Koring en Kaf

In hierdie pos kyk ons na die besonderse betekenis van die begrip "KORING  EN  KAF" in die Skrif. Waarna verwys die begrip "koring", en waarna verwys "kaf"?

------------------------------------------------------------------------------------

(Mat 3:12)  "Sy skop is in sy hand, en Hy sal sy dorsvloer deur en deur skoonmaak en sy koring in die skuur saambring, maar die kaf sal Hy met onuitbluslike vuur verbrand"; 
(ook Luk. 3:17).

Mense word baiemaal met begrippe soos koring en kaf, koring en onkruid, skape of bokke, ens. vgl. in die Skrif om 'n spesifieke soort mens voor te stel. Om te bepaal wat met elke begrip bedoel word, kan o.a. gevra word na wat die verskil is tussen twee begrippe saam gebruik, bv. die verskil tussen koring en kaf,  tussen koring en onkruid, skape en bokke ens. Bv., die verskil tussen koring en kaf is dat koring die deel is wat vrug dra maar kaf (alhoewel dit deel is vd koring) dra nie vrug nie.  

Ons kan ook 'n studie maak van die afsonderlike woorde in die Skrif om te bepaal hoe dit in beeldspraak in die algemeen gebruik word. Die begrip "kaf" kan bv. gebruik word vir "goddelose mense", want hulle uiteinde is dat hulle soos kaf sal vergaan... (Ps. 1:1-6)(en dan moet ons natuurlik verstaan wat bedoel word met die begrip "goddeloses" - goddeloses verwys na die wat nie die geregtigheid en die wil vd Here soek nie, en daarom dra hulle nie vrug nie...-Ps. 1:1-4). Die skrif leer ook vir ons dat kaf lig is, en word maklik deur die wind verstrooi... (Job 21:18; Ps. 1:4; Jes. 17:13; Jes. 29:5; Dan. 2:35; Hos. 13:3);  op dieselfde wyse sal mense wat as "kaf" gesien word, te lig bevind word en vergaan soos kaf in die wind (rol gerus af vir 'n opsomming oor die begrip "kaf" in die Skrif).  

"Koring" (rol af vir 'n opsomming) is weer 'n begrip wat lyk of dit in beeldspraak gebruik word vir kinders vd koninkryk (Luk. 3:17; Matt. 3:12; Mark. 4:26-29 ens.)(die wat gesien word as deel van God se koninkryk;  verwysend na "kinders van Abraham", hetsy as natuurlike takke of ingeeent). Dit verwys na die "goeie saad", alhoewel "goeie saad" nie net verwysend is na die wat vrug dra nie, maar ook na die wat onvrugbaar is;  m.a.w., dit verwys na almal wat deel is van die koninkryk van God, hetsy hulle vrug dra of nie.

- "Koring" is meer verwysend na die wat vrug dra, en die begrip 

- "kaf" is verwysend na die wat hulle vrug verloor het of onvrugbaar is.  

In die oordeel wanneer Jesus Christus terugkom, sal Hy die koring vd kaf skei...(Luk. 3:17).

In hierdie studie sal ons sien dat die begrippe "koring" en "kaf" in Matt. 3:12 dus na die volgende verwys (rol af na die paragraaf waar Matt. 3:12 in konteks behandel word):

- KORING verwys na KINDERS VD KONINKRYK (geroepenes) (die wat deel is vd volk van God), meer spesiefiek na die "WAT VRUG DRA", en die begrip

- KAF verwys ook na KINDERS VD KONINKRYK (geroepenes) (is deel vd volk van God), maar meer spesifiek verwys na die "WAT NIE VRUG DRA NIE". 

In die koninkryk van God is dus beide groepe (koring en kaf) deel vd koninkryk, en word gesien as "gelowiges" of bv. is deel vd kerk van Christus, maar nie almal wat deel is vd koninkryk van God dra vrug nie! Sommige dra veelvuldig vrug en hou hulle vrug (4de groep in die gelykenis vd saaier);  ander dra niks (is gered, maar groei nie en kan daarom nie vrug dra nie - 2de groep in die gelykenis vd saaier);  en ander begin wel vrug dra, maar verloor dit... (is gered, groei, dra vrug, maar verloor dit... - 3de groep in die gelykenis vd saaier) (rol gerus af vir 'n opsomming hieroor).  Die uitende van die wat nie vrug dra nie is dat hulle in die vuur sal beland (hulle sal m.a.w. hanteer word soos kaf, want alhoewel hulle deel is vd koring, is hulle die onvrugbare deel wat onbruikbaar is en weggegooi word...). 

In geval vd Christen kan ons dus sê dat nie alle Christene (alhoewel deel vd koninkryk van God en geroep) eendag gered sal word nie, want die wat nie vrug dra nie sal uitgewerp word (net soos kaf die deel is vd koring wat uitgegooi word...). Kaf word gesien as deel van koring, ja, maar is onbruikbaar. Op dieselfde wyse sal Christene sonder vrug eendag gesien word soos "kaf" en dus onbruikbaar (en uitgewerp word)(Joh 15:2 - "Elke loot wat in My nie vrug dra nie, neem Hy weg; en elke loot wat vrug dra, dié maak Hy skoon, sodat dit meer vrug kan dra").  Hierdie tema van hoe ons soos saad in die wêreld geplant word om te groei en vrug te dra, en hoe die vrug geoes sal word wanneer Jesus terugkom, is iets wat regdeur die Skrif hanteer word (rol gerus af tot onder vir 'n lys van poste wat o.a. hierdie belangrike temas bestudeer).  Jesus het baie hierdie soort beeldspraak gebruik in verskeie gelykenisse, en o.a. vir kinders vd koninkryk geleer dat hulle geroep is om vrug te dra... (en nie net om dit te dra nie, maar ook te behou!)(Joh 15:16 - "Julle het My nie uitverkies nie, maar Ek het julle uitverkies en julle aangestel om vrug te gaan dra en dat julle vrug kan bly, sodat wat julle die Vader ook al in my Naam vra, Hy julle dit kan gee."). 

Beide KORING en KAF is m.a.w. mense wat deur die Here gesaai is om te groei en vrug te dra, maar nie almal draai as bruikbare koring uit nie omdat nie almal vrug dra nie. Dit is bv. anders as die onderwerp van "koring en onkruid", siende "onkruid" (anders as kaf) nie verwys na geroepenes nie maar eerder na mense wat deur die vyand onder die kinders vd koninkryk gesaai is (Matt. 13:24-30), en dus ook kan lyk of hulle koring is, maar is glad nie eens geroep nie. Ook die "onkruid" se uiteinde sal in die vuur wees...  Vir 'n studie hieroor, kan die pos "koring en onkruid" behandel word.

Om te verstaan waarom daar 'n skeiding gaan plaasvind tussen die koring en kaf wanneer Jesus terugkom, moet daar dus ingekyk word op die belangrikheid van VRUG DRA, en wie dit is wat vrug dra. Nie alles wat gesien word as goeie vrug is "vrug tot ewige lewe" nie.  Hierdie vrug verwys spesifiek na vrug wat deur die wedergeborene gedra word (m.a.w., die gebore uit God se saad). 

(Psa 1:1)  Welgeluksalig is die man wat nie wandel in die raad van die goddelose en nie staan op die weg van die sondaars en nie sit in die kring van die spotters nie;

(Psa 1:2)  maar sy behae is in die wet van die HERE, en hy oordink sy wet dag en nag.

(Psa 1:3)  En hy sal wees soos ‘n boom wat geplant is by waterstrome, wat sy vrugte gee op sy tyd en waarvan die blare nie verwelk nie; en alles wat hy doen, voer hy voorspoedig uit.

------------------------------------------------------------------------------------------------------------------------------

DIE BEGRIP "KAF":

Daar is 'n paar dinge wat die Skrif vir ons leer oor die begrip KAF, bv.:

- kaf is LIG, en word maklik weggevoer en deur die wind verstrooi (Job 21:18; Ps. 1:4; Jes. 17:13; Jes. 29:5; Dan. 2:35; Hos. 13:3);

- die goddelose word vgl. met kaf, want hulle sal vergaan soos kaf VERGAAN (Ps. 1:1-6);

- kaf word VERBRAND (Joe 2:25; Matt. 3:12; Luk. 3:17);

- kaf is NUTTELOOS, soos iets wat net verbygaan... (Sef. 2:2).

Daar is 'n soort beeldspraak in die Skrif waarin KAF vgl. word met goddeloses - die wat nie die geregtigheid en die wil vd Here soek nie - en daarom dra hulle nie vrug nie (Ps. 1:1-4). Vgl. dit gerus met Jesus se woorde in 

(Jes. 41:16).  Die skeiding vd koring en kaf waarna bv. verwys word deur Johannes in Matt. 3:12, gaan oor "om te suiwer" - net soos kaf deur die wind weggeneem of verbrand word, so sal die Here eendag die goddelose laat verdwyn... (Job 20:28,29; Ps. 68:3; 75:11; 145:20; Spr. 2:22; 2 Pet. 3:7; Matt. 24:37-39; ens.)(Matt. 13:47-50; Mal. 4:1-3)(Mat 13:49 - "So sal dit wees in die voleinding van die wêreld: die engele sal uitgaan en die slegte mense onder die regverdiges uit afskei"). 

-(Jud 1:14)  En Henog, die sewende van Adam af, het ook teen hulle geprofeteer en gesê: Kyk, die Here het gekom met sy heilige tien duisendtalle,

-(Jud 1:15)  om gerig te hou oor almal en al die goddelose mense onder hulle te straf oor al hulle goddelose werke wat hulle goddelooslik gedoen het, en oor al die harde woorde wat die goddelose sondaars teen Hom gespreek het.

L.w. dat die begrip "goddelose" verwys na die wat verkeerd doen en nie die wil vd Here soek nie (bv. die mense van Sodom-Gen. 18:23) - die woord " raw-shaw' " in Hebreeus wat verwys na die skuldiges, goddelose en "slegtes", die wat veroordeel sal word. "Goddeloses" word o.a. in die Skrif beskryf as "die wat onreg doen, en geweldenaars" (Ps. 71:4); "die wat vd Here se insettinge afdwaal" (Ps. 119:118,119, 155); murmureerders wat oor hulle lot klae, die wat volgens hulle begeerlikhede wandel, trotsaards, en die wat mense vlei ter wille van voordeel (Jud. 1:16);  die wat die genade van God verander in ongebondenheid en die Here verloën (Jud. 1:4); boos en versinsels vd hart is sleg (Gen. 6:5 vgl. met 2 Pet. 2:5)... ens. 

Die verskil tussen die regverdige en die goddelose? 

- DIE REGVERDIGE DIEN GOD

- DIE GODDELOSE DIEN HOM NIE. (Mal 3:18).

In geval van Christene sal goddeloses onder hulle verwys na die ongehoorsames, die wat doen wat hulle wil, die wat Sy genade in ongebondenheid verander, die wat Hom verloen, die wat volgens hulle eie begeerlikhede wandel, ens. Diesulkes gee voor dat hulle die Here dien, maar hulle dien eintlik hulleself en die sonde.  Hulle kan nie verwag om eendag soos koring hanteer te word wanneer Jesus terugkom nie, maar is soos kaf omdat hulle nie vrug dra nie.  In ander woorde, Christene wat nie vrug dra nie is nutteloos - en sal daarom eendag vergaan en verbrand word.

"Kaf" kan ook moontlik vgl. word met die wat NIE GEREED is wanneer Jesus terugkom nie... Neem bv. die gelykenis van die 10 maagde (Matt. 25:1-13). Lees ook Matt. 25:14-30, van die man wat op reis wou gaan en sy diensknegte geroep het en besittings aan hulle toevertrou het - wat het gebeur met die een wat een talent ontvang het en dit begrawe het?, m.a.w. "die nuttelose dienskneg"? (Matt. 25:30 - "En werp die nuttelose dienskneg uit in die buitenste duisternis; daar sal geween wees en gekners van die tande").

Dit is duidelik dat daar selfs DIENSKNEGTE is van die Here wat eendag as nutteloos beskou sal word (Matt. 25:46-51), net soos KAF gesien word as nutteloos...

-----------------------------------------------------------------------------------------------------------------------------

DIE BEGRIP "KORING":

Kinderd vd koninkryk word in sommige skrifte vgl. met KORING (Luk. 3:17; Matt. 3:12; Mark. 4:26-29 ens.).

Luk. 22 is ook 'n goeie vb. van hoe gelowiges met koring vgl. kan word - meer presies in die Skrif kan die dissipels vgl. word met koring omdat die satan begeer om hulle "soos koring te sif"...: (Luk 22:3,32 - "En die Here sê: Simon, Simon, kyk, die Satan het vurig begeer om julle soos koring te sif. Maar Ek het vir jou gebid, dat jou geloof nie ophou nie; en as jy eendag bekeerd is, moet jy jou broeders versterk"). Vir ander soortgelyke vb.e in die Skrif, kan daar miskien ingekyk word na Job (Job 1:8-11; Job 2:3-6) - bv., daar is verskeie vb.e van hoe die duiwel mense probeer aankla, bv. vir Josua die hoëpriester in Sag. 3, of Job in Job 1... Die duiwel is 'n aanklaer en is daarop uit om die "koring" (broeders) te probeer verslind (1Pet. 5:8 - "Wees nugter en waaksaam, want julle teëstander, die duiwel, loop rond soos ‘n brullende leeu, en soek wie hy kan verslind"). Maar vir die "koring" is daar natuurlik oorwinning deur die bloed vd Lam en deur die woord van getuienis (wat somtyds tot die dood lei)  (Openb. 12:10,11). (Rev 12:10).  

Die duiwel begeer om die koring te sif met die doel om hulle te verslind;  

maar dit is anders as wanneer God die koring sif (Amos 9:9) - waneer die Here "sif" is Sy doel anders, en die rede waarom die Hy "sif" is nie om koring te verslind nie, maar om van die wat nie vrug dra nie ontslae te raak (Luk 3:17 - "Sy skop is in sy hand, en Hy sal sy dorsvloer deur en deur skoonmaak en sy koring saambring in sy skuur, maar die kaf met onuitbluslike vuur verbrand");  m.a.w. om die bruikbares te skei van die wat onbruikbaar is in die koninkryk van God;  m.a.w., om die koring van die kaf te skei. 

In die Skrif word mense baiemaal vgl. met saad wat geplant word (of gelowiges bv. vgl. met plante of bome): 

(Mar 4:26)  En Hy het gesê: So is die koninkryk van God, soos wanneer ‘n mens die saad in die grond gooi;

(Mar 4:27)  en hy gaan slaap en staan op, nag en dag, en die saad spruit uit en word groot—hoe, weet hy self nie.

(Mar 4:28)  Want vanself bring die aarde vrug voort, eers ‘n halm, dan ‘n aar, dan die volle koring in die aar.

(Mar 4:29)  En wanneer die vrug dit toelaat, steek hy die sekel dadelik in, omdat die oes daar is.

Die wat deel is vd koninkryk van God is soos saad wat in die grond gegooi word, en groei en vrug dra...  Met die OES sal die vrug geoes word, en die wat nie vrug dra nie (m.a.w., die "kaf"), sal uitgegooi word. In daardie opsig kan KINDERS VD KONINKYRK gesien word soos "koring", maar verwys meer spesifiek na die wat vrug dra;  terwyl "kaf" ook deel is vd kinders vd koninkryk, maar verwys na die wat nie vrug dra nie (hulle sal eendag uitgegooi word). 

Die onkruid sal ook eendag uitgegooi word, m.a.w. daardie saad wat deur die vyand in hierdie "grond" onder die kinders vd koninkryk) gesaai is... (Matt. 14:25-30).  In daardie opsig verwys KORING (en kaf) na GOEIE SAAD (terwyl onkruid bv. verwys na kinderds vd bose). Daar kan 'n studie gemaak word oor "goeie saad" om hierdie beter te verstaan (kyk o.a. die tema van wedergeboorte - gebore uit God / gebore uit onverganklike saad ens., wat verwys na die wat instaat is om vrug te dra tot ewige lewe). 

Nie almal wat geroep is sal inderdaad eendag erf nie, want nie alle "koringkorrels" wat gesaai is, dra vrug nie... Daar kan natuurlik ook ingekyk word op die tema van "koringkorrels", en bv. wat gedoen kan word om vrug te dra... (wat te doen het met die belangrikheid van in die Here bly en Hom dien - (Joh 12:24 - "Voorwaar, voorwaar Ek sê vir julle, as die koringkorrel nie in die grond val en sterf nie, bly dit alleen; maar as dit sterf, dra dit veel vrug"). Vgl. dit met Jesus se woorde in (Joh 15:5 - "Ek is die wynstok, julle die lote. Wie in My bly, en Ek in hom, hy dra veel vrug; want sonder My kan julle niks doen nie"). VRUG DRA is 'n belangrike deel van koring (Joh 15:16 - "Julle het My nie uitverkies nie, maar Ek het julle uitverkies en julle aangestel om vrug te gaan dra en dat julle vrug kan bly, sodat wat julle die Vader ook al in my Naam vra, Hy julle dit kan gee"). As "koring" nie vrug dra nie, sal dit uitgewerp word soos die loot en verdroog, en bymekaargemaak en in die vuur gegooi word  (Joh 15:6 - "As iemand in My nie bly nie, word hy uitgewerp soos die loot en verdroog, en hulle maak dit bymekaar en gooi dit in die vuur, en dit verbrand"). In ander woorde, as Christene nie in die Here Jesus Christus BLY (Hom dien en ken en Sy geregtigtigheid en wil soek) nie, dan kan hulle nie vrug dra nie - en met die oes, wanneer Jesus terugkom en die vrug geoes word, sal die wat nie vrug dra nie (m.a.w., die wat nie in Hom gebly het nie), uitgewerp word soos KAF.

-----------------------------------------------------------------------------------------------------------------------------

MATT. 3:12 IN KONTEKS:

Wanneer ons hierdie skrifgedeelte in konteks lees, moet ons klem lê op die oorsprong van so 'n uitlating deur Johannes gemaak.  v.6 en 7:    "En hulle is deur hom in die Jordaan gedoop met belydenis van hulle sondes. Maar toe hy baie van die Fariseërs en Sadduseërs na sy doop sien kom, sê hy vir hulle: Addergeslag, wie het julle aangewys om te vlug vir die toorn wat aan kom is? 

Volgens vers 9 is dit duidelik dat Johannes 'n onderskeid maak hier tussen 

-"Jode in die hart" en 

-"Jode volgens bloed" (Mat 3:9)  En moenie dink om by julleself te sê: ons het Abraham as vader nie; want ek sê vir julle dat God mag het om uit hierdie klippe kinders vir Abraham op te wek". En dan in vers 10 maak hy dit nog duideliker deur te sê:  "Maar die byl lê ook al teen die wortel van die bome. Elke boom wat geen goeie vrugte dra nie, word uitgekap en in die vuur gegooi".  Johannes praat nie hier met ongelowiges nie, maar met gelowiges (met die geroepenes) - en hy praat  van 'n "oordeel" wat voorlê... Wanneer Jesus terugkom sal Hy o.a. nie net oordeel tussen "gelowiges en ongelowiges" nie, maar ook tussen 

"gelowiges en gelowiges".  Beide "koring" en "kaf" verwys dus na gelowiges - wat soos bome voorgestel kan word, maar sommige dra vrugte, en ander nie (v.10). 

Vgl. dit met Es. 34:22 - "Ek sal oordeel tussen skape en skape"...  

In konteks verwys Johannes hier na hulle VRUG (v.10). Jode volgens bloed wat m.a.w. "geroep" is maar nie vrug dra nie, is m.a.w. nie "Jode in die hart" nie.  Daar sal m.a.w. geoordeel word tussen gelowiges wat VRUG dra en gelowiges wat nie vrug dra nie. Dit is natuurlik waarom Johannes hierdie beeldspraak gebruik, want alhoewel kaf lyk soos koring, is dit die onbruikbare deel wat weggegooi word (die vrugtelose deel van 'n koring-oes).  Dit is bv. anders die onderwerp "koring en onkruid", waar koring wel ook verwys na gelowiges, maar "onkruid" verwys na ongelowiges. Die tema van koring en kaf, gaan dus oor 

-gelowiges (koring) en gelowiges (kaf), in die sin van, 

"die wat vrug dra" (koring) en die wat "nie vrug dra nie" (kaf). 

Dus, om die tema van "koring en kaf" ten volle te verstaan, sal daar 'n studie gemaak moet word oor "vrug dra" in die Skrif  (rol af vir 'n lys van poste waarin hierdie tema o.a. behandel word). 

Daar kan ook ingekyk word in die onderwerp van "oes" in die Skrif... 

Jesus het baie gepraat oor die belangrikheid van VRUG DRA en o.a. die volgende stelling gemaak:

(Joh 15:2)  Elke loot wat in My nie vrug dra nie, neem Hy weg; en elke loot wat vrug dra, dié maak Hy skoon, sodat dit meer vrug kan dra. Hy is die wynstok, die Vader is die landbouer (Joh. 15:1), en gelowiges die lote (ons word ook somtyds voorgestel soos plante of bome -Matt. 15:13; Hebr. 6:7,8).  Elke gelowige (loot) wat nie vrug dra nie, sal deur die Vader (die landbouer) weggeneem word.  En die wat vrug dra kan verwag om "skoongemaak" te word sodat hulle meer vrug kan dra...  Die wat hulle vrug verloor kan ongekant gevang word wanneer Jesus terugkom, en sal soos vrugteloses hanteer en uitgewerp word. Vrug is 'n aanduiding vd gelowige se geestestoestand (bv., valse profete dra slegte vrug, - vrug wys wat in iemand se hart aangaan).  In die Gelykenis vd Saaier het Jesus ook die belangrikheid van vrug dra aangeraak.  Daar word bv. 4 groepe beskryf, waarvan 3 vd groepe na gelowiges verwys.  Slegs een van die 3 groepe is gelowiges wat veelvuldige vrug dra en dit behou.  Die eerste groep gelowiges (2de groep in die gelykenis vd saaier) kom tot geloof ja, maar hulle skiet nie wortel nie - hulle leer nie die Here ken nie en bly nie in Hom nie, en kan dus nie vrug dra nie!  Die tweede groep (3de groep in die gelykenis vd saaier) DRA WEL VRUG, MAAR VERLOOR DIT - bestudeer gerus hierdie gelykenis om o.a. te verstaan wat vrug kan beinvloed. Hierdie mense kan vrugteloos opeindig, wat weer tot gevolg kan he dat hulle uitgewerp word...

------------------------------------------------------------------------------------------------------------------------------

Kom ons kyk na hoe vrug saligheid beinvloed volgens die gelykenis vd saaier (Matt. 13; Mark. 4:1-20; Luk. 8:4-15):

- (1) Die eerste groep mense:   hoor die woord, maar onmiddellik steel die duiwel dit weg uit hulle harte, en dit lewer GEEN VRUG op nie.  Volgens Lukas verwys hierdie groep na die wat nie glo en nie gered word nie". (-m.a.w., hierdie groep verwys nie na kinders vd koninkryk nie, maar na ongelowiges).

- (2) Die tweede groep:  neem die woord met blydskap aan, maar omdat hulle geen "wortel in hulleself het nie, is hulle net vir ‘n tyd". Later as daar verdrukking of vervolging kom ter wille van die woord, struikel hulle dadelik.  Dit spreek dus van mense wat wel die woord aanneem!!!, maar nie regtig die Here ken nie - "geen wortel in hulleself nie, en GROEI daarom NIE GEESTELIK NIE - dit is die wat glad nie verdrukking of vervolging ter wille van die woord sal kan verduur nie. Verwys dus na die wat gelowig raak maar GEEN VRUG dra nie.  Ook volgens Lukas verwys hierdie groep mense na die wat die woord met blydskap ontvang wanneer hulle dit hoor, maar aangesien hulle net vir ‘n tyd glo, "val hulle af" in die tyd van versoeking.(-m.a.w., dit verwys na kinders vd koninkryk wat nie vashou aan die geloof nie - en Hom nie ken as Eerste Liefde nie, of nie geestelik groei nie).

- (3) Die derde groep:  is die wat die woord hoor, maar die "sorge van hierdie wêreld en die verleiding van die rykdom en die begeerlikhede in verband met die ander dinge kom in en verstik die woord, en dit word ONVRUGBAAR".  Omdat die skrif noem dat hulle "onvrugbaar" word, beteken dit dat hulle wel begin vrug dra het, maar die sorge van die lewe, begeerlikhede en rykdom, verstik die woord wat tot gevolg het dat hulle hul vrug verloor en onvrugbaar word.  Volgens Lukas verwys hierdie groep ook na kinders vd koninkryk, m.a.w. die wat gehoor het (en wortel het en selfs begin vrug dra het), maar  verstik word deur die sorge en rykdom en genietinge van die lewe en dra geen ryp vrug nie. "(-m.a.w., hierdie groep verwys ook na kinders vd koninkryk, maar na gelowiges wat onvrugbaar  word...).

- (4) Die vierde groep: " En wat in die goeie grond val—dit is die wat, nadat hulle gehoor het, die woord in ‘n edele en goeie hart hou en MET VOLHARDING VRUG DRA  (-m.a.w., hierdie groep verwys na kinders vd koninkryk wat groei en vrug dra en VASHOU - gelowiges wat met volharding vrug dra...).   

ONS SIEN DUS TWEE DEFINITIEWE GROEPE (2 en 3) HIER WAT WEL DIE WOORD AANNEEM, MAAR GEEN VRUG DRA NIE, OF SELFS BEGIN VRUG DRA, MAAR DIT VERLOOR. DIE VRAAG WAT ONS NOU MOET VRA IS, "WAT SAL GEBEUR MET HIERDIE 2 GROEPE GELOWIGES OP DIE DAG VAN OORDEEL"? (die dag van "toorn" waarna Johannes verwys)? (want, die Here sal ook oordeel tussen "skape en skape")(Joh 10:14)  "Ek is die goeie herder, en Ek ken my eie en word deur my eie geken". On sien hier hoe belangrik dit is om geestelik te groei en vrug te dra, en vas te hou. Dit is belangrik om die godsaligheid na te jaag.  Nie almal in hierdie "wedloop" sal uiteindelik die prys behaal nie (1 Kor. 8:24-26). Sels Paulus het geglo dat geestelike oefening belangrik is: -(1Kor. 9:27 - "Maar ek kasty my liggaam en maak dit diensbaar, dat ek nie miskien, terwyl ek vir ander gepreek het, self verwerplik sou wees nie").

------------------------------------------------------------------------------------------------------------------------------

Om IN DIE HERE TE BLY en HOM te KEN en SY WIL DOEN, is belangrik vir kinders vd koninkryk om vanaf saad (geestelik) te groei tot plante of bome wat kan vrug dra:

(Joh 10:26)  "Maar julle glo nie, want julle is nie van my skape nie, soos Ek vir julle gesê het.

(Joh 10:27)  My skape luister na my stem, en Ek ken hulle, en hulle volg My".

(Mat 7:21)  Nie elkeen wat vir My sê: Here, Here! sal ingaan in die koninkryk van die hemele nie, maar hy wat die wil doen van my Vader wat in die hemele is.

(Joh 15:5) " Ek is die wynstok, julle die lote. Wie in My bly, en Ek in hom, hy dra veel vrug; want sonder My kan julle niks doen nie.

(Joh 15:6)  As iemand in My nie bly nie, word hy uitgewerp soos die loot en verdroog, en hulle maak dit bymekaar en gooi dit in die vuur, en dit verbrand".

"Groei" is belangrik vir die Christen. Ons moet soos kindertjies wees, ja, maar dit is in die opsig van nederig en onderdanig en gehoorsaam wees - dit bedoel nie dat ons nie moet opgroei nie. Gelowiges moet groei van baba tot kind tot jongmens tot vader... Net soos saad groei tot 'n boom wat kan vrugte dra. Selfs jong bome kan vrugte dra, maar as 'n boom ophou groei is dit 'n teken dat iets fout is, en dit sal tot gevolg he dat so 'n boom nooit veelvuldige vrug kan dra nie. So, "groei" is belangrik ja!, en groei kan nie geskied as iemand nie in die Here bly nie. Kyk gerus in op die temas van geestelike groei en dinge wat vrug kan beinvloed;  kyk gerus ook wat dit beteken as 'n gelowige "siek" is. en hoe siekte vrug kan affekteer)  (rol af vir 'n lys van poste...).

------------------------------------------------------------------------------------------------------------------------------

(Jas 5:7)  Wees dan geduldig, broeders, tot op die wederkoms van die Here. Kyk, die landbouer wag op die kostelike vrug van die aarde en het geduld daarmee totdat dit die vroeë en die laat reën ontvang het.

------------------------------------------------------------------------------------

Vir poste wat gaan oor "vrug dra" of die beeldspraak waar die volk van God soos saad of takke / lote of plante voorgestel word (en o.a. die liggaam met grond), gaan na:

- https://warechristenedagstukkies.blogspot.com/2017/07/die-here-se-wingerd.html

- https://warechristenedagstukkies.blogspot.com/2014/07/die-gelowige-n-boom.html

- http://warechristene.blogspot.com/2013/08/die-vrug-van-die-gelowige.html

- https://warechristenedagstukkies.blogspot.com/2020/05/hoe-siekte-vrug-affekteer.html

- http://warechristene.blogspot.com/2013/07/hoekom-voel-sommige-christene-dat-die_16.html

- http://warechristene.blogspot.com/2014/06/wat-is-die-waarheid-2.html

- http://warechristene.blogspot.com/2018/06/dorings-en-distels-braak-vir-julle-n.html

- http://warechristene.blogspot.com/2013/08/goeie-vrug-en-goeie-werke.html

- http://warechristene.blogspot.com/2013/07/as-iemand-se-werk-verbrand-word-sal-hy.html

- http://warechristene.blogspot.com/2013/04/glo-jy-wat-jesus-gese-het-of-wat-die_17.html

- http://warechristene.blogspot.com/2013/08/wat-beinvloed-die-vrug-van-die-gelowige.html

- https://warechristenedagstukkies.blogspot.com/2014/06/wat-beteken-dit-om-vrug-te-dra.html

- https://warechristenedagstukkies.blogspot.com/2017/02/waarna-verwys-slegte-vrugte-werklik.html

- https://warechristenedagstukkies.blogspot.com/2014/07/sal-enige-bome-gelowiges-uitgekap-word.html

- https://warechristenedagstukkies.blogspot.com/2020/05/die-mens-in-beeldspraak.html

- https://warechristenedagstukkies.blogspot.com/2019/05/soorte-christene-in-die-christelike.html

- https://warechristenedagstukkies.blogspot.com/2020/09/goeies-en-slegtes-in-die-koninkryk.html

Basuine

In hierdie pos kyk ons na die gebruik van die woord/e "basuin/e" en "trompet/te". 

------------------------------------------------------------------------------------------------------------------------------

Die blaas van die basuin het 'n besonderse betekenis en was bv. iets wat deur God self ingestel was vir die volk (Num. 2:10) - die doel daarvan was veral om die volk byeen te roep en om die laers (in die woestyn) te laat opbreek, en ook gebruik in feesfieringe om die begin van elke fees aan te kondig, die begin van maande aan te kondig, en was o.a. ook geblaas op Versoendag... 

- bedoel om die volk in gedagtenis te bring voor die Here. 

Vir 'n studie hieroor kan daar ook ingekyk word op die terme "alarm" of  "alarm blaas" (en daar is natuurlik 'n verskil tussen net "blaas" of alarm maak (en op verskillende tye dus gebruik).  Die alarm-basuin was veral gebruik om as waarskuwing te dien, soos wanneer die land ingeval word, en ook geblaas sodat die Here hulle sou help in oorlog. 

DIT IS DUIDELIK DAT DIE HERE BAIE WAARDE HEG AAN DIE GEBRUIK VAN BASUINE, EN DAT HY DIT OOK GEBRUIK OM GEBEURTENISSE AAN TE KONDIG. Dit is dan ook glad nie snaaks nie dat die opstanding en "wegraping" ook sal plaasvind met die geklank van 'n basuin!  Paulus beskryf dat dit sal gebeur met "die laaste basuin" (1 Kor. 15), en dit verwys moontlik na die 7de basuin onder die 7de seel in die boek van Openbaring (wat die laaste v/d 7 basuine is)(wanneer die verborgenheid van God volbring is);  die wederkoms van die Here word ook in ander skrifte beskryf saam met 'n basuin wat deur die Here geblaas word! (Sag. 9:14; 1 Thess. 4:17). (Openb. 11:15 - "En die sewende engel het geblaas, en daar was groot stemme in die hemel wat sê: Die koninkryke van die wêreld het die eiendom van onse Here geword en van sy Christus, en Hy sal as Koning heers tot in alle ewigheid). Dit is interessant om te sien dat ook waar God aan die volk verskyn het op die berg (in die woestyn)(Eks. 19:16,19; 20:18), dit ook gepaard gegaan het met 'n basuin (en l.w., nie daar beskryf word as 'n basuin wat deur mense geblaas is nie). Ook die 7 basuine in Openbaring 8, is basuine wat gebeure of waarskuwings aankondig (en word hier beskryf as basuine wat deur engele geblaas word).   

========================================================================

SKRIFTE:

========================================================================

SKRIFTE O.T. KONTEKS:

(Lev 25:9)  Dan moet jy in die sewende maand, op die tiende van die maand, ‘n basuingeklank laat deurgaan; op die versoendag moet julle die basuin deur julle hele land laat gaan.

VGL. MET:

(Num 10:10)  Op die dag as julle vrolik is, sowel as op julle feestye en by die begin van julle maande moet julle by jul brandoffers en by jul dankoffers op die trompette blaas: hulle sal dien om julle in gedagtenis te bring voor die aangesig van julle God. Ek is die HERE julle God.

(Psa 81:3)  (81:4) Blaas die basuin op nuwemaan, op volmaan vir ons feesdag.

(Neh 4:20)  Op die plek waar julle die geluid van die basuin hoor, daar moet julle by ons bymekaarkom; onse God sal vir ons stry.  VGL. DIT MET Num. 10:

(Num 10:8)  En die seuns van Aäron, die priesters, moet op die trompette blaas; en dié trompette moet vir julle ‘n ewige insetting in julle geslagte wees.

(Num 10:9)  En as julle in jul land in oorlog kom teen die vyand wat met julle veg, moet julle met die trompette alarm blaas; dan sal aan julle gedink word voor die aangesig van die HERE julle God, en julle sal van jul vyande verlos word.

VGL. OOK MET:

(Num 31:6)  En Moses het hulle na die oorlog gestuur, duisend vir elke stam, hulle en Pínehas, die seun van die priester Eleásar, na die oorlog, met die heilige voorwerpe en die trompette by hom om alarm te blaas.

(2Ki 11:14)  en toe sy die koning sien staan op die verhoog, volgens die gewoonte, met die owerstes en die trompetblasers by die koning, terwyl die hele volk van die land bly is en op die trompette blaas, skeur Atália haar klere en roep uit: Verraad, verraad!

(2Ch 13:14)  En toe Juda omdraai, was die geveg meteens voor en agter hulle; en hulle het die HERE aangeroep, terwyl die priesters op die trompette blaas.

(Job 39:24)  (39:27) Onstuimig en wild verslind hy (perd) die grond en staan nie stil as die basuin klink nie.

(Jer 4:5)  Verkondig in Juda en laat dit hoor in Jerusalem en sê: Blaas die basuin in die land! Roep hardop en sê: Kom bymekaar, en laat ons in die versterkte stede ingaan!

BASUIN AS WAARSKUWING:

(Jer 6:1)  Vlug, kinders van Benjamin, uit Jerusalem uit; en blaas die basuin in Tekóa, en hef ‘n vuurteken op bo Bet-Hakkérem; want onheil dreig uit die Noorde en groot verwoesting.

VGL. MET:

(Eze 33:3)  en hy sien die swaard aankom oor die land en blaas met die basuin en waarsku die mense—

(Jer 6:17)  Ek het ook wagte oor julle gestel en gesê: Luister na die geluid van die basuin. Maar hulle het geantwoord: Ons wil nie luister nie.

(Eze 33:2)  Mensekind, spreek met die kinders van jou volk en sê vir hulle: As Ek die swaard oor ‘n land bring, en die mense van die land neem ‘n man uit hulle kring en stel hom as wag vir hulle aan,

(Eze 33:3)  en hy sien die swaard aankom oor die land en blaas met die basuin en waarsku die mense—

(Eze 33:4)  as dan iemand die geluid van die basuin hoor, maar hom nie laat waarsku nie, en die swaard kom en neem hom weg, dan is sy bloed op sy hoof.

(Eze 33:5)  Hy het die geluid van die basuin gehoor, maar het hom nie laat waarsku nie: sy bloed is op hom. Maar as hy hom laat waarsku, dan red hy sy siel.

(Eze 33:6)  As daarenteen die wag die swaard sien kom en met die basuin nie blaas nie, sodat die mense nie gewaarsku is nie, en die swaard kom en neem ‘n siel uit hulle weg—dan is hy deur sy ongeregtigheid weggeneem, maar sy bloed sal Ek van die hand van die wag eis.

(Eze 33:7)  En jy, o mensekind, Ek het jou as wag oor die huis van Israel aangestel; en as jy ‘n woord uit my mond hoor, moet jy hulle van my kant waarsku....................................

(Hos 5:8)  Blaas die basuin in Gíbea, die trompet in Rama! Hef aan die krygsgeskreeu in Bet-Awen. Agter jou kom dit, Benjamin!

(Hos 8:1)  Die basuin aan jou mond! Soos ‘n arend skiet dit neer op die huis van die HERE! Omdat hulle my verbond oortree het en teen my wet gesondig het.

(Joe 2:1)  Blaas die basuin op Sion, en blaas alarm op my heilige berg! Laat al die inwoners van die land bewe, want die dag van die HERE kom, want hy is naby—

(Joe 2:15)  Blaas die basuin op Sion, heilig ‘n vasdag, roep ‘n vergadering saam!

(Amo 3:6)  Sal die basuin in die stad geblaas word en die bevolking nie skrik nie? Sal daar ‘n onheil in die stad voorval as die HERE dit nie bewerk het nie?

(Amo 3:7)  Want die Here HERE doen niks tensy Hy sy raadsbesluit aan sy knegte, die profete, geopenbaar het nie.

(1Co 14:8)  Want as die basuin ook ‘n onduidelike klank gee, wie sal klaarmaak vir die oorlog?

BASUIN  FEESVIERINGE:

(1Ch 13:8)  En Dawid en die hele Israel het voor die aangesig van God met alle mag gespeel, sowel met liedere as met siters en harpe en tamboeryne en simbale en trompette.

VGL. MET: 

(Num 10:10)  Op die dag as julle vrolik is, sowel as op julle feestye en by die begin van julle maande moet julle by jul brandoffers en by jul dankoffers op die trompette blaas: hulle sal dien om julle in gedagtenis te bring voor die aangesig van julle God. Ek is die HERE julle God.

(1Kron. 15:24)  En die priesters Sebánja en Jósafat en Netáneël en Amásai en Sagaría en Benája en Eliëser het op die trompette geblaas voor die ark van God uit; en Obed-Edom en Jehía was poortwagters van die ark.

(1Kron. 15:28)  En die hele Israel het die verbondsark van die HERE gaan haal met gejuig en basuingeklank en met trompette en simbale, onderwyl hulle musiek maak op harpe en siters.

(1Kron. 16:6)  en Benája en Jahásiël, die priesters, gedurigdeur met trompette voor die verbondsark van God.

(1Kron. 16:42)  en by hulle, Heman en Jedútun, was trompette en simbale vir die musikante en instrumente vir die liedere tot eer van God; maar die seuns van Jedútun was by die poort.

(2Kron. 5:12)  terwyl die Levitiese sangers almal saam, Asaf, Heman, Jedútun met hulle seuns en hulle broers, in linne gekleed, met simbale en harpe en siters oostelik van die altaar staan, en saam met hulle omtrent honderd en twintig priesters wat op die trompette blaas;

(2Kron. 5:13)  en toe die trompetblasers en die sangers almal saam eenstemmig begin om die HERE te prys en te loof, en net toe hulle die stem verhef met die trompette en met die simbale en met die musiekinstrumente, en met: Loof die HERE, want Hy is goed, want sy goedertierenheid is tot in ewigheid! —is die huis, die huis van die HERE, vervul met ‘n wolk.

(2Kron. 7:6)  terwyl die priesters op hulle poste gestaan het, ook die Leviete met die musiekinstrumente van die HERE, wat koning Dawid gemaak het, om die HERE te loof dat sy goedertierenheid tot in ewigheid is, met die loflied van Dawid wat deur hulle voorgedra is. Intussen het die priesters teenoor hulle op die trompette geblaas, en die hele Israel het gestaan.

(2Kron. 15:14)  En hulle het vir die HERE gesweer met ‘n groot stem en met gejuig en met trompette en basuine.

(2Kron. 20:28)  En hulle het Jerusalem ingetrek met harpe en siters en trompette, na die huis van die HERE.

(Esra 3:10)  Toe die bouers dan die fondament van die tempel van die HERE lê, het hulle die priesters in ampsgewaad met trompette, en die Leviete, die seuns van Asaf, met simbale opgestel om die HERE te loof volgens die instelling van Dawid, die koning van Israel.

(Neh 12:35)  en van die seuns van die priesters met trompette, Sagaría, die seun van Jónatan, die seun van Semája, die seun van Mattánja, die seun van Migája, die seun van Sakkur, die seun van Asaf,

(Neh 12:35)  en van die seuns van die priesters met trompette, Sagaría, die seun van Jónatan, die seun van Semája, die seun van Mattánja, die seun van Migája, die seun van Sakkur, die seun van Asaf,

(Psa 98:5,6)  Psalmsing tot eer van die HERE met die siter, met die siter en die stem van gesang, met trompette en basuingeklank; juig voor die aangesig van die Koning, die HERE!

------------------------------------------------------------------------------------------------------------------------------

Skrifte "trompet":

Eseg.7:14  Hulle blaas met die trompet en maak alles klaar, maar niemand trek na die oorlog toe nie; want my toorngloed is oor die hele menigte van die land.

Hos. 5:8  Blaas die basuin in Gíbea, die trompet in Rama! Hef aan die krygsgeskreeu in Bet-Awen. Agter jou kom dit, Benjamin!

Matt. 6:2  Wanneer jy dan liefdadigheid bewys, moenie ‘n trompet voor jou blaas soos die geveinsdes in die sinagoges en op die strate doen, dat hulle deur die mense geëer kan word nie. Voorwaar Ek sê vir julle, hulle het hul loon weg.

------------------------------------------------------------------------------------------------------------------------------

Skrifte "alarm" / "alarm blaas":

Num 10:5  En as julle alarm blaas, moet die laers opbreek wat aan die oostekant staan.

Num 10:6  Maar as julle die tweede keer alarm blaas, moet die laers opbreek wat aan die suidekant staan. Alarm moet hulle blaas as hulle moet opbreek.

Num 10:7  Maar as die vergadering byeen moet kom, moet julle blaas, maar nie alarm maak nie.

Num 10:9  En as julle in jul land in oorlog kom teen die vyand wat met julle veg, moet julle met die trompette alarm blaas; dan sal aan julle gedink word voor die aangesig van die HERE julle God, en julle sal van jul vyande verlos word.

Num 31:6  En Moses het hulle na die oorlog gestuur, duisend vir elke stam, hulle en Pínehas, die seun van die priester Eleásar, na die oorlog, met die heilige voorwerpe en die trompette by hom om alarm te blaas.

2Kron. 13:12  En kyk, by ons is God aan die hoof en sy priesters met die alarmtrompette om teen julle alarm te blaas. Kinders van Israel, voer tog nie oorlog teen die HERE, die God van julle vaders nie, want julle sal nie voorspoedig wees nie.

Joe 2:1  Blaas die basuin op Sion, en blaas alarm op my heilige berg! Laat al die inwoners van die land bewe, want die dag van die HERE kom, want hy is naby—

========================================================================

DIE VOLGENDE BASUINE WORD BESKRYF AS BASUINE WAT DEUR DIE HERE GEGEE IS/WORD:

(Eks. 19:16)  En op die derde dag toe dit môre word, was daar donderslae en blitse en ‘n swaar wolk op die berg en die geluid van ‘n baie sterk basuin (trompet, "sho-far"), sodat die hele volk wat in die laer was, gebeef het.

(Eks. 19:19)  Toe die geluid van die basuin sterker en sterker word, het Moses gespreek, en God het hom telkens hardop geantwoord.

(Eks. 20:18)  En toe die hele volk die donderslae en die blitse en die geluid van die basuin en die rokende berg bemerk, het die volk dit gesien en gebewe en op ‘n afstand bly staan.

(Sag. 9:14)  Dan sal die HERE oor hulle verskyn, en soos weerlig sal sy pyl uitskiet; en die Here HERE sal met die basuin blaas en intrek met die storms uit die suide.

------------------------------------------------------------------------------------------------------------

VB.e van BASUINE MET WEDERKOMS  /  OPSTANDING en "WEGRAPING":

(1Kor. 15:51)  Kyk, ek deel julle ‘n verborgenheid mee: Ons sal wel nie almal ontslaap nie, maar ons sal almal verander word,
(1Kor. 15:52)  in ‘n oomblik, in ‘n oogwink, by die laaste basuin; want die basuin sal weerklink, en die dode sal onverganklik opgewek word; en ons sal verander word.
(1Kor. 15:53)  Want hierdie verganklike moet met onverganklikheid beklee word, en hierdie sterflike moet met onsterflikheid beklee word.
(1Kor. 15:54)  En wanneer hierdie verganklike met onverganklikheid beklee is en hierdie sterflike met onsterflikheid beklee is, dan sal vervul word die woord wat geskrywe is: Die dood is verslind in die oorwinning.
(1Kor. 15:55)  Dood, waar is jou angel? Doderyk, waar is jou oorwinning?

VGL MET:

Openb. 10:7  "maar in die dae van die stem van die sewende engel, wanneer hy met die basuin sal blaas, dan is die verborgenheid van God volbring, soos Hy die blye tyding verkondig het aan sy diensknegte, die profete".

(1Thess. 4:16)  Want die Here self sal van die hemel neerdaal met ‘n geroep, met die stem van ‘n aartsengel en met geklank van die basuin van God; en die wat in Christus gesterf het, sal eerste opstaan.

VGL. DIT MET:

(Sag. 9:14)  Dan sal die HERE oor hulle verskyn, en soos weerlig sal sy pyl uitskiet; en die Here HERE sal met die basuin blaas en intrek met die storms uit die suide.

(Mat 24:26)  As hulle dan vir julle sê: Kyk, Hy is in die woestyn—moenie uitgaan nie; kyk, Hy is in die binnekamer—moet dit nie glo nie.

(Mat 24:27)  Want soos die weerlig uit die ooste uitslaan en tot in die weste skyn, so sal ook die koms van die Seun van die mens wees.

(Mat 24:28)  Want oral waar die dooie liggaam lê, daar sal die aasvoëls saamkom.

(Mat 24:29)  En dadelik ná die verdrukking (5 de seel) van daardie dae sal die son verduister word, en die maan sal sy glans nie gee nie, en die sterre sal van die hemel val, en die kragte van die hemele sal geskud word.(6 de seel)

(Mat 24:30)  En dan (-7de seel:) sal die teken van die Seun van die mens in die hemel verskyn, en dan sal al die stamme van die aarde rou bedryf en die Seun van die mens sien kom op die wolke van die hemel met groot krag en heerlikheid. (vgl. met Matt. 26:64; Hand. 1:11; 2 Thess. 1:7,8))

(Mat 24:31)  En Hy sal sy engele uitstuur met harde trompetgeluid, en hulle sal sy uitverkorenes versamel uit die vier windstreke, van die een einde van die hemele af tot die ander einde daarvan.

(Jes. 27:13)  En in dié dag sal daar met ‘n groot basuin geblaas word; dan sal kom die wat verlore is in die land Assur en die wat verdryf is in Egipteland, en hulle sal die HERE aanbid op die heilige berg in Jerusalem.

------------------------------------------------------------------------------------------------------------

VB.e van BASUINE DEUR ENGELE GEBLAAS:

Openb.1:10  Ek was in die Gees op die dag van die Here, en ek het agter my ‘n groot stem gehoor, soos van ‘n basuin, wat sê: 

Openb.4:1  Ná hierdie dinge het ek gesien kyk, ‘n geopende deur in die hemel, en die eerste stem wat ek soos ‘n basuin met my hoor spreek het, het gesê: Kom op hierheen, en Ek sal jou toon wat ná hierdie dinge moet gebeur. 

Openb.8:13  En ek het gesien en gehoor ‘n engel wat in die middel van die hemel vlieg, wat met ‘n groot stem sê: Wee, wee, wee hulle wat op die aarde woon, vanweë die orige geluide van die basuin van die drie engele wat nog sal blaas! 

Openb.9:14  en dié het aan die sesde engel met die basuin gesê: Maak die vier engele los wat gebind is by die groot rivier, die Eufraat. 

Openb.10:7  maar in die dae van die stem van die sewende engel, wanneer hy met die basuin sal blaas, dan is die verborgenheid van God volbring, soos Hy die blye tyding verkondig het aan sy diensknegte, die profete. 

------------------------------------------------------------------------------------------------------------

Wilde-als (wormwood) / Alsem

IN HIERDIE POS KYK ONS NA DIE BETEKENIS VAN DIE WOORD "WILDE-ALS" IN DIE SKRIF, EN DIE "STER" WAARNA VERWYS WORD IN OPENB. 8, GENOEM "ALSEM".

=======================================================================

(Openb. 8:10)  En die derde engel het geblaas, en ‘n groot ster wat soos ‘n fakkel brand, het uit die hemel geval, en dit het geval op ‘n derde van die riviere en op die waterfonteine.
(Openb. 8:11)  En die naam van die ster word genoem Alsem (Wormwood); en ‘n derde van die waters het als geword, en baie mense het gesterwe van die water, omdat dit bitter geword het.

=======================================================================

(1)  Daar is slegs een verwysing in die skrif na die betrokke ster  wat genoem word Alsem (Griekse woord " ap'-sin-thos ") ("Wormwood") wat genoem word in Openb. 8 (die woord "ster" is die Griekse woord "as-tare").  In Openb. 8 verwys dit beslis na 'n spesifieke ster, maar daar is ook 'n beeldspraak gekoppel aan die woord in die Skrif. 

(2)  Die woord "wormwood" kom egter in heelwat ander skrifte voor, nl. as "wilde-als" wat oral te doen het met "vervloeking".  

Die volk Israel is gesien soos 'n WYNSTOK wat vrug dra... (Hos. 10) - sou daar egter enige wortel van ongeregtigheid wees, dan word dit beskryf as 'n wortel wat "gif en wilde-als dra" ! (bitter; giftig).  Bv., die wat die ongeregtigheid liefhet word uitgebeeld as "dat hulle die reg in wilde-als verander het"... (Amos 5:7).  Hierdie wortels (wat bitter is soos wilde-als) word uitgebeeld in verskillende skrifte;  bv. in Spr. 5:4 is dit die "vreemde vrou" (soos die hoer);  in Deut. 29:18 verwys dit na die wat afgodsdiens beoefen;  in Jer. 23:15 verwys dit na die goddelose profete;  in Amos 5 verwys dit o.a. na die wat onreg doen, liefhet wat sleg is, ens.;  in Jer. 9 verwys dit o.a. na die kwaadsprekers, leuenaars en die wat nie die Here ken nie...  

(3)  Die begrip "wilde-als" word dus in beeldspraak gebruik soos "as 'n vervloeking" - m.a.w. 'n vervloeking wat deur die Here uitgespreek word  (Jer. 23:15; Jer. 9:15).   

Dus, die ster (Alsem) kan ook gesien word soos 'n vervloeking... - bv., in Openb. 8:10 en 11 is dit deel van God se wraak (deel van die 7 basuine wat geblaas word onder die 7de seel).  Bv., die 7 de seel tydperk moet gesien word as die TYD VAN GOD SE WRAAK, DIE TYD VAN SY TOORN, o.a. DIE TYD VD WEDERKOMS WANNEER JESUS TERUGKOM OM OOK TE OORDEEL.  

- Onder die 6 de seel (wat direk na die Groot Verdrukking plaasvind), sien ons die volgende gebeure (Openb. 6:12-17):  -groot aardbewing; son swart (eclipse); maan soos bloed (blood moon); sterre val op aarde; hemel wyk weg soos boek wat toegerol word en al die berge en eilande word uit hulle plekke versit; mense steek hulle weg in spelonke en rotse van berge - bang vir die toorn van die Lam...   

En dan, onder die 7 de seel kry ons die 7 basuine (waarvan met die 5de basuin o.a. genoem word 1ste wee;  6de basuin, 2de wee; en 7de basuin, 3de wee...),  

en die 7 plae of skale:  Derde van die bome verbrand met al groen gras; derde van see word bloed; DAN DIE GROOT STER (Alsem) WAT OP DERDE VAN FONTEINE EN RIVERE VAL en derde van riviere word bitter - baie mense sterwe vd bitter water; daarna derde donker........ens. 

------------------------------------------------------------------------------------------------------------

SKRIFTE (wilde-als)(Alsem)(bitter):

========================================================================

(Openb. 8:10)  En die derde engel het geblaas, en ‘n groot ster wat soos ‘n fakkel brand, het uit die hemel geval, en dit het geval op ‘n derde van die riviere en op die waterfonteine.
(Openb. 8:11)  En die naam van die ster word genoem Alsem (Wormwood); en ‘n derde van die waters het als geword, en baie mense het gesterwe van die water, omdat dit bitter geword het.

------------------------------------------------------------------------------------------------------------
(Deut. 29:18)  sodat daar onder julle geen man of vrou of geslag of stam mag wees wat sy hart vandag van die HERE onse God afwend om die gode van dié nasies te gaan dien nie, sodat daar onder julle geen wortel mag wees wat gif en wilde-als ("hemlock, wormwood" - "lah-an-aw" - giftig, vervloek)(veronderstel om te bedoel om te vervloek) dra nie,

(Spr. 5:4)  maar op die end is sy (vreemde vrou - hoer of naaste se vrou) bitter soos wilde-als (wormwood), soos ‘n swaard aan weerskante skerp.

(Jer 9:15)  daarom, so sê die HERE van die leërskare, die God van Israel: Kyk, Ek gee aan hulle, aan hierdie volk (owerspelig en ontroue volk - v.2-14 - kwaadsprekers, leuenaars, ken nie die Here nie...), wilde-als (wormwood - giftig, vervloek) om te eet, en Ek laat hulle gifwater drink.

(Jer 23:15)  Daarom, so sê die HERE van die leërskare aangaande die profete: Kyk, Ek laat hulle wilde-als eet (wormwood - giftig, vervloek) en laat hulle gifwater drink; want van die profete van Jerusalem het goddeloosheid in die hele land uitgegaan.

(Pred. 3:15)  Hy het my met bitter kruie versadig, my genoeg wilde-als (wormwood) laat drink. (Lam 3:19)  Sajin. Dink aan my ellende en my omswerwing, aan die wilde-als en die gif.

(Amos 5:7)  Julle wat die reg in wilde-als verander en die geregtigheid teen die grond gooi!

(KONTEKS:..................Amos 5:15 Julle moet haat wat sleg is en liefhê wat goed is, en handhaaf die reg in die poort—miskien sal die HERE, die God van die leërskare, Hom ontferm oor die oorblyfsel van Josef.........(Amos 5:18)  Wee die wat na die dag van die HERE verlang! Wat sal tog die dag van die HERE vir julle wees? Dit sal duisternis wees en geen lig nie.............(Amos 5:26)  en ook gedra Sakkut, julle koning, en Kewan, julle beelde, julle stergod wat julle vir julle gemaak het?).

VERGELYK DIT MET:

(Amos 6:12)  Kan perde draf op rotse, of kan ‘n mens met osse daarop ploeë? —dat julle die reg in gif verander en die vrug van geregtigheid in wilde-als.

Die 2 getuies

Wie is die 2 getuies van wie ons lees in Openb. 11? 

  Wanneer presies gaan hulle hul verskyning maak?,
en Wat is hulle doel?

------------------------------------------------------------------------------------------------------------

Wat ons kan leer oor die 2 GETUIES in Openb. 11, is die volgende:

-  hulle word twee olyfbome  genoem (v.4);

-  hulle word twee kandelaars genoem (v.4);

-  hulle word  twee profete genoem (v.10).

Geleerdes redeneer al lank oor wie presies die 2 getuies van Openb. 11 is, maar die Skrif gee nie definitiewe sekerheid hieroor nie. Verwys hulle na die 2 gesalfdes/olyfbome in Sag. 4? Verwys hulle na persone of volke? 

Daar word heelwat afleidings gemaak van wie hulle is, bv., sommige beweer dat die 2 getuies verwys na Moses en Elia (Matt. 17:3; Mal. 3:1);  ander glo weer hulle verwys na Elia en Henog (Gen. 5:24); ander glo hulle verwys na die Hebreeuse volk en die Christelike kerk en vgl. hierdie 2 groepe dan met die "olyfbome en kandelare";  en sommige glo selfs dat een vd twee na Daniel verwys (Dan. 12:13)....  Niemand kan egter op hierdie stadium met sekerheid sê wie presies die 2 getuies is of sal wees nie. Ons weet wel dat dit verwys na 2 getuies en profete, en dat hulle buitengewone mag sal kry, en weet ook wanneer hulle sal optree.

=======================================================================
Wat is die doel/sal die doel wees van die 2 getuies?
Dit wil voorkom of hierdie 2 getuies nie net sal getuig en profeteer nie, maar sal ook iets soos "oordele" kan uitoefen, bv. hulle sal mag kry om die wat hulle probeer beskadig te verslind (Openb. 11:5,6) - hulle sal ook mag hê om die hemel te sluit sodat in die dae van hulle profesie daar geen reën val nie; hulle sal ook mag hê oor die waters, om dit in bloed te verander en om die aarde te tref met allerhande plae.... 

Die twee getuies is PROFETE en hulle doel is om te GETUIG (Openb. 11:3), en dit lyk of hulle gestuur word om die mensdom te waarsku teen die oordeel wat aan die kom is wanneer Jesus Christus, die Seun van God,  terugkom (want wanneer Hy terugkom sal dit anders wees as toe Hy die eerste keer gekom het, want toe Hy die eerste keer gekom het het Hy nie gekom om te oordeel nie, maar nou gaan Hy).  

Die 2 GETUIES (profete) sal dus:
-  profeteer en getuig:- (Openb.11:3)  "En Ek sal aan my twee getuies gee dat hulle, met sakke bekleed, duisend twee honderd en sestig dae lank sal profeteer".

-  sekere magte kry:- (Openb. 11:5,6)  "En as iemand hulle wil beskadig, gaan daar vuur uit hulle mond en verslind hulle vyande; en as iemand hulle wil beskadig, moet hy op dieselfde manier gedood word. Hulle het mag om die hemel te sluit, sodat daar in die dae van hulle profesie geen reën val nie; en hulle het mag oor die waters, om dit in bloed te verander en om die aarde te tref met allerhande plae so dikwels as hulle wil". 

------------------------------------------------------------------------------------------------------------

Nog ander feite rondom die 2 GETUIES:
-  hulle sal getuig nadat die tempel opgerig is (Openb. 11:1);
-  wanneer die voorhof buitekant die tempel aan die heidene gegee is (wie die heilige stad dan vir 42 maande lank sal vertrap)(v. 2);
-  die 2 getuies sal met sakke bekleed wees (v.3);
-  die 2 getuies sal vir 1260 dae lank profeteer (v.3).
 
Wanneer presies is die dae van hulle getuienis?
-  Een feit wat beslis vir ons geleer word van die tyd wanneer hulle gesien sal word (met sakke bekleed en getuig), is dat dit sal geskied NADAT DIE TEMPEL OPGERIG IS (kyk v. 1 hoe die tempel opgemeet word...).

Waar gaan die 2 getuies hierdie getuienis doen?
-  In die HEILIGE STAD. 
Hierdie feit word vir ons gegee in v. 2.  Die vraag is nou na watter stad "heilige stad" verwys?, en natuurlik is die antwoord JERUSALEM (wat altyd na verwys word as die heilige stad). Die stad Jerusalem was van altyd af so gesien, in "hierdie eeu" (Neh. 11:1,18; Dan. 9:24; Matt. 4:5), en sal ook so wees in die "volgende eeu" (Jes. 52:1) maar ook tot in ewigheid die "heilige stad" wees (nuwe Jerusalem)(Openb. 21:1,2). En alhoewel dit "groot stad" genoem word in v. 8, asook daar geestelik genoem word "Sodom en Egipte" (vgl. miskien met Jer. 23:14), verklaar v. 8 dat dit DIE STAD IS WAARIN ONSE  HERE GEKRUISIG IS. (Openb. 11:8 - "en hulle lyke sal lê op die straat van die groot stad wat geestelik genoem word Sodom en Egipte, waar ook onse Here gekruisig is") - so dus, Jerusalem!

------------------------------------------------------------------------------------------------------------

Verdere opmerkings oor die 2 getuies, en interpretasies:
Selfs die vgl. wat gemaak word dat die 2 getuies verwys na 2 gesalfdes in Sag. 4:11, is ook slegs interpretasie.-(Sag. 4:11,12 - "Daarop het ek begin spreek en aan hom gesê: Wat beteken hierdie twee olyfbome aan die regterkant van die kandelaar en aan die linkerkant daarvan? En hy sê: Dit is die twee gesalfdes wat by die Here van die ganse aarde staan").  Daar kan beslis waarde geheg word aan die verskillende interpresties, maar ons moet versigtig wees om leringe te bou hier rondom siende dit verdraaide leringe tot gevolg kan hê sou 'n interpretasie verkeerd wees.

Een interpretasie waarin baiemaal ingekyk word is die waar die woord "kandelaar" (wat in Openb. 2 in beeldspraak gebruik word vir Christelike kerke) in aanmerking geneem word. ((Openb. 2:1)  "Skryf aan die engel van die gemeente in Éfese: Dít sê Hy wat die sewe sterre in sy regterhand hou, wat wandel tussen die sewe goue kandelaars"... En dan v.5: "Onthou dan waarvandaan jy uitgeval het, en bekeer jou en doen die eerste werke. Anders kom Ek gou na jou toe en sal jou kandelaar van sy plek verwyder as jy jou nie bekeer nie. Vgl. dit ook met: (Openb. 1:20 - "die verborgenheid van die sewe sterre wat jy in my regterhand gesien het, en die sewe goue kandelaars: die sewe sterre is die engele van die sewe gemeentes, en die sewe kandelaars wat jy gesien het, is die sewe gemeentes").  In hierdie skrifgedeelte is dit bv. duidelik dat die woord "kandelaar" gebruik kan word vir "gemeente", en 'n afleiding kan maklik gemaak word dat die een kandelaar verwys na bv. die Christelike kerk en die ander na die Joodse volk (siende die 2 getuies "kandelaars" genoem word), maar neem kennis dat die 2 kandelaars (of getuies) in Openb. 11 ook 2 profete genoem word en dus miskien eerder verwys na 2 persone, nie groepe nie;  alhoewel sommige ook nie hierdie as 'n probleem beskou nie siende beide die Joodse volk en die Christelke kerk gesien word as 'n "profetedom". Die feit dat hulle doodgemaak word en na 3 dae opgewek word, kan miskien ook vgl. word met gelowiges wat doodgemaak word en opstaan uit die dode wanneer Christus terugkom.  OP DIESELFDE WYSE kan daar gekyk word na die term "2 olyfbome" (Openb. 11:4 verwys bv. na die 2 getuies as die "2 olyfbome"). Daar is ook 'n bepaalde beeldspraak oor olyfbome in die skrif. Die volk Israel word bv. voorgestel as 'n olyfboom (Hos. 14:6; Rom. 11:24).  Dawid het homself gesien as 'n groen olyfboom in die huis van God... (Ps. 52:8). (Jer 11:16 - "Die HERE het jou die naam gegee: groen olyfboom, skoon deur mooi gevormde vrugte; maar by die geluid van ‘n groot gedruis het Hy ‘n vuur daarteen aangesteek, en sy takke het gebreek"). Hulle is soos 'n boom wat deur die Here geplant is, maar omdat hulle nie na Sy woorde geluister het nie (Jer. 11:3) het Hy onheil oor hulle gebring (v.11) en die ongelowige takke is afgebreek (Rom. 11:20) en plek is gemaak vir ander takke wat uit die heidene kom (Rom. 11). Die heiden word voorgestel as 'n wilde olyfboom in Rom. 11:17.  Heidene wat tot geloof kom word afgekap van die wilde olyfboom en ingeënt op die mak olyfboom (word deel vd nageslag van Abraham)(Rom. 11:24)... Dit is a.g.v. hierdie soort beeldspraak waarom sekere geleerdes van mening is dat die 2 olyfbome in Openb. 11 verwys na :

-  die volk Israel, en na

-  die Christene uit die heidene;  maar ander sal redeneer dat Christene uit die heidene nie werklik verwys na 'n ander olyfboom nie maar hulle word eerder  ingeënt op die mak olyfboom (die volk Israel) - dus deel vdaardie boom...  Maar soos ons sien is hierdie alles afleidings en vergelykings, en slegs een van die vele interpresies daarbuite.

Die siening dat hierdie "2 olyfbome" of "kandelaars" verwys na die gelowiges uit die volk Israel en na die Christene uit die heidene, word deur die meerderheid bevraagteken siende die 2 getuies op 'n baie spesifieke manier voorgestel word (bv. met sakke bekleed) in Openb. 11 wat lyk of dit eerder verwys na 2 letterlike mense, 2 PROFETE - en nadat hulle doodgemaak is het hulle LYKE op straat gelê... (Openb. 11:9). Meeste is van mening dat die 2 getuies dus na 2 persone verwys (nie 2 groepe nie).

Die waarheid is dat niemand op hierdie stadium sekerheid het oor wie presies die 2 getuies is in Openb. 11 nie. 

------------------------------------------------------------------------------------------------------------------------------

OPSOMMING:

-  Niemand weet presies wie die 2 getuies gaan wees nie (maar daar is heelwat interpretasies);

-  Hulle gaan profete wees en mag kry (om sommige oordele uit te voer);

-  Hulle sal optree in die dae NADAT die tempel gebou is (in Jerusalem).  Interpretasies verskil egter oor wanneer presies dit gebeur onder die 7 seels, wat beteken dat daar nie sekerheid is oor of die 2 getuies sal optree tydens die Groot Verdrukking, en of dit 'n aparte periode van 1260 dae gaan wees vd 42 mnd.e, en of hierdie periodes mekaar gaan oorvleuel nie. 

TWEEDE SEEL

Vir die eerste seël, gaan na:
https://eindtydonderwerpe.blogspot.com/2020/05/eerste-seel.html

In hierdie pos:  

- Die tyd van die "Tweede Seël"

=================================================================

(rol af vir UITEENSETTING en SKRIFTE)

Tweede Seël  (Openb. 6:3,4):  (VUURROOI PERD) -vrede van aarde weggeneem -maak mekaar dood"

----------------------------------------------------------------
En kom ons vgl. die tweede seel in Openb. met dit wat Jesus gesê het (van wat volgende volg):

                 -  (Matt. 24:6,7a) -OORLOE EN GERUGTE VAN OORLOE-  NASIES EN KONINKRYKE SAL TEEN MEKAAR OPSTAAN-

nog nie die einde 

----------------------------------------------------------------

                 -  (Mark. 13:7,8)   -OORLOE EN GERUGTE VAN OORLOE-
NASIES EN KONINKRYKE SAL TEEN MEKAAR OPSTAAN-
nog nie die einde 

----------------------------------------------------------------

                 -  (Luk. 21:9,10)           -OORLOE EN OPSTANDE-
NASIES EN KONINKRYKE SAL TEEN MEKAAR OPSTAAN-
nie dadelik die einde 

_________________________________________________________________
TYD VAN OORLOG:

Die 2 de seël tydperk word gekenmerk deur oorlog (en gerugte van oorlog) tussen nasies en koninkryke. Duidelik, voor dit gebeur, was daar vrede op die aarde (bv. tussen nasies en koninkryke), want die woorde "die vrede vd aarde af weg te neem" word gebruik (Openb. 6:4 - "En ‘n ander perd, ‘n vuurrooie, het uitgekom, en aan hom wat daarop sit, is dit gegee om die vrede van die aarde af weg te neem en dat hulle mekaar sou doodmaak; en ‘n groot swaard is aan hom gegee"). Hierdie "perd" verwys na iemand, of dalk net na iets, bv. oorlog. As dit na iemand verwys, verwys dit sekerlik na 'n persoon wat mag het oor mense en veroorsaak dat mense mekaar doodmaak en die vrede vd aarde af so weggeneem word (" 'n groot swaard is aan hom gegee "). 

As ons dit met Openb. 9:17 vgl. dan kan die woord "vuurrooi" miskien verwys na "vuur" ( soos blou na rook verwys, en swawelgeel na swawel-Openb. 9:17 )( en soos swart verwys na ellende, droogte, storm en hongersnood-Eks. 10:15, 1 Kon. 18:45, Job 30:30; Openb. 6:5,6 )( en vaal verwys na dood-Openb. 6:8 );  wat terloops daar in Openb. 6:18 'n plaag voorstel waardeur baie mense gedood is. Dit in ag geneem kan die manier waarop daar oorlog gevoer word in Openb. 6:3,4 miskien o.a. wees dmv 'n plaag (bv. "vuur"???).  Wat ookal die metodes wat gebruik word, dit wil voorkom of hierdie tydperk beskryf kan word as "wereldoorlog" waarin nasies en koninkryke teen mekaar sal opstaan - daar sal oorlog wees, opstande, en gerugte van oorloë... 

-----------------------------------------------------------------
NOG NIE DIE EINDE:

As ons Jesus se volgorde van gebeure sou vgl. met Openb. 6 tot 8 se volgorde, dan is dit miskien belangrik om te merk Jesus se woordgebruik van dat dit hier (onder die 2de seel) "nog NIE die einde" is nie. Die begrip "die einde" verwys na iets wat tot 'n einde kom, bv. in hierdie geval die einde van die huidige bedeling (wat gepaardgaan met Jesus se wederkoms en die oprigting van Sy koninkryk) - ook genoem die "voleinding van die wêreld" (Matt. 24:3) - ...die tyd wanneer die koring vd onkruid geskei sal word - Matt. 13:39,40,49 (Matt. 28:20). 

Die begrip "aan die einde van dae" word ook gebruik van die begin van Jesus se regering hier op aarde (alhoewel dit ook somtyds gebruik word van die hele N.T. tydperk! - 2 Pet. 3:3,4). Jesus se woorde in Matt. 24:7, "die einde", verwys dus na die heel einde (Matt. 24:14)(Hebr. 3:6; 1 Kor. 15:23,24). 

Openb. 6 - 8 bevestig ook hierdie feit dat dit dan nog nie die einde is nie, want na die 2de seël volg daar nog 5 seëls (wat ons wel nie presies weet hoeveel tyd daarin verloop nie, alhoewel dit lyk of die Groot Verdrukking onder die 5de seël plaasvind, en daar iets soos 1260 dae verloop nadat die twee getuies hulle verskyning gemaak het... - Dan. 11). As Dan. 12 (wat terloops gaan oor die tyd vd opstanding) dan inderdaad verwys na die voleinding van dae, dan gaan daar 1290 dae verloop vanaf die gruwel opgerig is tot "die opstanding";  en as Dan. 8 ook na hierdie tyd verwys, dan is dit 2300 aande en mores vanaf die heiligdom en leer aan vertrapping oorgegee word en tot die heiligdom in sy regte staat herstel word. So ons sien dat daar heelwat jare verloop in hierdie tye (waarvan 1260 dae beslis is in Openb. 11, asook 'n 5 maande tydperk genoem word onder die 5 de basuin onder die 7de seël). Die tweede seël is duidelik nog nie die einde nie! Met hierdie geweldige tyd van oorlog onder die 2de seël, gaan daar nog baie jare verloop voor die heel einde...

_________________________________________________________________
Opsomming:

(1)  Volgens Openb. 6:3,4 verwys die "VUURROOI PERD" na iemand (bv. 'n persoon wat mag het om te verwoes), of net iets (bv. in hierdie geval, oorlog). 

(2)  Vrede word vd aarde af weggeneem / hulle maak mekaar dood - dit beteken dat daar wel voor of met die tyd vd eerste seël vrede op die aarde was - as hierdie "perd" verwys na iemand, mag dit moontlik iets met die oorwinnaar onder die eerste seël te doen he, alhoewel dit ook na heeltemal iemand anders kan verwys.

(3)  Vgl. dit met wat Jesus geleer het oor die eindtye in die Evangelies.  Eerstens het Hy bv. daar gepraat oor valse Christusse (eerste seël tydperk?), en volgende het Hy gepraat oor  oorloë, gerugte van oorloë, opstande, en nasies en koninkryke wat teen mekaar sal opstaan... (vlg. dit met die 2de seël in Openb. 6)(Matt. 24:6,7a; Mark. 13:7,8; Luk. 21:9,10). Jesus het ook die stelling gemaak dat dit dan "nog nie die einde" is nie.

------------------------------------------------------------------------------------------------------------

Skrifte:

(Openb. 6:3)  En toe Hy die tweede seël oopgemaak het, hoor ek die tweede lewende wese sê: Kom kyk!
(Openb. 6:4)  En ‘n ander perd, ‘n vuurrooie, het uitgekom, en aan hom wat daarop sit, is dit gegee om die vrede van die aarde af weg te neem en dat hulle mekaar sou doodmaak; en ‘n groot swaard is aan hom gegee.


(Mat 24:6)  En julle sal hoor van oorloë en gerugte van oorloë. Pas op, moenie verskrik word nie, want alles moet plaasvind, maar dit is nog nie die einde nie.
(Mat 24:7)  Want die een nasie sal teen die ander opstaan en die een koninkryk teen die ander; ..."

(Mar 13:7)  Maar wanneer julle hoor van oorloë en gerugte van oorloë, moet julle nie verskrik word nie, want dit moet kom. Maar dit is nog nie die einde nie.
(Mar 13:8)  Want die een nasie sal teen die ander opstaan, en die een koninkryk teen die ander...


(Luk 21:9)  En wanneer julle hoor van oorloë en opstande, moenie skrik nie; want dié dinge moet eers plaasvind, maar dit is nie dadelik die einde nie.
(Luk 21:10)  Toe sê Hy vir hulle: Die een nasie sal teen die ander opstaan en die een koninkryk teen die ander.

=================================================================