygekoop is.

(Openb. 14:4)  Dit is hulle wat hulself met vroue nie besoedel het nie, want hulle is maagdelik rein; dit is hulle wat die Lam volg waar Hy ook heengaan; dit is hulle wat gekoop is uit die mense as eerstelinge vir God en die Lam.

(Openb. 14:5)  En in hulle mond is daar geen bedrog gevind nie; want hulle is sonder gebrek voor die troon van God.

Die (3de) Tempel

VIR 'N DAGSTUKKIE OOR DIE (DERDE) TEMPEL, (MET GRIEKSE BETEKENISSE VD WOORD "TEMPEL"), GAAN NA:

http://warechristenedagstukkies.blogspot.co.nz/2015/11/die-derde-tempel.html

-----------------------------------------------------------------------------------------------------------------------------

Die oprigting vd (3de) tempel is iets waarna baie mense uitsien, wat sal gebeur in die laaste dae voor Jesus terugkom.  Alhoewel daar geen skrif is wat dit in soveel woorde verklaar nie, is daar skrifte wat na hierdie tempel verwys. Sommige mense verwys na hierdie komende tempel as "die tempel vd antichris" omdat die Antichris in die tempel van God as God sal gaan sit en voorgee dat hy God is (2 Thess. 2:1-4), maar natuurlik is dit nie 'n tempel vd Antichris nie maar inderdaad 'n TEMPEL VAN GOD.  Daar is ook 'n verwysing na hierdie tempel in Openb. 11:1,2 - ("En ‘n riet soos ‘n stok is aan my gegee, en die engel het gestaan en gesê: Staan op en meet die tempel van God en die altaar en die wat daarin aanbid. Maar die voorhof buitekant die tempel moet jy uitlaat en dit nie meet nie, want dit is aan die heidene gegee; en hulle sal die heilige stad twee en veertig maande lank vertrap"). Volgens Openb. 11 wil dit voorkom of die 2 getuies hulle verskyning sal maak na die oprigting vd tempel... Of die twee tydperke wat daar beskryf word (van 42 maande en 1260 dae) na dieselfde of verskillende tydperke verwys, is natuurlik 'n punt van interpretasie;  maar as dit na twee tydperke verwys dan sal die tempel opgerig word en 42 maande verbygaan, en dan sal die twee getuies hulle verskyning maak (en dan vir die volgende 1260 dae getuig).  Hierdie is die tipiese 7 jaar waarna somtyds verwys word wanneer daar gepraat word oor die laaste dae... Die OPRIGTING VD TEMPEL is dus 'n groot gebeurtenis wat vele dinge aan die gang sit, en sal dus as 'n teken gesien word dat ons ons in die laaste dae bevind net voor Jesus terugkom. 

Sommige geleerdes sien hierdie tempel as dieselfde tempel waarvan geprofeteer word in die boek van Esegiël (ook genoem die "Millenium tempel"-Eseg. 40 - 48)(Hab. 2:20), maar meeste Christen geleerdes is van mening dat daar onderskei moet word tussen die 3de tempel van Openb. 11 en hierdie toekomstige Esegiël tempel. Wat wel duidelik is is dat die tempel van Eseg. verwys na 'n tempel in die tyd waarin Jesus Christus regeer, en kan o.a. voorgestel word soos Christus se troon/paleis (die tyd nadat Israel herstel is - na die wederkoms - in die "volgende eeu")(vgl. dit ook met Sag. 6:12-15), terwyl die derde tempel van Openb. 11 verwys na 'n tempel in die laaste dae voor Jesus terugkom (m.a.w., voor die wederkoms - in "hierdie eeu")(die tempel waarin die antichris sal gaan sit en maak asof hy God is). 

Openb. 11 verklaar dat die volgende tempel in die heilige stad (Jerusalem) sal wees. Na die verwoesting vd tweede tempel (70 n.C.) was daar geen fisiese tempel van God in Jerusalem nie (m.a.w., vir die laaste 2000 jaar). Christene het nie hierdie as 'n probleem gesien nie omdat die wedergeborene se liggaam immers gesien word soos 'n tempel (2 Kor. 6:16; Joh. 14:17; Ef. 3:17) - want God is by hulle teenwoordig deur Sy Gees.  Dit beteken egter nie dat die toekomstige derde tempel wat in Jerusalem gebou gaan word nie 'n tempel van God is nie - natuurlik sal dit wees!, maar in hierdie bedeling ("hierdie eeu") was die tempel teenwoordig op 'n meer geestelike manier deurdat weergeborenes die Heilige Gees ontvang.  In die volgende eeu (in Jesus Christus se Ryk)(Openb. 20) sal die bedeling weer anders daarna uitsien, en dan sal die Eseg. tempel prominent wees;  en na die 1000-Ryk (nuwe hemel en aarde - Openb. 21) sal daar geen tempel wees nie, want die nuwe stad Jerusalem sal uit die hemel neerdaal op die aarde en gesien word as die "tabernakel van God"... (Openb. 21:22).  (Doen gerus 'n studie oor tabernakel/tempel, om beter te verstaan die doel van 'n tempel  - wat terloops veral beteken het dat "God by hulle was"!, en is gesien as 'n "huis van gebed";  daarom was dit ook genoem "huis van God" of "tent van samekoms"...). 

Of 'n derde tempel nodig is in hierdie bedeling is dus natuurlik 'n punt van redenasie, maar so 'n tempel sou miskien eerder gesien kon word soos ons 'n kerkgebou sien ('n plek van samekoms/aanbidding-Mark. 11:17 ens.).  Wat die Here se teenwoordigheid aanbetref is Hy reeds teenwoordig deur Sy Heilige Gees (daarom word die weergeborene se liggaam gesien soos 'n tempel) - die Christen hoef nie 'n fisiese tempel van God te besoek om die teenwoordigheid vd Here te ervaar nie (en besoek terloops ook nie 'n kerkgebou vir daardie rede nie).  Wat die offerstelsel aanbetref is daar niks verkeerd met offers aan die Here bring nie, maar ons moet verstaan dat ons nie gered kan word deur daardie offers nie - God het 'n beter plan bewerk deur Sy Seun Jesus Christus... En al sou so 'n derde tempel gesien kan word as 'n huis van gebed vir alle nasies (Luk. 19:46; Jes. 56:7), beteken dit nie dat almal hulle verskillende afgode daar kan aanbid nie (nee, God is 'n jaloerse God!) - afgodediens mag nie in Sy tempel toegelaat word nie (2 Kon. 21).  

-----------------------------------------------------------------------------------------------------------------------------

http://warechristene.blogspot.com/2012/12/die-tempel-van-god.html

http://warechristene.blogspot.com/2015/07/jerusalem.html

https://warechristenedagstukkies.blogspot.com/2015/07/die-heilige-stad.html

En dit sal vir julle uitloop op 'n getuienis

Dit is baiemaal in tye van VERDRUKKING wat die evangelie verkondig word... 

Vervolging en verdrukking skep gewoonlik 'n geleentheid om te getuig.

(Luk 21:12) " Maar voor al hierdie dinge sal hulle die hande aan julle slaan en julle VERVOLG en oorlewer in sinagoges en gevangenisse en julle voor konings en goewerneurs bring ter wille van my Naam."

(Luk 21:13) " En dit sal vir julle uitloop op ‘n getuienis."

(Mat 24:9) " Dan sal hulle jul aan VERDRUKKING oorgee en julle doodmaak; en julle sal deur al die nasies gehaat word ter wille van my Naam.
(Mat 24:10)  En dan sal baie tot struikel gebring word en mekaar verraai en mekaar haat.
(Mat 24:11)  En baie valse profete sal opstaan en baie mense mislei.
(Mat 24:12)  En omdat die ongeregtigheid vermeerder word, sal die liefde van die meeste verkoel.
(Mat 24:13)  Maar wie volhard tot die einde toe, hy sal gered word.
(Mat 24:14)  En hierdie evangelie van die koninkryk sal verkondig word in die hele wêreld tot ‘n getuienis vir al die nasies; en dan sal die einde kom."

(Mar 13:9)  "Maar wees julle vir julleself op die hoede, want hulle sal julle OORLEWER aan regbanke, en in sinagoges sal julle geslaan word en voor goewerneurs en konings gebring word om My ontwil, vir hulle tot ‘n getuienis.

(Mar 13:10)  En die evangelie moet eers aan al die nasies verkondig word.

(Mar 13:11)  En wanneer hulle jul weglei om julle oor te lewer, moenie julle vooraf kwel oor wat julle sal spreek nie, en moenie daaroor dink nie; maar wat julle in dié uur gegee word, dit moet julle spreek; want dit is nie julle wat spreek nie, maar die Heilige Gees."

In antwoord op die dissispels se vraag in Matt. 24, het Jesus baie spesifieke dinge in volgorde genoem wat met die voleinding vd wêreld sal gebeur, bv. valse christusse, dan oorloë en gerugte van oorloë, dan hongersnode, pessiektes, aardbewings op verskillende plekke (v.4-7), ens.;  

MAAR Hy het genoem dat hierdie dinge "die begin van smarte" is (v.8), en gesê dat voor hierdie dinge daar verdrukking sal wees... - en let wel die woorde in v.9 "en julle sal deur al die nasies GEHAAT WORD ter wille van my Naam". Haat speel gewoonlik 'n groot rol in hoekom iemand verdruk word... Wanneer dit gebeur is die Christen nie veronderstel om terug haat nie, maar moet eerder die teenoorgestelde doen, vasstaan in die geloof en die geleentheid gebruik "om te getuig"!

-(Mat 24:10)  En dan sal baie tot struikel gebring word en mekaar verraai en mekaar haat.

-(Mat 24:11)  En baie valse profete sal opstaan en baie mense mislei.

-(Mat 24:12)  En omdat die ongeregtigheid vermeerder word, sal die liefde van die meeste verkoel.

-(Mat 24:13)  Maar wie volhard tot die einde toe, hy sal gered word.

-(Mat 24:14)  En hierdie evangelie van die koninkryk sal verkondig word in die hele wêreld tot ‘n getuienis vir al die nasies; en dan sal die einde kom.

Verdrukking is een van die tekens van die laaste dae en Jesus het ook geleer dat daar 'n "Groot Verdrukking" sal wees in die voleinding vd wêreld (net voor Hy terugkom)(Mat 24:21 - "Want dan sal daar groot verdrukking wees soos daar van die begin van die wêreld af tot nou toe nie gewees het en ook nooit sal wees nie"). Verdrukking word baiemaal gesien soos 'n toets (beproewing) omdat dit uitwys wie waar en wie vals is;  maw, die Here laat dit somtyds toe maar nie net sodat sommige getoets word nie, maar ook ter wille vd GETUIENIS. Die dissipels het baie onder vervolging gely en het die geleentheid gebruik om die evangelie te verkondig.  Die feit dat hulle vasgestaan het in die geloof ten spyte van vervolging, was self ook 'n getuienis. Christene wat nie wortel het nie sal sukkel om in tye van verdrukking en vervolging vas te staan (sien 2de groep in die gelykenis van die saaier).  Ongelukkig is dit so dat in hierdie tye sommige ook afval, ja - sommige (wat glo) word mislei, sommige struikel, sommige val weg..., maar wie volhard tot die einde toe sal gered word! - en dit is ook "die wat volhard" wat instaat is om in so 'n tyd die evangelie te bring! (Mar 13:9 - "Maar wees julle vir julleself op die hoede, want hulle sal julle oorlewer aan regbanke, en in sinagoges sal julle geslaan word en voor goewerneurs en konings gebring word om My ontwil, vir hulle tot ‘n getuienis")(Luk. 2:12,13). VERDRUKKING skep hierdie geleentheid vir getuienis (dit is, sou die Christen vashou aan sy geloof). (Mar 13:11 - "En wanneer hulle jul weglei om julle oor te lewer, moenie julle vooraf kwel oor wat julle sal spreek nie, en moenie daaroor dink nie; maar wat julle in dié uur gegee word, dit moet julle spreek; want dit is nie julle wat spreek nie, maar die Heilige Gees").

(Jak. 5:7)  Wees dan geduldig, broeders, tot op die wederkoms van die Here. Kyk, die landbouer wag op die kostelike vrug van die aarde en het geduld daarmee totdat dit die vroeë en die laat reën ontvang het.

(Jak. 5:8)  Julle moet ook geduldig wees; versterk julle harte, want die wederkoms van die Here is naby.

(Jak. 5:9)  Moenie teen mekaar sug nie, broeders, sodat julle nie veroordeel word nie. Kyk, die Regter staan voor die deur.

(Jak. 5:10)  Neem as voorbeeld van lyding, my broeders, en van geduld die profete wat in die Naam van die Here gespreek het.

(Jak. 5:11)  Kyk, ons reken hulle geluksalig wat verdra. Julle het gehoor van die lydsaamheid van Job, en julle het die einddoel van die Here met hom gesien, dat die Here vol medelye en ontferming is.

------------------------------------------------------------------------------------------------------------------------------

Wanneer iemand versoeking deurstaan, lei dit somtyds tot vervolging of verdrukking:

Die woord "versoeking" beteken in sommige skrifte "beproewing" (om op die proef te stel) - wanneer iemand nie die proef (beproewing) of versoeking deurstaan nie, struikel hy of kan afval (Luk. 8:13; Hebr. 13:12). God versoek niemand nie! - dit is die duiwel wat mense versoek (maar dit is God wat dit toelaat of nie toelaat nie, en die Here sal terloops ook nie toelaat dat ons bo ons kragte versoek word nie)(Jak. 1:13; Matt. 6:13).  Gebed kan help dat ons nie in die versoeking kom nie... (Matt. 26:41; Luk. 22:46).

Niemand van ons wil versoek word nie want dit is inderdaad soos 'n toets - sal jy val, of gaan jy bly staan? 

Die wat die toets/versoeking slaag (bv. om nie die Here te verloën nie, of om nie te sondig nie al word hy selfs deur sy eie begeerlikheid weggesleep, ens.), is die wat ryk word in die Here en die bose oorwin. Maar hierdie "sterk staan" ly somtyds daartoe dat iemand verdruk of vervolg word omdat hy nie die res volg nie of nie sien soos hulle sien en dink nie. Alhoewel dit nie maklik is om deur so iets te gaan nie skep vervolginge en verdrukking geleentheid om TE KAN GETUIG (wat terloops vir iemand vrug kan gee). As ons wil vrug dra en GETUIG, moet ons bereid wees om ons "lewens te verloor", maw moet versoeking weerstaan... (bv., eerder begeer om ryk te word in die Here as om wereldse rykdom te begeer; of eerder glo in die Here se woord as in wereldse wysheid; ens.).  (Matt. 16:24-26 - "Toe sê Jesus vir sy dissipels: As iemand agter My aan wil kom, moet hy homself verloën en sy kruis opneem en My volg. Want elkeen wat sy lewe wil red, sal dit verloor; maar elkeen wat sy lewe om My ontwil verloor, sal dit vind. Want wat baat dit ‘n mens as hy die hele wêreld win, maar aan sy siel skade ly? Of wat sal ‘n mens gee as losprys vir sy siel?").

 

Jesus het vir ons verduidelik hoe belangrik dit is om GEWORTELD te wees in Hom.  (Luk 8:13 - "En dié op die rots is hulle wat die woord met blydskap ontvang wanneer hulle dit hoor; en hulle het geen wortel nie, aangesien hulle net vir ‘n tyd glo, en IN DIE TYD VAN VERSOEKING VAL HULLE AF"). Daarom is dit belangrik dat 'n gelowige die Here leer ken en in Hom bly, want dit is maklik vir die "sonder wortel" om in tye van versoeking AF TE VAL... (2de groep in die gelykenis vd saaier). As ons getuies wil wees vir die Here en seker maak dat ons sterk staan in tye van versoeking, het ons WORTELS nodig... (en terloops kos en water nodig om aan die lewe te bly!).

-----------------------------------------------------------------------------------------------------------------------------(2Ti 3:12)  "En almal wat ook godvrugtig wil lewe in Christus Jesus, sal vervolg word": Elke gelowige is soos saad wat in die wêreld geplant word om VRUG te dra.  Wanneer Jesus terugkom sal elkeen se vrug "geoes" word (Mar 4:29 - "En wanneer die vrug dit toelaat, steek hy die sekel dadelik in, omdat die oes daar is"). Hoedanig sal jou vrug lyk?  Goeie vrug? Slegte vrug? Dorings? Geen vrug? Verstikte vrug? ...L.w. dat hierdie 'n belangrike onderwerp is in die Skrif, en terloops iets waaroor Jesus baie gesels het. Ons vrug is belangrik!, want ons het dit nodig het om die ewige lewe te kan beerwe... (gelowiges wat bv geen vrug het wanneer Jesus terugkom, sal uitgewerp word soos 'n loot en verdroog, en verbrand word...-Joh 15:6). 

Daar is verskillende soorte "oeste" wat vir ons beskryf word in die Skrif (Matt. 13:30,39; Joe 3:13; Openb. 14:15 ens.), waarvan die vrug-oes een van hulle is.  

Om die evangelie te verkondig word ook soos 'n "oes" beskryf (kyk onderwerp van "maai"): 

-(Joh 4:35)  Sê julle nie: Dit is nog vier maande, dan kom die oes nie? Kyk, Ek sê vir julle, slaan julle oë op en aanskou die lande dat hulle al wit is vir die oes.

-(Joh 4:36)  En hy wat maai, ontvang loon en vergader vrug vir die ewige lewe, sodat die saaier en die maaier saam bly kan wees. 

Dit is 'n "oes" in die sin van dat "visse" ingetrek/bymekaargemaak word, en op hierdie manier verdien die wat die evangelie verkondig "VRUG". Vrug word op verskillende maniere versamel, en die belangrikste is "OM IN DIE HERE TE BLY" (Joh. 15:4,15,16) want Jesus het geleer dat sonder Hom ons nie kan vrug dra nie! 

"Om die evangelie te verkondig" is soos om vrug te versamel vir die ewige lewe... (Luk 10:2 - "Hy sê toe vir hulle: Die oes is wel groot, maar die arbeiders min. Bid dan die Here van die oes dat Hy arbeiders in sy oes uitstuur"). TYE VAN VERDRUKKING (wat baiemaal gepaardgaan met "versoeking weerstaan") SKEP VIR DIE CHRISTEN HIERDIE GELEENTHEID OM DIE EVANGELIE TE VERKONDIG en DIENSBAAR TE BLY AAN DIE HERE - en terloops so ook vrug te versamel tot ewige lewe...  (Matt. 5:12 - "Verbly en verheug julle omdat julle loon groot is in die hemele; want so het hulle die profete vervolg wat voor julle gewees het")(Joh. 4:36; Rom. 6:22; Spr. 11:30). In sulke tye moet Christene seker maak dat hulle nie die Here verloën nie (Matt. 10:33; Luk. 12:9; 2 Tim. 2:12).

------------------------------------------------------------------------------------------------------------------------------

WIE IS DIT VIR WIE JY VREES?

Daar is verskeie redes waarom Christene somtyds die Here (hulle Meester) verloën, en VREES is baiemaal die rede hiervoor! Iemand wat wortel het in die Here sal eerder die Here vrees (bv. Sy wil, Sy woorde, ens.), maar Christene wat nie in die Here bly en groei nie, is geneig om toe te gee aan wat "natuurlike mense" van hulle verwag (maw, "hulle vrees eerder mense"). Natuurlike mense dink en sien anders as "geestelike mense" (en dit is veronderstel om so te wees!, want geestelike mense het die Heilige Gees, die Gees van waarheid;  maar natuurlike mense het nie die Heilige Gees nie...). Maar wat gebeur as 'n Christen die Gees bedroef?  Wat gebeur as 'n Christen goed weet wat reg is, maar steeds kies om ongehoorsaam te wees en sy hart te verhard teen die waarheid? - so 'n Christen/geestelike mens ignoreer die stem van die Gees (van waarheid) en glo wat hy wil al weet hy goed wat is die waarheid.  Wat gebeur as 'n Christen ophou om die Here te vrees en dien en hy kies om eerder sy eie wil te doen, al weet hy goed wat die Here eintlik van hom verwag?  

Dit is ongelukkig so dat alhoewel "geestelike mense" veronderstel is om anders te sien en dink en doen, hulle nie altyd so doen nie! (maw, kyk na die wat nie in die Here bly nie /  "hart verhard" - bly ongelowig/kan nie mooi "sien" nie).  

As 'n kind sy ouers meer vrees gaan hy bv. eerder glo wat hulle vir hom vertel, of gehoorsaam wees aan wat hulle van hom verwag... Op dieselfde wyse wys tye van versoeking uit wie dit is wat regtig in die Here GLO, en wie nie.  Die wat die Here verloen kan nie werklik getuies wees vir Hom nie, maar tree somtyds eerder soos struikelblokke op. Mense wat in die Here glo, glo in Sy woorde, doen wat Hy verwag, vertrou wat Hy doen, ens.; maar die wat net vir 'n tyd glo, kan in sulke tye afval. L.w. dat een van die tekens van die eindtye is dat daar 'n groot "AFVAL" sal kom (2 Tim. 2:3)(en ons sien alreeds so iets gebeur)(kyk ook tema "uur van beproewing wat oor die wereld kom"). Iemand wat nie die Here vrees nie se getuienis sal anders wees as die een wat die Here vrees.  Dit is waarom daar soveel verskille is vandag tussen wat verskillende Christene en kerke leer of die manier hoe hulle lewe (want baie bely hulle glo, maar het eintlik afgeval vd geloof en doen en glo soos hulle wil, en neem nie die regte soort kos en water in nie). As 'n Christen ophou om die Here te VREES, wys hy eintlik dat hy net vir 'n tyd geglo het - so 'n "gelowige" se getuienis sal anders daarna uitsien (bv., diesulkes is eerder 'n getuie vir wereldse sienswyse, eie wil, glo wat hulle wil, doen soos hulle wil, ens.).  

 

-(Mat 10:28)  En moenie vrees vir die wat die liggaam doodmaak, maar die siel nie kan doodmaak nie; maar vrees Hom liewer wat die siel sowel as die liggaam kan verderwe in die hel.

-(Mat 10:29)  Word twee mossies nie vir ‘n stuiwer verkoop nie? En nie een van hulle sal op die aarde val sonder julle Vader nie.

-(Mat 10:30)  En van julle is selfs die hare van die hoof almal getel.

-(Mat 10:31)  Wees dan nie bevrees nie: julle is meer werd as baie mossies.

-(Mat 10:32)  Elkeen dan wat My sal bely voor die mense, hom sal Ek ook bely voor my Vader wat in die hemele is.

-(Mat 10:33)  Maar elkeen wat My verloën voor die mense, hom sal Ek ook verloën voor my Vader wat in die hemele is.  IN HIERDIE OPSIG MOET CHRISTENE BEREID WEES OM HULLE LEWENS TE VERLOOR TER WILLE VAN DIE GELOOF. Die tema van "lewe verloor" gaan nie net oor "moenie vrees vir die wat die liggaam doodmaak" nie (Luk. 12:1-12), maar gaan ook oor "lewe afle in die alledaagse", maw om die Here te DIEN en KEN (Sy wil te soek, Hom te raadpleeg, hoop in Hom plaas, ens.)(Luk. 12:13-59).  Om eerder die Here te vrees as vir mense is die manier hoe ons "ryk word in die Here"... (dit gaan oor "lewe verloor" maar lewe wen in die Here-Luk. 17:33)(Mar 8:35 - "Want elkeen wat sy lewe wil red, sal dit verloor; maar elkeen wat sy lewe om My ontwil en om die evangelie ontwil verloor, hy sal dit red"). Die wat die Here vrees kan 'n getuie wees vir Hom - hulle is soos priesters vir Hom in hierdie wereld!

------------------------------------------------------------------------------------------------------------------------------

Uur van beproewing

 In die brief aan die gemeente van Filadelfía (Openb. 3:7-13) het Christus 'n interessante verklaring gemaak waarin Hy verwys na 'n tyd wat oor die hele wêreld sal kom, genoem:

"die uur van beproewing".
Om te verstaan wat met hierdie "uur van beproewing" bedoel word, moet ons gaan kyk na
wat die doel is daarvan,
en wie presies nou eintlik deur dit sal gaan.  

_________________________________________________________________________________

-  Wat is die doel van hierdie "uur van beproewing"?
Vir die antwoord hierop kan ons kyk na Openb. 3:10:  -"Omdat jy die woord van my lydsaamheid bewaar het, sal Ek jou ook bewaar in die uur van beproewing wat oor die hele wêreld kom om die bewoners van die aarde op die proef te stel". Maar natuurlik soos ons sien in hiedie gedeelte sal nie alle bewoners op die aarde op OP DIE PROEF GESTEL word nie, of is dit wat die skrif bedoel? Dit is hoe ons dit graag wil verstaan, maar let op dat die woorde "bewaar in" gebruik word (beteken nie noodwendig hulle sal dit "vrygespring" nie!).  Daar is 'n groep mense wat in hierdie "uur van beproewing" bewaar sal word...(Openb. 3:10)(sal vasgehou/opgepas word).

Die woorde "uur van beproewing" verwys na 'n tyd van VERSOEKING.  Om die tema van "op die proef stel" beter te verstaan moet ons gaan kyk na die tema van "versoeking" - bestudeer gerus die pos getiteld "Versoeking/Beproewing" - (http://warechristene.blogspot.co.nz/2013/08/bewaar-in-die-uur-van-beproewing.html). Versoeking gaan oor "om op die proef te stel".  Wanneer iemand nie die versoeking of beproewing deurstaan nie, struikel hy of  "val af"!  Deur versoeking kan presies gesien word wat in iemand se hart aangaan. Dit is m.a.w. die toestand van elkeen se hart wat bepaal OF HULLE VERSOEKING KAN DEURSTAAN of nie. Niemand van ons wil versoek word nie, want ons weet maar te goed dat daar baie dinge in ons harte is waaraan ons werk op die pad van godsaligheid. Die skrif leer bv. vir ons dat iemand deur sy eie begeerlikhede weggesleep en verlok word...  Christus het ook baie gepraat oor dit wat in die hart aangaan en o.a. verklaar dat dit dinge is wat uit die hart uit kom, wat iemand onrein maak (Matt. 15:18). Die tema vd "besnydenis van die hart" was nog altyd baie belangrik in beide die ou, en veral die nuwe testament!  Die gelowige wat AFVALlig word van God, is die met 'n bose en ongelowige hart... (Hebr. 3:12) - vgl. dit gerus ook met die tyd van "AFVAL" waarvan gepraat word in 2 Thess. 2:3, wat net voor en/of rondom dieselfde tyd sal afspeel wanneer die mens van sonde of seun van verderf geopenbaar word... (http://eindtydonderwerpe.blogspot.co.nz/2017/08/want-eers-moet-die-afval-kom.html). Ons kan dus aflei, en dit wil dus voorkom of hierdie "UUR VAN BEPROEWING" iets te doen het met die AFVAL waarna verwys word in 2 Thess. 2:3 - dit sal 'n tyd wees van "versoeking", waarin baie versoek en getoets sal word.  M.a.w., die wat in daardie tyd VERSOEK/BEPROEF word sal getoets word, en hulle harte sal bepaal of hulle AFVALLIG word of nie... Natuurlik hou dit verband met verdrukking en vervolging vir die wat VASSTAAN, maar baie gelowiges sal val vir valse christusse en profete (en valse leerstellings), en "AFVAL" in hierdie uur van beproewing (versoeking) (2 Pet. 2:1; Matt. 24:24). 'n Bose of ongelowige hart veroorsaak dat iemand afval in tye van beproewing - 'n goeie vb. word gegee in die gelykenis van die saaier waarin Christus verklaar wat gebeur met die Christen met 'n ongelowige hart, en Hy verklaar het dat dit verwys na die wat die woord met blydskap ontvang wanneer hulle dit hoor, maar net vir 'n tyd glo! (Luk. 8:13) - EN LET WEL DIE WOORDE WAT HY DAAR GEBRUIK: ".....en in die tyd van versoeking val hulle af (v.13c)". Een so vb van iemand met 'n "bose hart", was die van Simon in Hand. 8:13-23 (waar dit gaan oor iemand wat die krag vd Gees begeer omdat hy dit wil gebruik vir eie gewin). Vgl. dit ook met wat die Skrif vir ons leer oor die laaste dae in 2 Tim. 3:1-9 en Jak. 5:3.

------------------------------------------------------------------------------------------------------------------------------

WIE IS DIT WAT VASGEHOU/OPGEPAS SAL WORD IN DIE UUR VAN BEPROEWING?

Aan wie word hierdie belofte gemaak in Openb. 3?:

- DIE WAT DIE HERE SE WOORD BEWAAR: (Openb. 3:10 - "Omdat jy die woord van my lydsaamheid bewaar het, sal Ek jou ook bewaar in die uur van beproewing wat oor die hele wêreld kom om die bewoners van die aarde op die proef te stel").

- DIE WAT SY NAAM NIE VERLOëN NIE: (Openb. 3:8 - "Ek ken jou werke. Kyk, Ek het voor jou ‘n geopende deur gegee, en niemand kan dit sluit nie, want jy het min krag en jy het my woord bewaar en my Naam nie verloën nie").

M.a.w., die wat opgepas sal word verwys na die wat (1) vashou aan die Woord en (2) bereid is om hulle lewens te verloor ter wille vd Here...  Dit verwys na gelowiges wat GEREED IS wanneer Jesus terugkom... As ons bv. gaan kyk na wat die woorde om GEREED TE WEES beteken in die Skrif, verwys dit in konteks na die wat "ryk is in die Here", die wat "nie die Here verloen nie en bereid is om hulle lewens vir Hom af te le", en "die wat die wil vd Here ken en dit doen". Maar die wat "slaap" sal bv. nie gereed wees nie - hulle is soos mense wat nie weet wat rondom hulle aangaan nie (want hulle slaap!), en verwys in konteks (bv. in Ef. 5) na ongehoorsame gelowiges wat nie wandel soos kinders van die lig nie... Omdat hulle besig is met die werke vd duisternis wandel hulle nie op die pad van lig nie en kan dus nie voor hulle sien nie - hulle "sien" nie die pad mooi nie a.g.v. sondes, afgodspraktyke ens. Hulle verloën die Here deur agter afgode en afgodspraktyke aan te gaan, en hou nie vas aan Sy woord nie deur te doen wat hulle wil. 

GEBED kan help dat ons NIE in versoeking kom nie - (Luk 11:4b - ".....en lei ons nie in versoeking nie, maar verlos ons van die Bose"). Christus het vir ons hierdie waarheid geleer.  Gebed kan ons beskerm teen versoeking - kyk na die vb. in Luk. 22:46 en Mark. 14:38 (voor Christus gevange geneem was), hoe Hy die dissipels aangemoedig het om "TE BID" - Hoekom?  -"dat hulle nie in VERSOEKING kom nie"  (Mar 14:38 - "Waak en bid, dat julle nie in versoeking kom nie. Die gees is wel gewillig, maar die vlees is swak"). Dit beteken egter nie dat die wat wel tyd in gebed spandeer nooit versoek sal word nie, maar wat dit ook kan beteken is dat die wat wel tyd in gebed spandeer die krag sal he om versoeking te deurstaan (soos Christus versoek is in die woestyn). Die wat tyd in gebed spandeer verkry krag en wysheid om ten spyte van versoeking VAS TE STAAN. Ons weet goed dat die Here ons harte en denke verander wanneer ons in Hom bly, en ons krag gee vir wat ons moet doen (Joh 15:5 - "Ek is die wynstok, julle die lote. Wie in My bly, en Ek in hom, hy dra veel vrug; want sonder My kan julle niks doen nie"). Christus het elke versoeking deurstaan, ook wanneer sommige uit die Fariseers en Sadduseers Hom probeer versoek het deur woorde (met die doel dat hulle Hom wou "laat val"), en telkens het Hy die krag gehad om vas te staan en die wysheid om hulle terug te antwoord (Matt. 16:1; 19:3; 22:19,35).  

Die probleem met "versoeking" (of beproewing) is dat dit iemand kan "laat struikel of afval" - daarom wil niemand van ons beproef word nie, want ons weet hoe ons harte somtyds verkeerd kan wees. Besnydenis vd hart is dus baie belangrik vir die Christen, en Christene wat nie ag gee op hierdie pad van godsaligheid nie, kan maklik val vir versoeking.  Gelowiges word nooit bo hulle kragte versoek nie , want die Here sal nooit toelaat dat hulle bo hulle kragte versoek word nie... (1 Kor. 10:13 - "Geen versoeking het julle aangegryp behalwe ‘n menslike nie; maar God is getrou, wat nie sal toelaat dat julle bo julle kragte versoek word nie; maar Hy sal saam met die versoeking ook die uitkoms gee, sodat julle dit sal kan verdra").  Maar ons moet verstaan dat dit die begeerlikhede van die hart is wat kan veroorsaak dat iemand verlok en versoek word, en des te meer hoe belangrik gebed is en om ons denke te vernuwe en ons gedagtes te plaas op die dinge daarbo.  Let ook op die konteks van 1 Kor. 10:13 - kyk veral na verse 6 en 14: (1Kor. 10:6 - "En hierdie dinge was voorbeelde vir ons, dat ons nie begerig moet wees na slegte dinge soos hulle begerig was nie).  Die manier hoe die gelowige hom/haarself beskerm teen versoeking, is deur gebed en deur om ag te gee op die pad van godsaligheid. Hierdie is die mense (gelowiges) wat in die "uur van beproewing" opgepas sal word want hulle het gewys dat hulle lydsaamheid het en vashou en bereid is om hulle lewens vir die Here af te le.

------------------------------------------------------------------------------------------------------------------------------

OPSOMMING:

Kyk ons dus  na die gemeente van Filadelfía, dan is daar sekere gelowiges daar aan wie Christus belowe het dat hulle in die uur van beproewing bewaar sal word (Openb. 3:8,10,11) - nie dat Hy die beproewing bring nie (Jak. 1:13), maar Hy laat dit toe en sal hulle beslis daarteen beskerm en/of hulle in hierdie tyd BEWAAR (oppas). In daardie sin het Hy vir hulle 'n geopende deur gegee, en niemand kan dit sluit nie!  Dit kan natuurlik beteken dat hulle in daardie "uur" nie versoek sal word soos die ander nie (sodat hulle nie getoets word nie),  of dit kan beteken dat Hy hulle die krag sal gee om die versoeking te verdra... (en hulle op daardie manier bewaar).  Dit beteken egter nie dat hulle geen verdrukking ly nie!, want dit is tog duidelik dat hierdie gemeente weet wat dit is om te ly en ten spyte van verdrukking Sy woord bewaar het en Sy Naam nie verloën het nie! "Beproewing" beteken nie "verdrukking" nie (alhoewel beproewing kan lei daartoe dat iemand verdruk word - d.w.s., die een wat nie AFVAL weens beproewing nie...).

Maar hierdie belofte van om bewaar te word in die uur van beproewing (hetsy vry te spring of bewaar te word midde dit), word slegs aan sekere Christene gemaak;  en nee, hierdie verwys NIE na die wegraping voor die groot verdrukking soos sommige leer nie!  As ons verstaan wat presies met "verdrukking" bedoel word, dan sal ons verstaan dat geen Christen gevrywaar is van verdrukking en vervolging nie.  (Joh 15:20 - "Onthou die woord wat Ek vir julle gesê het: ‘n Dienskneg is nie groter as sy heer nie. As hulle My vervolg het, sal hulle jul ook vervolg. As hulle my woord bewaar het, sal hulle jul woord ook bewaar").  Dit is ook interessant om te sien dat waar daar van "die afval" gepraat word in 2 Thess. 2:1-3, die KONTEKS van daardie skrif gaan oor hoe die Here vir hulle verligting sal gee wanneer Hy terugkom....- verligting van wat?  -van VERDRUKKING!  Die feit dat die Here sal toelaat dat sommige die "uur van beproewing" vryspring, beteken nie dat hulle nie verdruk sal word nie, maar wat dit beteken is dat hulle miskien nie op daardie manier VERSOEK / BEPROEF sal word, of dat krag sal kry om dit te deurstaan.  (1Kor. 10:13 - "Geen versoeking het julle aangegryp behalwe ‘n menslike nie; maar God is getrou, wat nie sal toelaat dat julle bo julle kragte versoek word nie; maar Hy sal saam met die versoeking ook die uitkoms gee, sodat julle dit sal kan verdra").

Kom ons kyk wie dit is aan wie die Here Jesus hierdie belofte gemaak het (dat hulle nie deur die uur van beproewing sal gaan nie):
-  die met min krag (m.a.w., hulle sal nie bo hulle kragte versoek word nie!);

-  die wie Sy woord bewaar (bv., die wat hulle nie wend tot afgodsdiens nie-Deut. 33:9/Eks. 32:25-29; en die wat hulle voete terughou vd verkeerde pad, m.a.w. "ag gee op die godsaligheid"-Ps. 119:101; en die wat die waarheid bewaar en dit nie verdraai of verander om te wees "die oorlewering van mense" nie-Mark. 7:13; en die wat die woord ter harte neem-Luk. 11:27-30; en die wat glo in Christus Jesus, dat Hy die Seun van God is en glo in die waarheid wat Hy gebring het-Joh. 8:46-51 en 17:6-8; en die wat Christus Jesus KEN en Sy gebooie bewaar-Joh. 14:21-23 en 1 Joh. 2:3-5; en die wat die waarheid wat die dienskneg van die Here bring, ontvang-Joh. 15:20);

-  die wat nie Sy Naam verloën nie (m.a.w., die wat die Here vrees eerder as wat hulle vrees dat hulle doodgemaak word-Matt. 10:28-33;  en die wat bereid is om hulle lewens te verloor ter wille van die koninkryk-Matt. 16:24,25; en die wie se werke wys dat hulle die Here KEN-Tit. 1:16; en die wat nie Sy waarheid verloen nie-2 Pet. 2:1 en Jud. 1:4);

-  die wat die woord van Sy lydsaamheid bewaar (m.a.w., die hoop wat deur lydsaamheid kom-Rom. 5:4 en 15:4 - wat l.w., "deur verdrukking kom"!-Rom. 5:3; en om die goeie stryd van die geloof te stry deur ag te gee op die pad van godsaligheid en vergenoeg te wees, m.a.w. om eerder die wil van die Here te doen wat beteken dat ons lyding moet verdra...-2 Thess. 3:5 en 1 Tim. 6:11 en 2 Tim. 3:10 en Tit. 2:2 en Hebr. 10:36 en Jak. 1:1-5;  en dus "hulle wat VERDRA-Jak. 5:11; 2 Pet. 1:6; Openb. 2:3; Openb. 2:19; en die wat lyding verdra ter wille van die woord, selfs tot die dood-Openb. 13:10; 14:12);

-  die wat VASHOU! (m.a.w. die wat vashou aan die Here se wysheid, nie wereldse wysheid nie-Spr. 3:18 en Openb. 2:14,15; en die wie Sy woorde vashou, m.a.w. Sy gebooie onderhou-Spr. 4:4; en die wat aan die Here vashou deur Hom te vrees-Ecc. 7:18; en die wat vashou aan reg en geregtigheid en aan Sy verbond -Jes. 56:1,2,4 en Dan. 11:32; en die wat vashou aan die waarheid en Christus se leringe, nie die wat vashou aan menslike leringe nie-Mark. 7:3 en 1 Kor. 11:2; en die wat vashou aan die evangelie en die geloof in Christus Jesus, die belydenis van hoop, en 'n goeie gewete-1 Kor. 15:2 en Fil. 2:16 en Kol. 2:19 en 1 Tim. 1:19 en Tit. 1:9 en Hebr. 3:6,14 en 4:14 en 10:23).

_________________________________________________________________________________

(Jak. 1:2)  Ag dit louter vreugde, my broeders, wanneer julle in allerhande versoekinge val,

(Jak. 1:3)  omdat julle weet dat die beproewing van julle geloof lydsaamheid bewerk.

(Jak. 1:4)  Maar die lydsaamheid moet tot volle verwerkliking kom, sodat julle volmaak en sonder gebrek kan wees en in niks kortkom nie.

(Jak. 1:5)  En as iemand van julle wysheid kortkom, laat hom dit van God bid, wat aan almal eenvoudig gee sonder om te verwyt, en dit sal aan hom gegee word.

Die tyd is naby

Jesus het geleer dat in 'n sekere konteks die woorde "die tyd is naby" verkeerd gebruik word, wat tot gevolg kan hê dat gelowiges mislei kan word agter 'n valse christus aan...  Vir 'n dagstukkie oor hierdie onderwerp, gaan na: 

https://warechristenedagstukkies.blogspot.com/2014/02/die-tyd-is-naby.html

Koring en Onkruid

In hierdie pos kyk ons na die tema van "koring en onkruid" (Matt. 13:24-30), en kyk waarna presies "onkruid" verwys.  Vir 'n studie oor waarna koring en kaf verwys, gaan na hierdie pos: https://eindtydonderwerpe.blogspot.com/2017/05/wie-is-die-koring-en-die-kaf.html.

Rol af vir die volgende opsommings:

- inleiding;

- kort opsomming oor die begrip "koring" (vir 'n beter opsomming oor waarna presies "koring" verwys, gaan na die pos "koring en kaf");

- onkruid word gesaai wanneer die mense SLAAP;

- kyk na die begrip "onkruid" in die Skrif;

- kyk na ander groepe wat by onkruid inpas (bv. Jesus het o.a. na "onkruid" verwys as "STRUIKELBLOKKE").

---------------------------------------------------------------------------------------------------------------------------

INLEIDING:

Die begrip "koring en onkruid" (net soos met "koring en kaf") word IN KONTEKS BEHANDEL MET "die koninkryk van die hemele / God" 

- Matt. 13:24,25 - "‘n Ander gelykenis het Hy hulle voorgehou en gesê: Die koninkryk van die hemele is soos ‘n man wat goeie saad in sy land gesaai het, maar terwyl die mense slaap, het sy vyand gekom en onkruid onder die koring gesaai en weggegaan").

Die saailand is wel die wêreld, maar l.w. dat hierdie onkruid onder die koring (onder die kinders vd koninkryk) deur die bose daar gesaai word... Die Christelike kerk is veronderstel om te bestaan uit mense wat deur die Here daar gesaai is (maw "goeie saad" - is die kinders vd koninkryk -Matt. 13:38), maar daar kan ook mense sit in jou kerk wat deur die bose daar onder die kinders vd koninkryk gesaai is... (en hulle word na verwys as "onkruid", of ook genoem "struikelblokke" - hulle is eintlik kinders vd bose! - Matt. 13:38). 

Ons moet egter kennis neem dat die rede waarom die onkruid nie nou al onder die koring uit verwyder word nie, is omdat die gevaar dan staan dat die koring saam met die onkruid uitgetrek kan word (Matt. 13:28-30).  Dit is bv. nie altyd maklik om koring en onkruid van mekaar te onderskei nie - veral wanneer nog jonk is dit moeilik om te sien wat is koring en wat is onkruid - hulle lyk dieselfde maar verskil word eers sigbaar wanneer "in vrug". Dieselfde met kinders vd koninkryk (bestudeer gerus die tema "die geestelike mens as baba en kind").  M.a.w., ons moet nie alle ongehoorsames of onkunidges as onkruid sien nie, want  "ongehoorsames" kan bloot verwys na saliges wat nie of nog nie ag gee op die pad van godsaligheid nie en nie die vrugte dra wat by bekering pas nie (en natuurlik word daar van hulle verwag om hulle te bekeer en gehoorsaam te word aan die Here!). Op dieselfde wyse tree onkundiges (die wat nog jonk is, maw kinders is in die geloof is) somtyds op soos mense wat in opstand kom teen die waarheid of oordeel verkeerd (omdat hulle nog nie die kennis het nie). Of die wat nog jonk is val maklik vir die leuen omdat hulle nog nie kan onderskei tussen goed en kwaad nie... Hier sien ons hoe gevaarlik dit sal wees as almal wat ongehoorsaam is of nog sukkel om die bose te oorwin, behandel word soos onkruid en geskei word van die koring. In alle opsigte is dit eerder belangrik dat kennis gegee word en daar van gelowiges verwag word om te leef volgens die wil vd Here. Dit is slegs wanneer iemand se "SLEGTE VRUG" duidelik sigbaar is waneer 'n kerk sal optree om iemand uit hulle midde te verwyder (bv. 'n valse profeet, valse leraar, valse broeder). Die term "onkruid" verwys nie na gelowiges nie, maar na ongelowiges wat in die kerk insluip... 'n Gelowige wat bv. in "sonde tot die dood stap" (maw weier om hom te bekeer van 'n sonde), kan bv. nie onmiddellik as onkruid of as 'n ongelowige gesien of hanteer word nie.  So iemand kan wel soos suurdeeg wees in 'n kerk en sal dus miskien verwyder word as gevolg daarvan (sodat hy nie die hele deeg suurmaak nie) of omrede om die persoon tot insig te roep, maar dit maak hom nie "onkruid" nie...  SLEGTE VRUG is egter 'n teken van valsheid - is nie 'n goeie boom nie! (Matt. 7:15-20; Luk. 6:43; Matt. 12:33-37; Luk. 6:43-45);  om te kan onderskei moet ons dus verstaan wat met die term "slegte vrug" bedoel word (Matt. 7:17,18). Ons weet dus nie altyd wie inderdaad gelowig is en wie nie.  Daar moet gewag word sodat die Here (wat alles weet) self die skeiding doen wanneer Hy terugkom.  Christene moet dus versigtig wees om ongehoorsame Christene onkruid te noem en so dalk verkeerd te oordeel;  alhoewel dit nie beteken dat daar nie "binne" geoordeel moet word nie, want natuurlik moet diesulkes geleer en/of tereggewys word, hetsy koring of onkruid! As onkruid tussen gelowiges beweeg asof koring, dan moet hulle natuurlik soos koring behandel word! Saam met lering en teregwysing word dit baiemaal sigbaar wie soos gelowiges optree en wie nie.... 

- KORING verwys na GELOWIGES, en 

- ONKRUID verwys na ONGELOWIGES wat onder die koring beweeg asof hulle gelowig is.

Christene moet altyd versigtig wees vir enige iemand wat ongehoorsaam is aan die waarheid, want so iemand kan net sowel 'n verleier wees (2 Kor. 11:4; Gal. 1:7,8). As iemand bv. bely hy glo in Jesus maar glo nie in Sy woorde nie, is dit beslis iemand vir wie jy versigtig moet wees - tyd sal uitwys of daardie persoon wel (1) 'n gelowige is, maar een wat besig is om homself te mislei, of (2) 'n ongelowige is wat voorgee hy is gelowig.  

Natuurlik moet opregtes a;tyd op die passoppens wees vir die wat bedrieg en daarop uit is om ander te verlei.  Ander kenmerke van verleiers is gewoonlik dat hulle "kwaadsprekers" en "lasteraars" is - hulle verdraai die waarheid, kla mense valslik aan, en verkondig leuens - hierdie is die soort van "Christene" waarvoor daar versigtig moet wees, want valse leraars, valse profete en valse broeders val ook onder hierdie groep.  Hulle vrug sal uiteindelik wys of hulle koring of onkruid is... (2 Kor. 11:26; Gal. 2:4)(Hand. 17:5,6; 21:28-31; 24:5). 

---------------------------------------------------------------------------------------------------------------------------

DIE BEGRIP "KORING":

Kinderd vd koninkryk word in sommige skrifte vgl. met KORING (Luk. 3:17; Matt. 3:12; Mark. 4:26-29; Luk. 22:3,32 ens.);  meer presies leer Matt. 13 vir ons dat "koring" spesifiek verwys na die wat deur die Here gesaai is (terwyl onkruid deur die bose gesaai word).  

In die Skrif word mense baiemaal vgl. met saad wat geplant word, of gelowiges bv. vgl. met plante of bome: 

(Mar 4:26)  En Hy het gesê: So is die koninkryk van God, soos wanneer ‘n mens die saad in die grond gooi;

(Mar 4:27)  en hy gaan slaap en staan op, nag en dag, en die saad spruit uit en word groot—hoe, weet hy self nie.

(Mar 4:28)  Want vanself bring die aarde vrug voort, eers ‘n halm, dan ‘n aar, dan die volle koring in die aar.

(Mar 4:29)  En wanneer die vrug dit toelaat, steek hy die sekel dadelik in, omdat die oes daar is.

Die wat deel is vd koninkryk van God is soos saad wat in die grond gegooi word, en groei en vrug dra...  Met die komende "OES" (wanneer Jesus terugkom) sal elkeen se vrug geoes word, en die wat nie vrug dra nie (m.a.w., die "kaf"), sal uitgegooi word. Nie almal wat in die koninkryk vd hemele/God gesaai is is inderdaad koring nie (want nie almal is deur die Here gesaai nie!). Onkruid (m.a.w. daardie saad wat deur die vyand in hierdie "grond" onder die kinders vd koninkryk gesaai is... - Matt. 14:25-30), sal eendag met die oes uitgegooi word;  MAAR DIE KORING SAL BYMEKAARGEBRING WORD IN DIE HERE SE SKUUR. 

KORING verwys na GOEIE SAAD - is kinders vd Here (uit Sy saad gebore);  terwyl onkruid verwys na kinderds vd bose... Daar kan 'n studie gemaak word oor "goeie saad" of "koringkorrel" om hierdie beter te verstaan (kyk o.a. die tema van wedergeboorte - gebore uit God / gebore uit onverganklike saad ens., wat verwys na die wat instaat is om vrug te dra tot ewige lewe). 

------------------------------------------------------------------------------------------------------------------------------

Wanneer die "mense slaap"...:

Matt. 13:25 leer vir ons dat onkruid onder die kinders vd koninkryk gesaai wanneer hulle "slaap"... (m.a.w., wanneer 'n kerk "slaap" - hulle waak nie en is nie nugter nie-1 Thess. 5:6) - maar wat beteken dit? 

Om aan die slaap of dronk te wees, het ook 'n geestelike betekenis in die Skrif. "Slaap" verwys bv. na die wat nie waaksaam is nie en daarom onder versoeking kan kom... (Luk. 22:46; 2 Pet. 2:9). 'n Goeie vb. is Ef. 5 waarin die gemeente gevra word om sonde en afgodsdiens af te le en te wandel soos kinders vd lig.  As kinders vd koninkryk soos kinders vd bose wandel, is hulle soos mense wat aan die slaap is.  Dit is juis in so 'n tyd wanneer die vyand onkruid onder die koring gaan saai. Die "wat slaap" kan maklik versoek, bedrieg en verlei word, want hulle is aan die slaap! - ongehoorsame kinders "sien" en "hoor" nie mooi nie! 

Vgl. dit ook met Rom. 13:11,12 waarin kinders vd koninkryk beveel word om uit die slaap wakker te word, moet werke vd duisternis (waarvan hulle dronk is) afle en die wapens vd lig aangord... In die betrokke gedeelte word die gemeente herinner aan die tweede gebod en vermaan om sondes neer te le. As hulle dit nie doen nie, sal hulle NIE GEREED wees wanneer Jesus terugkom nie, en hulle kan verder gesien word soos mense wat nie "bekleed" is nie (Rom. 13:14) en/of nie hulle klere bewaar nie. Ja, dit is belangrik dat kinders vd koninkryk ag gee op die pad van godsaligheid - moet wakker en nugter wees, want as hulle dit nie doen nie, is hulle soos mense wat slaap en kan dan maklik versoek of verlei word. Dan kom die verleiers in hulle lewens in en omdat hulle nie reg sien en nie luister nie, word hulle maklik versoek.

---------------------------------------------------------------------------------------------------------------------------

DIE BEGRIP "ONKRUID" in die Skrif:

Onkruid verwys nie na geroepenes nie - hulle is nie deur die Here daar gesaai nie (Matt. 13:25,37-39) en is ook nie deur die diensknegte versamel nie (vgl. met Matt. 22:10-14). Anders as in die geval van "koring en kaf" waar beide groepe verwys na gelowiges (die wat vrug dra en die wat nie vrug dra nie), verwys KORING en ONKRUID nie altwee na groepe gelowiges/"kinders vd koninkryk" nie.  Koring verwys beslis na kinders vd koninkryk wat deur die Here gesaai is, ja, maar onkruid nie... - onkruid word deur die bose onder die kinders vd koninkryk gesaai (hulle is nie gelowig nie). Hulle kan nie gesien word as kinders vd koninkryk nie, alhoewel dit moeilik is om hierdie te bepaal omdat hulle onder die kinders vd koninkryk beweeg asof hulle gelowig is. Hulle gee dus voor dat hulle gelowig is, en moet dus terloops soos gelowiges hanteer word!;  maw, moet lering kry en daar moet van hulle verwag word om die wil vd Here te doen - en as hierdie inderdaad gedoen word, dan sal tyd gou uitwys wie gelowig is en wie nie... 

"Onkruid" is nie deur die Here daar gesaai nie, maar is deur die duiwel gesaai:

(Mat 13:24)  ‘n Ander gelykenis het Hy hulle voorgehou en gesê: Die koninkryk van die hemele is soos ‘n man wat goeie saad in sy land gesaai het;

(Mat 13:25)  maar terwyl die mense slaap, het sy vyand gekom en onkruid onder die koring gesaai en weggegaan.

"Onkruid" is dus nie werklik (soos hulle voorgee) die Here se kinders nie, maar is eintlik kinders vd duiwel.

DUS, koring KAN GESIEN WORD AS goeie saad (gesaai deur Jesus Christus) EN IS kinders vd koninkryk,

MAAR onkruid IS kinders vd bose (en gesaai deur die duiwel):

(Mat 13:36)  Nadat Hy die skare weggestuur het, het Jesus huis toe gegaan; en sy dissipels het na Hom gekom en gesê: Verklaar vir ons die gelykenis van die onkruid in die saailand.

(Mat 13:37)  En Hy het geantwoord en vir hulle gesê: Hy wat die goeie saad saai, is die Seun van die mens,

(Mat 13:38)  en die saailand is die wêreld. Die goeie saad—dit is die kinders van die koninkryk, en die onkruid is die kinders van die Bose,

(Mat 13:39)  en die vyand wat dit gesaai het, is die duiwel. Die oes is die voleinding van die wêreld, en die maaiers is die engele.

"Onkruid" kan ook moontlik vgl. word met die wat nie 'n bruilofskleed het nie - hulle het nog steeds hulle "vuil klere" aan en is nog nie bekleed met "feesklere" nie (Sag. 3:4). (Matt. 22:11,12 - "En toe die koning ingaan om na die gaste te kyk, sien hy daar iemand wat nie ‘n bruilofskleed aan het nie. En hy sê vir hom: Vriend, hoe het jy hier ingekom sonder ‘n bruilofskleed aan? En hy kon geen woord sê nie").

Alhoewel "onkruid" vgl. kan word met die "sonder bruilofskleed", is hulle nie heeltemal dieselfde as die wat "slegtes" genoem word in die gelykenis in Matt. 22 nie.  In Matt. 22 is dit bv. die diensknegte wat die goeies en "slegtes" versamel..., maar hier is dit die bose wat die onkruid onder die koring saai. Die "slegtes" in Matt. 22:10-14 word ook gesien soos bruilofsgaste en vriende, en is wel geroep!, maar nie uitverkies nie...  "Slegtes" is dus ook geroepenes, net soos die goeies (Matt. 22:14), maar is "onregverdig" en nie bekleed nie/bewaar nie hulle klere nie.   "Onkruid" is anders, want hulle verwys nie na geroepenes nie (en natuurlik is hulle ook nie bekleed nie). Terwyl die begrip "slegtes" vgl. kan word met "onregverdiges", word die woord "onkruid" weer eerder vgl. met "goddeloses" of "struikelblokke" (die wat bedrieg en verlei, en verlei word - 2 Tim. 3:13; Jud 1:4; Matt. 13:41).    

Met Jesus se wederkoms sal hierdie struikelblokke / "onkruid" onder die koring uit verwyder word, en saam met die goddelose uitgeroei en in die vuur gegooi word... (Matt. 13:41,42; Sef. 1:3). 

---------------------------------------------------------------------------------------------------------------------------

Struikelblokke, en die wat die ongeregtigheid doen:

In Matt. 13:41 verwys Jesus na hierdie "onkruid" as 

- STRUIKELBLOKKE of 

- die WAT DIE ONGEREGTIGHEID DOEN (maw, die wat nie die wil vd Here doen nie).  

Onkruid wat onder die koring gesaai word se doel is om die kinders vd koninkryk te laat struikel (Luk. 17:1,2). Hulle doen/soek nie die wil van die Here nie, maar het hulle eie evangelie. 

Jesus het geleer dat met die voleinding vd wereld, sal hierdie struikelblokke en ongeregtiges uit die koninkryk uit bymekaargemaak word, en soos onkruid met vuur verbrand word... (Matt. 13:38-42 - "  en die saailand is die wêreld. Die goeie saad—dit is die kinders van die koninkryk, en die onkruid is die kinders van die Bose, en die vyand wat dit gesaai het, is die duiwel. Die oes is die voleinding van die wêreld, en die maaiers is die engele. Net soos die onkruid dan bymekaargemaak en met vuur verbrand word, so sal dit wees in die voleinding van hierdie wêreld: die Seun van die mens sal sy engele uitstuur, en hulle sal uit sy koninkryk bymekaarmaak al die struikelblokke en die wat die ongeregtigheid doen, en sal hulle in die vuuroond gooi. Daar sal geween wees en gekners van die tande").

Die begrip "struikelblokke" in die Skrif:

Mense wat as "onkruid" bestempel word, word o.a. "struikelblokke" genoem (Matt. 13:41 - "die Seun van die mens sal sy engele uitstuur, en hulle sal uit sy koninkryk bymekaarmaak al die struikelblokke en die wat die ongeregtigheid doen"). Die woord struikelblokke hier is in Grieks die woord "skan'-dal-on", wat verwys na iets wat iets of iemand anders kan laat val of struikel (figuurlik in die sin van soos 'n vangnet, bv. iemand laat sondig);  gee aanstoot (is 'n skandaal) - vgl. dit gerus met 2 Pet. 2:13 en Jud. 1:12 waarin valse leraars en "ingesluiptes" SKANDVLEKKE genoem word. 

Vgl. dit ook met Jer. 6:21 ((Jer 6:21 - "Daarom, so sê die HERE: Kyk, Ek gooi struikelblokke voor hierdie volk waaroor hulle sal struikel (Hebr. woord mik-shole'", wat beteken "veroorsaak 'n val", aanstoot gee), vaders en seuns tesame; die buurman en sy vriend sal omkom")).

Jesus het na hierdie "struikelblokke" verwys op verskeie geleenthede, bv.:

-  (Luk 17:1,2 - "En Hy het vir sy dissipels gesê: Dit is onvermydelik dat die struikelblokke kom, maar wee hom deur wie hulle kom. Dit is beter vir hom as ‘n meulsteen aan sy nek gehang en hy in die see gegooi word, as dat hy een van hierdie kleintjies sou laat struikel").

-  (Mat 18:7-9 - "Wee die wêreld weens die struikelblokke! Want dit is noodsaaklik dat daar struikelblokke kom, maar wee die mens deur wie die struikelblok kom. En as jou hand of jou voet jou laat struikel, kap dit af en gooi dit weg van jou af; dit is vir jou beter om in die lewe in te gaan, kreupel of vermink, as om twee hande of voete te hê en in die ewige vuur gewerp te word. En as jou oog jou laat struikel, ruk dit uit en werp dit weg van jou af. Dit is vir jou beter om met een oog in die lewe in te gaan, as om twee oë te hê en in die helse vuur gewerp te word").

Hier sien ons dat ONKRUID verwys na mense wat "aanstoot gee" - wil gelowiges laat struikel. Hulle probeer die gelowiges MISLEI en doen NIE DIE WIL VD HERE NIE. Dit is elke Christen se plig om bedag te wees op hierdie struikelblokke (wat onder die kinders vd koninkryk beweeg), en sterk te staan teen versoekinge. Ons weet nie altyd of iemand wat ongehoorsaam is inderdaad onkruid of dalk net "ongehoorsame koring" is nie, ja, maar het self 'n plig om ag te gee op die pad van godsaligheid - toe te sien dat ons nie struikel nie en moet vashou aan die waarheid. (Mat 18:7-9 - "Wee die wêreld weens die struikelblokke! Want dit is noodsaaklik dat daar struikelblokke kom, maar wee die mens deur wie die struikelblok kom. En as jou hand of jou voet jou laat struikel, kap dit af en gooi dit weg van jou af; dit is vir jou beter om in die lewe in te gaan, kreupel of vermink, as om twee hande of voete te hê en in die ewige vuur gewerp te word. En as jou oog jou laat struikel, ruk dit uit en werp dit weg van jou af. Dit is vir jou beter om met een oog in die lewe in te gaan, as om twee oë te hê en in die helse vuur gewerp te word") M.a.w., as daar iets is in jou lewe wat jou kan laat struikel (bv. om uit te hang met verkeerde vriende), is dit beter om die versoeking te verwyder (bv. breek op met daardie vriende - moenie meer met hulle uithang nie). 

Nie almal wat deurgaan vir kinders vd koninkryk,  is deur die Here geplant nie:  

Daar is selfs leiers wat nie deur die Here geplant is nie!  Neem bv. die wat "blinde leiers" genoem het - hulle sal eendag ontwortel word en kan dus sekerlik gesien word as deel vd groep "onkruid" (Mat 15:13 - "Maar Hy antwoord en sê: Elke plant wat my hemelse Vader nie geplant het nie, sal ontwortel word"). Hulle is m.a.w. in die kerk geplant maar nie deur die Vader daar geplant nie. Let wel dat dit ook gese word van "onkruid"...is deur die bose gesaai onder die kinders vd koninkryk.... Wat dit beteken is dat dit gevaarlik is om bv. enige leier te volg, want Jesus het geleer dat as jy 'n blinde leier volg jy saam met hom in die sloot sal val (Matt. 5:14). Sommige leiers is eintlik onkruid wat deur die bose daar geplant is - hulle doen nie die wil vd Here nie en hulle doel is om die kinders vd koninkryk te laat struikel.

------------------------------------------------------------------------------------------------------------------------------

Opsomming:

Onkruid verwys tipies na mense wat vals is - hulle lyk soos koring, maar wanneer in vrug sien jy duidelik dat dit nie koring is nie. Daarom is dit nie altyd maklik om onmiddellik te sien wie is koring en wie onkruid nie.  Dis belangrik dat kinders van die koninkryk ag gee op die pad van godsaligheid en op Jesus se leringe en die Skrif. Dit is gevaarlik wanneer "kinders vd Here" nie lewe volgens die lig nie, want dit plaas beslis 'n ook vraagteken op hulle saligheid en diesulkes is meer oop om vir versoeking te val.  In Matt. 3:6,7 bevraagteken Johannes bv. sekere Fariseers en Sadduseers se saligheid terwyl hy verwys na hulle VRUG... (Matt. 3:8-10)(hulle het bv. nie die vrugte gedra wat by die bekering pas nie). Jesus het ook baie gepraat oor die belangrikheid van vrug dra, en terloops "vrug" as 'n maatstaf gegee van hoe om te beoordeel tussen die ware en die valse (Matt. 7:15). Wolwe in skaapsklere is nie deur die Here geroep nie!, en die manier om te meet of iemand 'n wolf of skaap is is deur na hulle vrug te kyk  -  maar hierdie is nie altyd maklik nie... Jong Christene kom bv. maklik vleeslik voor, maar dit beteken nie dat hulle onkruid is of glad nie gered is nie. Dit is egter kommerwekkend as hierdie persoon ander beinvloed om te struikel en valse leringe verkondig! As 'n prediker bv. iets in teenstelling preek met wat Jesus geleer het, beteken dit nie noodwendig dat hy nog net nie oor die kennis beskik asof hy 'n jong Christen is nie, maar hy mag dalk 'n "blinde leier" wees. Op dieselfde wyse moet daar nie vinnig tot 'n slotsom gekom word dat hy 'n blinde leier is nie, maar dit kan dalk bloot 'n teken wees van "slaap" of ongehoorsaamheid aan die Here. Nietemin moet Christene altyd versigtig wees wanneer iemand 'n ander evangelie bring of iets preek in teenstelling met die waarheid of met wat Jesus geleer het, want daardie prediker mag dalk onkruid wees. 

Sommige "Christene" moet vermy word! (Rom. 16:17,18 - "En ek vermaan julle, broeders, hou hulle in die oog wat tweedrag en aanstoot veroorsaak teen die leer wat julle geleer het, en vermy hulle. Want sulke mense dien nie onse Here Jesus nie, maar hulle eie buik; en hulle verlei deur hul vriendelike en mooi woorde die harte van die eenvoudiges"). Hier sien ons dat hierdie "struikelblokke" wat daarop uit is om kinders vd koninkryk te verlei, gekenmerk kan word deur die wat tweedrag en aanstoot veroorsaak TEEN DIE WAARHEID, en die manier hoe hulle dit doen is "deur vriendelike en mooi woorde"...Hierdie is veral die manier hoe valse profete en valse leraars opereer, deur verdigte woorde en verderflike ketterye heimlik in te voer, en die Here te verloen (2 Pet. 2:1-3). Hulle is vals!, en hulle doel is om die uitverkorenes te MISLEI, net soos valse christusse ook doen (Matt. 24:24).  Hulle gee voor dat hulle die waarheid verkondig, maar verkondig eintlik leuens. Hulle gee voor dat hulle van die Here hoor, maar hulle verkonidig eintlik hulle eie sieninge (of die sieninge van die in wie hulle glo). 

(1Jn 4:1)  Geliefdes, glo nie elke gees nie, maar stel die geeste op die proef of hulle uit God is, want baie valse profete het in die wêreld uitgegaan.

(1Jn 4:2)  Hieraan ken julle die Gees van God: elke gees wat bely dat Jesus Christus in die vlees gekom het, is uit God;

(1Jn 4:3)  en elke gees wat nie bely dat Jesus Christus in die vlees gekom het nie, is nie uit God nie; en dit is die gees van die Antichris waarvan julle gehoor het dat hy kom, en hy is nou al in die wêreld.

(1Jn 4:4)  Julle is uit God, my kinders, en het hulle oorwin, omdat Hy wat in julle is, groter is as hy wat in die wêreld is.

(1Jn 4:5)  Hulle is uit die wêreld; daarom praat hulle uit die wêreld, en die wêreld luister na hulle.

(1Jn 4:6)  Ons is uit God; hy wat God ken, luister na ons; hy wat nie uit God is nie, luister nie na ons nie. Hieruit ken ons die Gees van die waarheid en die gees van die dwaling.

Die wat daarop uit is om die uitverkorenes te mislei, word gekenmerk aan hierdie feite:

- hulle bring 'n "ander evangelie";

- hulle praat soos die wereld (en die wereld luister na hulle); 

- hulle luister nie na die waarheid nie en stem nie saam met die wat die waarheid verkondig nie.

Daarom moet kinders vd koninkryk leringe en dade beoordeel, want jy weet nie altyd of jy met 'n ongehoorsame kind vd koninkryk te doen het of 'n kind van die bose nie. Bv., bly liewer weg van kinders vd koninkryk wat in sonde stap sonder dat hulle hul daarvan wil bekeer, of die wat nie die waarheid verkondig nie... - want daardie persoon kan dalk daarop uit wees om kinders vd koninkryk te mislei of te laat struikel.  Hierdie is nie bedoel om onbarmhartig te wees nie, maar gaan daaroor dat jy jouself beskerm teen misleiding, en ook sodat jy nie die persoon in sy kwaad sterk nie!  

-  (1Kor.  5:9-12 - "Ek het julle in my brief geskrywe om nie met hoereerders om te gaan nie—dit wil sê, nie die hoereerders van hierdie wêreld of die gierigaards of rowers of afgodedienaars in die algemeen nie, want dan sou julle uit die wêreld moet uitgaan—maar nou skryf ek aan julle om nie om te gaan met iemand wat, al staan hy as ‘n broeder bekend, ‘n hoereerder is of ‘n gierigaard of ‘n afgodedienaar of ‘n kwaadspreker of ‘n dronkaard of ‘n rower nie; met so iemand moet julle selfs nie saam eet nie. Want waarom sou ek ook die wat buite is, oordeel? Oordeel julle nie die wat binne is nie?").    

-  (2Joh. 1:7-11 - "Want baie verleiers het in die wêreld ingekom: die wat nie bely dat Jesus Christus in die vlees gekom het nie. Dit is die verleier en die Antichris. Wees op julle hoede, dat ons nie verloor wat ons deur arbeid verkry het nie, maar ‘n volle loon ontvang. Elkeen wat ‘n oortreder is en nie bly in die leer van Christus nie, hy het God nie. Wie in die leer van Christus bly, hy het die Vader sowel as die Seun. As iemand na julle kom en hierdie leer nie bring nie, ontvang hom nie in die huis nie en groet hom nie. Want die een wat hom groet, het gemeenskap aan sy bose werke").